സ്വവർ​ഗാനുരാ​ഗികളായ ദമ്പതികൾക്കിനി സർട്ടിഫിക്കറ്റും, പുതിയ മുന്നേറ്റവുമായി ടോക്കിയോ

  • 02/11/2022



സ്വവർ​ഗാനുരാ​ഗികളായ ദമ്പതികളുടെ അവകാശങ്ങൾ ഉറപ്പ് വരുത്തുന്നതിനുള്ള ചെറിയ ശ്രമങ്ങളെങ്കിലും ഇപ്പോൾ ലോകത്തിന്റെ പല ഭാ​ഗത്ത് നിന്നും ഉണ്ടാകുന്നുണ്ട്. ഇപ്പോഴിതാ, ടോക്കിയോയിൽ സ്വവർ​ഗാനുരാ​ഗികളായ ദമ്പതികൾക്ക് സർട്ടിഫിക്കറ്റും അനുവദിച്ചിരിക്കുകയാണ്. ഇതോടെ, വിവാഹിതരായ ദമ്പതികൾ‌ക്കുള്ള ചില ആനുകൂല്യങ്ങൾക്കെങ്കിലും ഇതവരെ അർഹരാക്കും. 

ജപ്പാനിൽ മുഴുവനും സ്വവർ​ഗാനുരാ​ഗികളെയും സാധാരണ ദമ്പതികളെപ്പോലെ കാണുന്നതിലേക്ക് നയിക്കുന്ന ഒരു ചുവടുവയ്പ്പായിരിക്കും ഇത് എന്നാണ് പ്രതീക്ഷിക്കുന്നത്. നിലവിൽ, വികസിത രാജ്യങ്ങളുടെ G7 ഗ്രൂപ്പിൽ സ്വവർഗ യൂണിയനുകളെ അംഗീകരിക്കാത്ത ഏക രാജ്യമാണ് ജപ്പാൻ.

എന്നാൽ, അടുത്തിടെ ജപ്പാനിൽ നടന്ന പോളിം​ഗിൽ കാണിക്കുന്നത് ജപ്പാനിൽ ഭൂരിഭാ​ഗവും സ്വവർ​ഗവിവാഹത്തെ അനുകൂലിക്കുന്നു എന്നാണ്. ജപ്പാനിലെ പബ്ലിക് ബ്രോഡ്കാസ്റ്ററായ NHK 2021-ൽ നടത്തിയ ഒരു സർവേ പ്രകാരം, 57% പേരും സ്വവർ​ഗവിവാഹത്തെ അനുകൂലിച്ചു, 37% പേരാണ് ആ സമയം സ്വവർ​ഗവിവാഹത്തെ എതിർത്തത്.

ഇത്ര വ്യാപകമായ പിന്തുണ ഉണ്ടായിട്ടും പക്ഷേ ഒസാക്കയിലെ ഒരു ജില്ലാ കോടതി ഈ വർഷം ആദ്യം വിധിച്ചത് സ്വവർ​ഗവിവാഹത്തിന് നിലവിലുള്ള നിരോധനം ഭരണഘടനാപരമാണ് എന്നാണ്. ശേഷം, ഒക്ടോബറിൽ, ഭരണകക്ഷിയായ ലിബറൽ ഡെമോക്രാറ്റിക് പാർട്ടിയുടെ പ്രാദേശിക പ്രതിനിധിയായ നൊബോരു വടാനബെ സ്വവർഗ വിവാഹത്തെ 'വെറുപ്പുളവാക്കുന്നത്' എന്ന് വിശേഷിപ്പിച്ചത് വ്യാപകമായ പ്രതിഷേധത്തിന് ഇടയാക്കിയിരുന്നു. 

