ഗൾഫ് രാജ്യങ്ങളെയും വിശ്വാസത്തിലെടുത്തായിരിക്കും ഇനി ഇറാനുമായി ചർച്ച; അമേരിക്ക

  • 14/02/2021

വാഷിംഗ്‌ടൺ: ആണവ കരാർ സംബന്ധിച്ച് ഇറാനുമായുള്ള തുടർ ചർച്ചകൾ ഉടനില്ലെന്ന് അമേരിക്ക. ഇനി സൗദി അറേബ്യ ഉൾപ്പെടെ ആറ് ഗൾഫ് രാജ്യങ്ങളെയും വിശ്വാസത്തിലെടുത്തായിരിക്കും ചർച്ച നടത്തുക എന്ന് അമേരിക്ക പറഞ്ഞു. ഗൾഫ് സുരക്ഷക്ക് ദോഷം ചെയ്യുന്ന നടപടികൾ ഉണ്ടാകില്ലെന്നും ബൈഡൻ ഭരണകൂടം വ്യക്തമാക്കിട്ടുണ്ട്. 

ഇറാനു മേൽ ഏർപ്പെടുത്തിയ ഉപരോധം പിൻവലിക്കില്ലെന്നാണ് ബൈഡൻ ഭരണകൂടം കഴിഞ്ഞ ദിവസം അറിയിച്ചത്. അതേസമയം യെമൻ യുദ്ധം ഉടനടി അവസാനിപ്പിക്കാൻ അമേരിക്ക ഗൾഫ് രാജ്യങ്ങളുടെ സഹകരണം തേടി. 

യുറേനിയം സമ്പുഷ്ടീകരണതോത് ഉയർത്തിയ നടപടി ഇറാൻ ഉപേക്ഷിക്കാതെ ചർച്ചക്കില്ലെന്നും യു.എസ് നേൃത്വം വ്യക്തമാക്കിയിട്ടുണ്ട്. ഇതിനെ ഗൾഫ് രാജ്യങ്ങൾ സ്വാഗതം ചെയ്യുകയാണ്. ജി.സി.സി രാജ്യങ്ങളുടെ പിന്തുണയില്ലാതെ ഇറാനുമായി ആശയവിനിമയം ഉണ്ടാകില്ലെന്ന സൂചനയും ബൈഡൻ ഭരണകൂടം നൽകുന്നുണ്ട്. ഇറാൻ, യെമൻ വിഷയത്തിൽ ഗൾഫ് രാജ്യങ്ങളുമായി ബൈഡൻ ഭരണകൂടം തിരക്കിട്ട ആശയവിനിമയവും ആരംഭിച്ചിട്ടുണ്ട്.

2015ൽ ഒപ്പുവെച്ച ആണവ കരാറിൽ നിന്നു 2018ൽ ട്രംപ് പിൻവാങ്ങിയതിനെ പിന്തുണക്കുകയായിരുന്നു മിക്ക ഗൾഫ് രാജ്യങ്ങളും. ആണവ പദ്ധതിക്കൊപ്പം ഇറാെൻറെ ബാലിസ്റ്റിക് മിസൈൽ പദ്ധതിയും ഗൾഫ് സുരക്ഷക്ക് വെല്ലുവിളിയാണെന്ന നിലപാടാണ് ജി.സി.സി നേതൃത്വത്തിനുള്ളത്. ഇറാനുമായുള്ള ഭാവി ചർച്ചകളിൽ തങ്ങളെ കൂടി പങ്കുചേർക്കണം എന്ന ആവശ്യവും ജി.സി.സി മുന്നോട്ടു വെച്ചിരുന്നു. എന്നാൽ വൻശക്തി രാജ്യങ്ങളുമായല്ലാതെ പുതുതായി ആരുമായും ചർച്ചക്കൊരുക്കമല്ല എന്നാണ് ഇറാൻ വ്യക്തമാക്കിയത്.

യെമനിൽ സമാധാനം തിരികെ കൊണ്ടുവരാൻ ജി.സി.സി നേതൃത്വം സന്നദ്ധത അറിയിച്ചിട്ടുണ്ട്. എന്നാൽ ഹൂത്തികളുടെ മിസൈൽ ആക്രമണം തുടരുന്ന സാഹചര്യത്തിൽ സൗദി സഖ്യസേനക്ക് യുദ്ധം അവസാനിപ്പിക്കാൻ എളുപ്പമായിരിക്കില്ലെന്നാണ് വിലയിരുത്തൽ.

Related News

തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024
അമേരിക്കയില്‍ വീണ്ടും മലയാളി കൊലപാതകം; അച്ഛനെ മകന്‍ കുത്തിക് ...
  • 17/02/2024
‘ഭാര്യയെ കൊന്ന് ആനന്ദ് ജീവനൊടുക്കി; മലയാളി കുടുംബത്തിന്റെ മര ...
  • 15/02/2024
അമേരിക്കയില്‍ നാലംഗ മലയാളി കുടുംബം വീട്ടിനുളളില്‍ മരിച്ച നില ...
  • 13/02/2024
കുട്ടിയെ അബദ്ധത്തില്‍ തൊട്ടിലിന് പകരം ഓവനില്‍ വെച്ച്‌ മറന്ന് ...
  • 11/02/2024
മരണശേഷം സ്വന്തം പേരില്‍ അറിയപ്പെടണം, ക്യാൻസര്‍ രോഗിയുടെ വെളി ...
  • 03/02/2024
'തലയില്‍ 50 തവണ ചുറ്റിക കൊണ്ട് അടിച്ചു'; ഇന്ത്യൻ വിദ്യാര്‍ഥി ...
  • 30/01/2024
മൊണാലിസ പെയിൻ്റിങ്ങിന് മുകളില്‍ സൂപ്പൊഴിച്ച്‌ ആക്രമണം; ബുള്ള ...
  • 28/01/2024
16000 അടി ഉയരത്തില്‍ പറക്കവെ വിമാനത്തിന്റെ ജനല്‍ അടര്‍ന്നുവീ ...
  • 06/01/2024
2 മക്കളെ കൊന്നു, ഒരാള്‍ക്ക് പരിക്ക്, അന്വേഷണത്തിനിടെ രാജ്യം ...
  • 31/12/2023