ശ്രീനഗറിൽ നിന്നുള്ള യാത്രികർക്ക് കനത്ത തിരിച്ചടി: ശ്രീനഗര്‍-ഷാര്‍ജ വിമാനത്തിന് വ്യോമപാത ഉപയോഗിക്കാന്‍ അനുവാദം നൽകാതെ പാകിസ്താൻ

  • 03/11/2021


ന്യൂ ഡെൽഹി: ശ്രീനഗറിൽ നിന്ന് ഷാർജയിലേക്കുള്ള ആദ്യ വിമാനത്തിന് തങ്ങളുടെ വ്യോമാതിർത്തി ഉപയോഗിക്കുന്നതിന് പാകിസ്താൻ അനുവദിച്ചില്ല. പാകിസ്താന്റെ നടപടി ശ്രീനഗറിൽ നിന്നുള്ള യാത്രികർക്ക് കനത്ത തിരിച്ചടി സൃഷ്ടിക്കും.

പാകിസ്താന്റെ വ്യോമപാത ഒഴിവാക്കി പറക്കുകയാണെങ്കിൽ ഉദയ്പുർ, അഹമ്മദാബാദ്, ഒമാൻ വഴി ഷാർജയിലേക്ക് പറക്കേണ്ടി വരും. ഒരു മണിക്കൂർ അധിക യാത്ര വരുന്നതിനാൽ ഇതിന് ചിലവേറും.

കഴിഞ്ഞ ആഴ്ച ജമ്മു കശ്മീരിൽ സന്ദർശനം നടത്തിയ ആഭ്യന്തര മന്ത്രി അമിത് ഷായാണ് ആദ്യ ശ്രീനഗർ-ഷാർജ വിമാന സർവീസിന് ഫ്ളാഗ് ഓഫ് ചെയ്തത്. 11 വർഷത്തിന് ശേഷമാണ് ശ്രീനഗറിൽ നിന്നുള്ള അന്തരാഷ്ട്ര വിമാന സർവീസ് പുനരുജ്ജീവിപ്പിച്ചത്. 2009-ൽ ശ്രീനഗറിൽ നിന്ന് ദുബായിലേക്ക് എയർഇന്ത്യ എക്സ്പ്രസ് ആദ്യ അന്താരാഷ്ട്ര സർവീസ് നടത്തിയിരുന്നു. പിന്നീടത് നിർത്തലാക്കപ്പെട്ടു.

പാകിസ്താന്റെ നടപടി ദൗർഭാഗ്യകരമാണെന്ന് നാഷണൽ കോൺഫറൻസ് നേതാവും മുൻ മുഖ്യമന്ത്രിയുമായ ഒമർ അബ്ദുള്ള വിശേഷിപ്പിച്ചു. 2009-10 കാലത്ത് ശ്രീനഗർ-ദുബായ് എയർ ഇന്ത്യ എക്സ്പ്രസ് വിമാന സർവീസിനോടും പാകിസ്താൻ ഇതേ രീതിയിലാണ് പെരുമാറിയതെന്നും ഒമർ അബ്ദുള്ള കൂട്ടിച്ചേർത്തു.

അടിസ്ഥാനപരമായ അനുമതികളൊന്നും നേടാതെ കൊട്ടിഘോഷിക്കുകയാണ് കേന്ദ്ര സർക്കാർ ചെയ്തതെന്ന് പിഡിപി നേതാവ് മെഹബൂബ മുഫ്തി വിമർശിച്ചു. 'വ്യോമാർതിർത്തി ഉപയോഗിക്കുന്നതിന് പാകിസ്താന്റെ അനുമതി പോലും വാങ്ങാത്തത് അമ്പരിപ്പിക്കുന്നു. വെറും പി.ആർ പ്രവർത്തനമാണ് സർക്കാർ നടത്തിയത്'മെഹബൂബ പറഞ്ഞു.

അതേ സമയം പ്രധാനമന്ത്രി നരേന്ദ്ര മോദിയുടെ പ്രത്യക വിവിഐപി വിമാനത്തിന് വ്യോമപാത ഉപയോഗിക്കാൻ പാകിസ്താൻ അനുമതി നൽകിയിരുന്നു. അടുത്തിടെ ജി-20 ഉച്ചകോടിക്കായി പ്രധാനമന്ത്രി ഇറ്റലിയിലേക്ക് പോയതും തിരിച്ചെത്തിയതും പാക് വ്യോമപാതയിലൂടെയായിരുന്നു. പാകിസ്താൻ പ്രധാനമന്ത്രി ഇമ്രാൻ ഖാന് ശ്രീലങ്ക സന്ദർശിക്കുന്നതിന് ഇന്ത്യയും തങ്ങളുടെ വ്യോമാതിർത്തി ഉപയോഗിക്കുന്നതിന് അനുമതി നൽകിയിരുന്നു.

Related News

ഹര്‍ഷിത അവസാനം സംസാരിച്ചത് 10 ദിവസം മുൻപ്, മൃതദേഹം 145 കിമീ ...
  • 20/11/2024
'മരണമല്ലാതെ മറ്റൊന്നും ഒഴിവുകഴിവല്ല'; കാറപകടത്തില്‍പ്പെട്ട ജ ...
  • 23/10/2024
അച്ഛനോടൊപ്പം മക്കള്‍ കഴിയട്ടെയെന്ന് കോടതി ഉത്തരവിട്ടു; പിന്ന ...
  • 06/09/2024
അമിത വേഗതയിലെത്തിയ ട്രക്ക് കാറിന് പിന്നിലിടിച്ചു, അമേരിക്കയി ...
  • 04/09/2024
വിവാഹവേദി കൊലക്കളമാക്കി പിഞ്ചുകുഞ്ഞുമായെത്തിയ വനിതാ ചാവേര്‍ ...
  • 30/06/2024
മരിച്ചുപോയ സഹോദരിയായി വേഷം മാറി 14 കൊല്ലം ജോലി ചെയ്ത് യുവതി
  • 03/06/2024
25 സ്ത്രീകളെ കൊന്ന് മൃതദേഹം പന്നികൾക്ക് നൽകി കാനഡയെ ഞെട്ടിച് ...
  • 01/06/2024
മുൻ ചക്രമില്ലാതെ വിമാനം ലാൻഡ് ചെയ്തു, ഒഴിവായത് വൻ ദുരന്തം
  • 09/05/2024
11കാരനുമായുള്ള ചാറ്റ് അമ്മ പിടികൂടി, വിവാഹമുറപ്പിച്ച 24കാരിയ ...
  • 04/05/2024
തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024