എങ്കിലും സമത്വത്തിന് വേണ്ടിയുള്ള ചില നീക്കങ്ങളെല്ലാം ഇവിടെ ഉണ്ടായി. ടോക്കിയോ മെട്രോപൊളിറ്റൻ ഏരിയയിൽ നടപ്പിലാക്കുന്ന ഈ പദ്ധതി ആദ്യമായി 2015 -ൽ തന്നെ ഇവിടുത്തെ ഒരു ഒരു ജില്ലയിൽ തുടങ്ങിയിരുന്നു. മെട്രോപൊളിറ്റൻ ഏരിയയുടെ പടിഞ്ഞാറുള്ള ഒമ്പത് വാർഡുകളിലേക്കും ആറ് നഗരങ്ങളിലേക്കും പിന്നീട് ഇത് വ്യാപിച്ചു. പുതിയ മെട്രോപൊളിറ്റൻ-വൈഡ് സ്കീം പ്രകാരം അത് തലസ്ഥാനത്തിന്റെ എല്ലാ പ്രദേശങ്ങളിലും എത്തും. ഇവിടെ ഏകദേശം 14 മില്ല്യൺ ആളുകളാണ് വസിക്കുന്നത്. 

സർട്ടിഫിക്കറ്റ് കിട്ടുന്നതോട് കൂടി തന്നെ സ്വവർ​ഗദമ്പതികൾക്ക് മറ്റ് ഭാര്യ-ഭർത്താക്കന്മാരെ പോലെ വീട്, ആരോ​ഗ്യം, ക്ഷേമം തുടങ്ങിയ മേഖലകളിലുള്ള ആനുകൂല്യങ്ങളും അവകാശങ്ങളും ലഭ്യമാകും. ടോക്കിയോയിൽ താമസിക്കുകയോ ജോലി ചെയ്യുകയോ ചെയ്യുന്ന 18 വയസിന് മുകളിലുള്ള ആർക്കും ഇപ്പോൾ സർട്ടിഫിക്കേറ്റിന് അപേക്ഷിക്കാം. 

ഏതായാലും, ഇവിടെയുള്ള സ്വവർ​ഗാനുരാ​ഗികളായ ദമ്പതികൾ പുതിയ മുന്നേറ്റത്തിൽ വളരെ അധികം സന്തോഷത്തിലാണ്. 

Related News

ഹര്‍ഷിത അവസാനം സംസാരിച്ചത് 10 ദിവസം മുൻപ്, മൃതദേഹം 145 കിമീ ...
  • 20/11/2024
'മരണമല്ലാതെ മറ്റൊന്നും ഒഴിവുകഴിവല്ല'; കാറപകടത്തില്‍പ്പെട്ട ജ ...
  • 23/10/2024
അച്ഛനോടൊപ്പം മക്കള്‍ കഴിയട്ടെയെന്ന് കോടതി ഉത്തരവിട്ടു; പിന്ന ...
  • 06/09/2024
അമിത വേഗതയിലെത്തിയ ട്രക്ക് കാറിന് പിന്നിലിടിച്ചു, അമേരിക്കയി ...
  • 04/09/2024
വിവാഹവേദി കൊലക്കളമാക്കി പിഞ്ചുകുഞ്ഞുമായെത്തിയ വനിതാ ചാവേര്‍ ...
  • 30/06/2024
മരിച്ചുപോയ സഹോദരിയായി വേഷം മാറി 14 കൊല്ലം ജോലി ചെയ്ത് യുവതി
  • 03/06/2024
25 സ്ത്രീകളെ കൊന്ന് മൃതദേഹം പന്നികൾക്ക് നൽകി കാനഡയെ ഞെട്ടിച് ...
  • 01/06/2024
മുൻ ചക്രമില്ലാതെ വിമാനം ലാൻഡ് ചെയ്തു, ഒഴിവായത് വൻ ദുരന്തം
  • 09/05/2024
11കാരനുമായുള്ള ചാറ്റ് അമ്മ പിടികൂടി, വിവാഹമുറപ്പിച്ച 24കാരിയ ...
  • 04/05/2024
തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024