കുവൈത്ത് സിറ്റി: കുവൈത്ത് സൈന്യത്തിന്റെ ജനറൽ സ്റ്റാഫ് വ്യാഴാഴ്ച പുലർച്ചെ ബയാൻ ന്യൂ (അൽ മുബാറകിയ) പ്രദേശത്ത് സ്ഫോടക വസ്തുക്കളുടെയും യുദ്ധാവശിഷ്ടങ്ങളുടെയും നിർവീര്യമാക്കൽ നടപടികൾ നടത്തുമെന്ന് അറിയിച്ചു.
രാവിലെ 4:00 മുതൽ 9:00 വരെ കരസേനയുടെ എഞ്ചിനിയറിംഗ് വിഭാഗത്തിന് കീഴിലുള്ള സ്ഫോടകവസ്തു പരിശോധനയും നിർവീര്യമാക്കലും നടത്തുന്ന സംഘം (EOD) ഈ പ്രവർത്തനങ്ങൾ നിർവഹിക്കും.
ഈ സമയത്ത് കേൾക്കുന്ന സ്ഫോടന ശബ്ദങ്ങൾ സുരക്ഷിതമായ നിയന്ത്രിത നിർവീര്യമാക്കൽ നടപടികളുടെ ഭാഗമാണെന്നും പൊതുജനങ്ങൾ ആശങ്കപ്പെടേണ്ടതില്ലെന്നും സൈന്യം എക്സ് (X) പ്ലാറ്റ്ഫോമിലൂടെ പുറത്തിറക്കിയ പ്രസ്താവനയിൽ അറിയിച്ചു.
