കൊറോണയ്ക്ക് പിന്നാലെ മനുഷ്യരാശിക്ക് ഭീഷണി ഉയർത്തി ഡിസീസ് എക്സ് എത്തുന്നുവെന്ന് ലോകാരോഗ്യസംഘടനയുടെ മുന്നറിയിപ്പ്. എബോളയെയും സിക്കയെയും സാർസിനെയും വെല്ലുന്ന ഈ മാരകരോഗം ശക്തമായ ഭീഷണിയാണ് ഉയർത്തുന്നത് . ആഫ്രിക്കൻ രാജ്യമായ കോംഗോ റിപ്പബ്ലിക്കിലെ ഇൻഗെൻഡെയിലാണ് ആദ്യ രോഗിയെന്ന് സംശയിക്കുന്നയാളെ കണ്ടെത്തിയത്.
ശക്തമായ പനിയായിരുന്നു കോംഗോയിൽ രോഗം ബാധിച്ച സ്ത്രീക്കുണ്ടായ ആദ്യ ലക്ഷണം .കൊറോണ വൈറസിന് സമാനമായ നിരക്കിൽ ഈ രോഗം പടരുമെന്നും മരണനിരക്ക് 50-90 ശതമാനം വരെയാകാമെന്നും ശാസ്ത്രജ്ഞർ പുറത്തുവിട്ട കണക്കുകളാണ് ഈ പുതിയ വൈറസിന്റെ വ്യാപനത്തെക്കുറിച്ചുള്ള ആശങ്ക വർദ്ധിപ്പിക്കുന്നത് .
1976 ൽ എബോള വൈറസ് കണ്ടുപിടിക്കുന്നതിൽ നിർണായക പങ്ക് വഹിച്ച പ്രഫസർ ജീൻ ജാക്വസ് മുയെംബെ തംഫും മനുഷ്യരാശിക്ക് എണ്ണമറ്റ പുതിയ വൈറസുകളെയും, മാരകമായ അണുബാധകളെയും നേരിടേണ്ടിവരുമെന്ന് മുന്നറിയിപ്പ് നൽകുന്നു . ആഫ്രിക്കയിലെ ഉഷ്ണമേഖലാ മഴക്കാടുകൾ നിരവധി മാരകമായ വൈറസുകൾ പുറപ്പെടുവിക്കുന്നതിന്റെ ഉറവിടമാകുമെന്നും അദ്ദേഹം വ്യക്തമാക്കുന്നു .
നിലവില്‍ ഇതിന് ചികിത്സ ലഭ്യമല്ല. രോഗം ബാധിച്ചാല്‍ മരണം നിശ്ചയമാണെന്ന് മാത്രമല്ല അത് മറ്റുള്ളവരിലേക്ക് പകരുകയും ചെയ്യും
ജന്തുക്കളിൽനിന്നു തന്നെയാണ് ഈ രോഗവും മനുഷ്യരിലെത്തുക. വനനശീകരണം, മൃഗങ്ങളുടെ ആവാസ വ്യവസ്ഥ തകർക്കൽ, വന്യജീവി വ്യാപാരം എന്നിവയാണ് സമാന രോഗങ്ങളുടെ വ്യാപനത്തിനിടയാക്കുന്നതെന്നും സംഘടന മുന്നറിയിപ്പ് നൽകുന്നു.
ചരിത്രത്തില്‍ രേഖപ്പെടുത്തിയിരിക്കുന്ന പകര്‍ച്ചവ്യാധികളുടെ ഗണത്തില്‍പ്പെടുത്താവുന്ന അടുത്ത ഒരു മഹാമാരിയായിരിക്കും ഡിസീസ് എക്സ് എന്നാണ് ലോകാരോഗ്യ സംഘടന നൽകുന്ന മുന്നറിയിപ്പ്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?