'കുടുംബ സ്വത്ത് അച്ഛന്റെ ബന്ധുക്കൾ കൈയ്യേറുന്നു'; മരത്തിൽ കയറി യുവാവിന്റെ ആത്മഹത്യാ ഭീഷണി

  • 14/04/2023

മാനന്തവാടി: കുടുംബസ്വത്തുമായി ബന്ധപ്പെട്ട തർക്കത്തെ തുടർന്ന് വയനാട് മാനന്തവാടിയിൽ മരത്തിൽ കയറി യുവാവിന്റെ ആത്മഹത്യാ ഭീഷണി. മാനന്തവാടി ടൗണിലെ ഗുഡ്‌സ് ഓട്ടോറിക്ഷാ ഡ്രൈവറും പരിയാരംകുന്ന് സ്വദേശിയുമായ തോട്ടുങ്കൽ ശ്രീനു (43) ആണ് എല്ലാവരെയും മുൾമുനയിൽ നിർത്തി ആത്മഹത്യാഭീഷണി മുഴക്കിയത്. പോലീസ്, അഗ്നിരക്ഷാ ഉദ്യോഗസ്ഥരും നാട്ടുകാരും സ്ഥലത്തെത്തിയിരുന്നു. 

വെള്ളിയാഴ്ച വൈകിട്ട് മുന്ന് മണിയോടെയാണ് സംഭവം. കുടുംബസ്വത്ത് അളന്ന് ഭാഗം വെകുന്നതിനിടെ തനിക്ക് അവകാശപ്പെട്ട സ്ഥലം ലഭിച്ചില്ലെന്നാണ് ശ്രീനുവിന്റെ പരാതി. ഇതേതുടർന്നാണ് ശ്രീനു വീടിനു സമീപത്തെ പാലമരത്തിൽ കയറിയത്. കൈയ്യിൽ പ്ലാസ്റ്റിക് കയറുമായി കയറിയ ശ്രീനു കഴുത്തിൽ കുരുക്കിട്ട് നിന്നതോടെ ആശങ്കയായി. 

തുടർന്ന് നാട്ടുകാർ വിവരമറിയിച്ചതിനെ തുടർന്ന് മാനന്തവാടി അഗ്നിരക്ഷാനിലയത്തിലെ സ്റ്റേഷൻ ഓഫീസർ പി വി വിശ്വാസിന്റെ നേതൃത്വത്തിൽ അഗ്നിരക്ഷാ യൂണിറ്റും 108 ആംബുലൻസും മാനന്തവാടി എസ്.ഐ കെ.കെ. സോബിന്റെ നേതൃത്വത്തിൽ പോലീസ് സംഘവും സ്ഥലത്തെത്തി. നീണ്ട പ്രയത്നത്തിനൊടുവിൽ ഉദ്യോഗസ്ഥരും നാട്ടുകാരും ചേർന്ന് അനുനയിപ്പിച്ചതിനെ തുടർന്ന് 3.45-ഓടെ ശ്രീനു സ്വയം താഴെയിറങ്ങുകയായിരുന്നു. 

കുടുംബസ്വത്തായ 37.5 സെന്റ് ഭൂമിയിൽ തനിക്ക് അർഹതപ്പെട്ട കുറച്ചു സ്വത്ത് അച്ഛന്റെ കുടുംബത്തിലുള്ള ചിലർ കൈയ്യേറിയെന്നാണ് ശ്രീനു ഉന്നയിക്കുന്ന ആരോപണം. മരത്തിൽ നിന്ന് താഴെയിറങ്ങിയ ശേഷം സ്വത്തുമായി ബന്ധപ്പെട്ട കാര്യങ്ങൾ ശ്രീനു പോലീസ് ഉദ്യോഗസ്ഥരോട് വിവരിച്ചു. ഇരുവിഭാഗത്തിനോടും സ്റ്റേഷനിൽ ഹാജരാകാൻ ആവശ്യപ്പെട്ടതിന് ശേഷമാണ് പോലീസും അഗ്നിരക്ഷാ ഉദ്യോഗസ്ഥരും സംഭവസ്ഥലത്ത് നിന്നും മടങ്ങിയത്.

Related News

റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024