സ്ത്രീകൾ പ്രലോഭനം ഒഴിവാക്കാൻ ശരീരം മറയ്ക്കണം ; ഇമ്രാൻ ഖാന്റെ പരാമർശത്തിൽ വിവാദം

  • 08/04/2021



ഇസ്ലാമബാദ്: ബലാത്സംഗത്തെ സ്ത്രീകളുടെ വസ്ത്ര ധാരണവുമായി ബന്ധപ്പെടുത്തിയ പരാമർശത്തെ തുടർന്ന് പാക് പ്രധാനമന്ത്രി ഇമ്രാൻ ഖാനെതിരെ രൂക്ഷ വിമർശനം. സ്ത്രീകളുടെ വസ്ത്രധാരണമാണ് ബലാത്സംഗത്തിന് കാരണമാകുന്നതെന്നും അതിനാൽ സ്ത്രീകൾ ശരീരം മൂടി നടക്കണമെന്നുമായിരുന്നു മുൻ ക്രിക്കറ്റ് താരം കൂടിയായ ഇമ്രാൻ ഖാന്റെ പ്രതികരണം. വാരാന്ത്യ ലൈവ് പരിപാടിയിലായിരുന്നു ഇമ്രാൻ ഖാൻറെ പരാമർശം. സദാചാരമൂല്യങ്ങൾ കുറയുന്നതിൻറെ പ്രത്യാഘാതങ്ങൾ സമൂഹത്തിലുണ്ടാവുമെന്നായിരുന്നു ഇമ്രാൻ ഖാന്റെ വാദം .

‘സമൂഹത്തിൽ ബലാത്സംഗം വർധിക്കുകയാണ്. സ്ത്രീകൾ പ്രലോഭനം ഒഴിവാക്കാൻ ശരീരം മറയ്ക്കണം . . പർദയെന്ന ആശയം പ്രലോഭനങ്ങളെ കുറയ്ക്കാൻ വേണ്ടിയുള്ളതാണ്. എല്ലാവർക്കും പ്രലോഭനം ഒഴിവാക്കാനുള്ള മനോശക്തി ഉണ്ടാവില്ല .’ ഇമ്രാൻ ഖാൻ പറയുന്നു .

അതേസമയം ഇമ്രാൻ ഖാൻറെ ഈ പരാമർശം രൂക്ഷമായ പ്രതിഷേധത്തിലേക്കാണ് വഴി തെളിച്ചിരിക്കുന്നത്. നൂറുകണക്കിന് ആളുകളാണ് ഇമ്രാൻ ഖാൻറെ പ്രസ്താവനയ്ക്കെതിരായി പ്രതിഷേധവുമായി എത്തിയിരിക്കുന്നത്. ഇമ്രാൻ ഖാൻറെ വാക്കുകൾ തെറ്റാണെന്നും അപകടകരമാണെന്നും നിർവ്വികാരവുമാണെന്നാണ് വനിതാ അവകാശ പ്രവർത്തകർ ആരോപിക്കുന്നത് .ബലാത്സംഗം ചെയ്യാൻ പ്രോത്സാഹിപ്പിക്കുന്നതാണ് ഇത്തരം പരാമർശമെന്നും വിമർശനം ഉയരുന്നുണ്ട്.

അതെ സമയം യാഥാസ്ഥിതിക മനോഭാവം പുലർത്തുന്ന രാജ്യമായ പാകിസ്ഥാനിൽ ബലാത്സംഗത്തിനിരയായ വ്യക്തിയെ കുറ്റവാളിയായി ചിത്രീകരിക്കുന്നതായും പരാതികൾ പലപ്പോഴും അന്വേഷിക്കുക പോലും ചെയ്യാത്ത സാഹചര്യമാണ് നിലവിലുള്ളതെന്നും ആരോപണമുണ്ട്. ഈ സാഹചര്യത്തിലാണ് സദാചാരവാദികളെ പിന്തുണയ്ക്കുന്ന രീതിയിലുള്ള ഇമ്രാൻ ഖാൻറെ പരാമർശം.

പാകിസ്ഥാനിൽ തനിയെ വാഹനം ഓടിച്ച്‌ പോയ വനിത കൂട്ട ബലാത്സംഗത്തിന് ഇരയായ സംഭവത്തിൽ പുരുഷൻ കൂടെയില്ലാതെ പുറത്ത് പോയ യുവതിയെ പഴിച്ച പൊലീസ് മേധാവിയുടെ പരാമർശം ഏറെ വിവാദത്തിന് വഴി വെച്ചിരുന്നു .

Related News

ഹര്‍ഷിത അവസാനം സംസാരിച്ചത് 10 ദിവസം മുൻപ്, മൃതദേഹം 145 കിമീ ...
  • 20/11/2024
'മരണമല്ലാതെ മറ്റൊന്നും ഒഴിവുകഴിവല്ല'; കാറപകടത്തില്‍പ്പെട്ട ജ ...
  • 23/10/2024
അച്ഛനോടൊപ്പം മക്കള്‍ കഴിയട്ടെയെന്ന് കോടതി ഉത്തരവിട്ടു; പിന്ന ...
  • 06/09/2024
അമിത വേഗതയിലെത്തിയ ട്രക്ക് കാറിന് പിന്നിലിടിച്ചു, അമേരിക്കയി ...
  • 04/09/2024
വിവാഹവേദി കൊലക്കളമാക്കി പിഞ്ചുകുഞ്ഞുമായെത്തിയ വനിതാ ചാവേര്‍ ...
  • 30/06/2024
മരിച്ചുപോയ സഹോദരിയായി വേഷം മാറി 14 കൊല്ലം ജോലി ചെയ്ത് യുവതി
  • 03/06/2024
25 സ്ത്രീകളെ കൊന്ന് മൃതദേഹം പന്നികൾക്ക് നൽകി കാനഡയെ ഞെട്ടിച് ...
  • 01/06/2024
മുൻ ചക്രമില്ലാതെ വിമാനം ലാൻഡ് ചെയ്തു, ഒഴിവായത് വൻ ദുരന്തം
  • 09/05/2024
11കാരനുമായുള്ള ചാറ്റ് അമ്മ പിടികൂടി, വിവാഹമുറപ്പിച്ച 24കാരിയ ...
  • 04/05/2024
തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024