മെക്‌സിക്കോ സിറ്റി: മെക്‌സിക്കൻ ഓപ്പൺ ടെന്നിസ് കിരീടം റാഫേൽ നദാലിന്. ബ്രിട്ടീഷ് താരം കാമറൂൺ നോറിയെ നേരിട്ടുള്ള സെറ്റുകൾക്ക് തോൽപ്പിച്ചാണ് കിരീടം നേടിയത്. സ്കോർ 6-4, 6-4. 2022ൽ നദാലിന്‍റെ തുടർച്ചയായ മൂന്നാം കിരീടമാണ് മെക്‌സിക്കോയിലേത്. നദാലിന്‍റെ നാലാം മെക്‌സിക്കൻ ഓപ്പൺ കിരീടം കൂടിയാണ് ഇത്. കരിയറില്‍ 91 കിരീടങ്ങളാണ് ഇതുവരെ നദാൽ ആകെ നേടിയത്. ഈ വര്‍ഷം മെല്‍ബണ്‍ സമ്മര്‍ സെറ്റും ഓസ്‌ട്രേലിയന്‍ ഓപ്പണും നദാല്‍ നേടിയിരുന്നു. ഓസ്‌ട്രേലിയന്‍ ഓപ്പണ്‍ ഫൈനലില്‍ റഷ്യന്‍ താരം ഡാനില്‍ മെദ്‌വദേവിനെ തോല്‍പ്പിച്ച് സ്‌പാനിഷ് താരമായ റാഫേല്‍ നദാല്‍ 21-ാം ഗ്രാന്ഡ്സ്ലാം കിരീടനേട്ടം ആഘോഷിച്ചിരുന്നു. അഞ്ച് സെറ്റ് നീണ്ട പോരിലായിരുന്നു നദാലിന്‍റെ ജയം. അതും ആദ്യ രണ്ട് സെറ്റ് വഴങ്ങിയ ശേഷമുള്ള തകര്‍പ്പന്‍ തിരിച്ചുവരവിലൂടെ. 20 കിരീടങ്ങള്‍ വീതമുള്ള സ്വിസ് ഇതിഹാസം ഫെഡറര്‍, സെര്‍ബിയയുടെ നൊവാക് ജോക്കോവിച്ച് എന്നിവരെ പിന്തള്ളിയാണ് നദാല്‍ ഗ്രാന്ഡ്സ്ലാം പോരാട്ടത്തില്‍ ലീഡെടുത്തത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?