കൊവിഡ് പ്രോട്ടോക്കോൾ ലംഘിച്ച് ചുംബനം: യുകെ ഹെൽത്ത് സെക്രട്ടറി മാറ്റ് ഹാൻകോക്ക് രാജിവച്ചു

  • 27/06/2021



ലണ്ടൻ: കൊവിഡ് പ്രോട്ടോക്കോൾ ലംഘിച്ച് സുഹൃത്തും തന്റെ ഓഫീസ് ജീവനക്കാരിയുമായ സ്ത്രീയെ ചുംബിച്ച സംഭവത്തിൽ വിമർശനം നേരിടുന്ന യുകെ ഹെൽത്ത് സെക്രട്ടറി മാറ്റ് ഹാൻകോക്ക് രാജിവച്ചു. മുൻ ധനകാര്യമന്ത്രി സാജിദ് ജാവിദ് ചുമതലയേറ്റെടുക്കും. വിമർശനങ്ങൾ നേരിട്ടതിനെ തുടർന്ന്, പ്രധാനമന്ത്രി ബോറിസ് ജോൺസണ് അയച്ച കത്തിലാണ് അദ്ദേഹം രാജിസന്നദ്ധത അറിയിച്ചത്. 

ഈ കൊവിഡ് കാലത്ത് എല്ലാം ത്യജിച്ച് സർക്കാരിന്റെ നിയന്ത്രണങ്ങളെല്ലാം പാലിച്ച ജനങ്ങളോട് കടപ്പെട്ടിരിക്കാൻ ഞാൻ ബാധ്യസ്ഥനാണ്. എന്നാൽ ഞാൻ ആ നിബന്ധനകൾ തെറ്റിച്ചു - എന്ന് അദ്ദേഹം കത്തിൽ കുറിച്ചു. ഹാൻകോക്കിനെതിരെ വാർത്തകൾ പുറത്തുവന്നതോടെ പ്രതിഷേധവും രാജിസമ്മർദ്ദവും ഉയർന്നിരുന്നു. ഹാൻകോക്കിന്റെ രാജി ആവശ്യപ്പെടണമെന്ന് പ്രതിപക്ഷം ബോറിസ് ജോൺസണോട് ആവശ്യപ്പെട്ടിരുന്നു. 

ഹാൻകോക്കിന്റെ രാജികത്ത് ലഭിച്ചതിൽ വിഷമമുണ്ടെന്നും എന്നാൽ അദ്ദേഹത്തിന്റെ ഇതുവരെയുള്ള പ്രവർത്തനങ്ങൾ മികച്ചതായിരുന്നുവെന്നും ബോറിസ് ജോൺസൺ പ്രതികരിച്ചു. ഒരേസമയം ജനങ്ങളോട് കൊവിഡ് നിയന്ത്രണങ്ങൾ പാലിക്കാൻ ആവശ്യപ്പെടുകയും ജനപ്രതിനിധികൾ അത് ലംഘിക്കുകയും ചെയ്യുന്നത് ഭരണകർത്താക്കളുടെ രണ്ട് മുഖമാണ് വ്യക്തമാക്കി തരുന്നതെന്ന് പ്രതിപക്ഷ പാർട്ടികൾ കുറ്റപ്പെടുത്തി. 

മെയ് ആറിന് ഹാൻകോക്ക് തന്റെ ഓഫീസ് ജീവനക്കാരിലൊരാളായ ജിന കൊലഡാഞ്ചെലോയെ ചുംബിക്കുന്നതിന്റെ സിസിടിവി ദൃശ്യങ്ങൾ അന്താരാഷ്ട്രമാധ്യമമായ ദ സൺ ആണ് പുറത്തുവിട്ടത്. അതേസമയം അനധികൃതമായി ജിനയെ നിയമിച്ചതിലും സർക്കാർ മറുപടി നൽകണമെന്നും മുഖ്യപ്രതിപക്ഷമായ ലേബർ പാർട്ടി ആവശ്യപ്പെട്ടു. 

 

Related News

ഹര്‍ഷിത അവസാനം സംസാരിച്ചത് 10 ദിവസം മുൻപ്, മൃതദേഹം 145 കിമീ ...
  • 20/11/2024
'മരണമല്ലാതെ മറ്റൊന്നും ഒഴിവുകഴിവല്ല'; കാറപകടത്തില്‍പ്പെട്ട ജ ...
  • 23/10/2024
അച്ഛനോടൊപ്പം മക്കള്‍ കഴിയട്ടെയെന്ന് കോടതി ഉത്തരവിട്ടു; പിന്ന ...
  • 06/09/2024
അമിത വേഗതയിലെത്തിയ ട്രക്ക് കാറിന് പിന്നിലിടിച്ചു, അമേരിക്കയി ...
  • 04/09/2024
വിവാഹവേദി കൊലക്കളമാക്കി പിഞ്ചുകുഞ്ഞുമായെത്തിയ വനിതാ ചാവേര്‍ ...
  • 30/06/2024
മരിച്ചുപോയ സഹോദരിയായി വേഷം മാറി 14 കൊല്ലം ജോലി ചെയ്ത് യുവതി
  • 03/06/2024
25 സ്ത്രീകളെ കൊന്ന് മൃതദേഹം പന്നികൾക്ക് നൽകി കാനഡയെ ഞെട്ടിച് ...
  • 01/06/2024
മുൻ ചക്രമില്ലാതെ വിമാനം ലാൻഡ് ചെയ്തു, ഒഴിവായത് വൻ ദുരന്തം
  • 09/05/2024
11കാരനുമായുള്ള ചാറ്റ് അമ്മ പിടികൂടി, വിവാഹമുറപ്പിച്ച 24കാരിയ ...
  • 04/05/2024
തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024