എമ്ബുരാൻ സിനിമയുടെ ഉള്ളടക്കത്തെ ചൊല്ലി ബിജെപി യോഗത്തില്‍ ചർച്ച നടന്നെന്ന വാർത്ത നിഷേധിച്ച്‌ ബിജെപി. ബിജെപി കോർയോഗം എമ്ബുരാൻ സിനിമയെക്കുറിച്ച്‌ ചർച്ച ചെയ്തിട്ടില്ല. സിനിമയുടെ പ്രമോഷനോ സിനിമ ആര് കാണണം എന്നുള്ള കാര്യങ്ങള്‍ ഒന്നും ചർച്ച ചെയ്യുന്നത് ബിജെപിയുടെ രീതിയല്ല. അതുകൊണ്ട് സത്യവിരുദ്ധമായ ഈ വാർത്ത പിൻവലിക്കണമെന്നും സംസ്ഥാന ജനറല്‍ സെക്രട്ടറി പി. സുധീർ ആവശ്യപ്പെട്ടു.
ഇന്ന് നടന്ന പാർട്ടി നേതൃയോഗത്തിലാണ് സിനിമയുടെ സെൻസറിങ്ങില്‍ സെൻസർ ബോർഡിലെ പാർട്ടി പ്രതിനിധികള്‍ക്ക് വീഴ്ച്ച ഉണ്ടായോ എന്നു പരിശോധിക്കണമെന്ന് ആവശ്യം ഉയർന്നത്. സെൻസർ ബോർഡില്‍ ബിജെപി പ്രതിനിധികളില്ലെന്ന് പാർട്ടി മുൻ സംസ്ഥാന അധ്യക്ഷൻ കെ സുരേന്ദ്രൻ പ്രതികരിച്ചു.
സിനിമയുടെ കേന്ദ്ര കഥാപാത്രം അവതരിപ്പിച്ച നടൻ മോഹൻലാല്‍ തൻ്റെ നല്ല സുഹൃത്താണെന്ന് യോഗത്തില്‍ പാർട്ടി സംസ്ഥാന അധ്യക്ഷൻ രാജീവ് ചന്ദ്രശേഖറും നിലപാടെടുത്തു. എമ്ബുരാനെതിരെ പ്രചാരണം വേണ്ടെന്നും യോഗം തീരുമാനിച്ചിരുന്നു. പിന്നാലെയാണ് ചർച്ച നടന്നില്ലെന്ന് ബിജെപി നേതാവ് വിശദീകരണ കുറിപ്പിറക്കിയത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?