താനില്ലാത്ത നേരത്ത് വീട്ടിൽ നിന്നും പൂച്ചയെ ഒഴിവാക്കി, വിവാഹമോചനം ആവശ്യപ്പെട്ട് യുവതി

  • 17/04/2023

വിവാഹമോചനം ഇന്ന് ലോകത്ത് സാധാരണമായിക്കഴിഞ്ഞു. തീരെ യോജിക്കാൻ സാധിക്കുന്നില്ല എന്ന് തോന്നുമ്പോൾ പിരിയുന്ന ദമ്പതികൾ ഏറെയാണ്. ഓരോരുത്തർക്കും അതിന് ഓരോ കാരണങ്ങൾ ആവാം. എന്നാൽ, താൻ വീട്ടിൽ ഇല്ലാത്ത സമയത്ത് തന്റെ പൂച്ചയെ മറ്റൊരു അഭയകേന്ദ്രത്തിൽ നൽകിയതിന്റെ പേരിൽ ഭാര്യ ഭർത്താവിനോട് വിവാഹമോചനം ആവശ്യപ്പെട്ടു. സ്ത്രീയുടെ പേര് എന്താണ് എന്ന് വ്യക്തമല്ല. മിററാണ് വാർത്ത റിപ്പോർട്ട് ചെയ്തിരിക്കുന്നത്. 

ബെഞ്ചി എന്നാണ് പൂച്ചയുടെ പേര്. തന്റെ അച്ഛൻ മരിച്ചു പോയപ്പോൾ ആ വേദനയെ എങ്ങനെയെങ്കിലും മറികടക്കുന്നതിന് വേണ്ടിയാണ് യുവതി പൂച്ചയെ വളർത്താനാരംഭിച്ചത്. എന്നാൽ, അധികം വൈകാതെ യുവതി പൂച്ചയുമായി നല്ല അടുപ്പത്തിലായി. തന്റെ അച്ഛന്റെ പുനർജന്മമാണ് ഈ പൂച്ച എന്ന് വരെ യുവതി വിശ്വസിച്ചു തുടങ്ങി. 

യുവതി തന്നെയാണ് റെഡ്ഡിറ്റിൽ പൂച്ചയെ കുറിച്ചും വിവാഹമോചനത്തെ കുറിച്ചും ഒക്കെ എഴുതിയിരിക്കുന്നത്. 'വളരെ ചെറുതായിരുന്നപ്പോഴാണ് താൻ പൂച്ചയെ രക്ഷിക്കുകയും വളർത്താനാരംഭിക്കുകയും ചെയ്തത്. എന്റെ കൈപ്പത്തിയുടെ വലിപ്പമേ അന്ന് അവനുണ്ടായിരുന്നുള്ളൂ. രണ്ട് വർഷമായി അവൻ എനിക്കൊപ്പമുണ്ട്. കേൾക്കുമ്പോൾ ഭ്രാന്താണ് എന്ന് തോന്നാം. പക്ഷേ, ബെഞ്ചി എന്റെ അച്ഛന്റെ പുനർജന്മമാണ് എന്ന് ഞാൻ വിശ്വസിക്കുന്നു. പൂച്ചയുടെ കണ്ണിൽ നോക്കുമ്പോൾ വെറുമൊരു പൂച്ചയേക്കാൾ ഉപരി എന്തോ ഉണ്ടെന്ന് എനിക്ക് തോന്നുന്നു. എന്നാൽ, എന്റെ ഭർത്താവ് കരുതുന്നത് ഇത് തികച്ചും വിചിത്രവും അനാരോ?ഗ്യകരവും ആണെന്നാണ്. പൂച്ചയുമായുള്ള ബന്ധം അദ്ദേഹത്തിന് ഇഷ്ടമല്ല. അത് അദ്ദേഹത്തെ അസ്വസ്ഥനാക്കുന്നു. പൂച്ചയിൽ അച്ഛന്റെ ആത്മാവ് ഉണ്ട് എന്ന് ഞാൻ പറയുന്നത് തന്നെ അസ്വസ്ഥനാക്കുന്നതായി അദ്ദേഹം പറയാറുണ്ട്' എന്ന് യുവതി എഴുതുന്നു. 

പിന്നാലെ യുവതി പറയുന്നത് ഇങ്ങനെ, താൻ വേക്കേഷൻ ചെലവഴിക്കാൻ അമ്മയുടെയും സഹോദരിയുടെയും അടുത്ത് പോയി. എന്നാൽ, തിരിച്ചെത്തി നോക്കിയപ്പോൾ പൂച്ചയെ എവിടേയും കാണാനില്ല. ഭർത്താവിനോട് ചോദിച്ചപ്പോൾ പൂച്ചയെ സഹപ്രവർത്തകനെ ഏൽപ്പിച്ചു എന്നും ഇനി അതിനെ തിരികെ കിട്ടില്ല എന്നും പറയുകയായിരുന്നു. അതോടെ ഭാര്യയ്ക്ക് ഭർത്താവിനോട് കട്ടക്കലിപ്പായി. അവൾ സഹപ്രവർത്തകന്റെ ഭാര്യയോട് കാര്യം അന്വേഷിച്ചപ്പോൾ തനിക്ക് ഇതേ കുറിച്ച് അറിയില്ല എന്നായിരുന്നു മറുപടി. യുവതി പൊലീസിൽ വരെ പൂച്ചയെ തിരികെ കിട്ടാൻ പരാതി നൽകി. പിന്നാലെയാണ് ഭർത്താവ് താൻ അതിനെ അടുത്തുള്ള ഒരു ഷെൽട്ടറിലാണ് ഏൽപ്പിച്ചത് എന്ന് വെളിപ്പെടുത്തുന്നത്.

Related News

ഹര്‍ഷിത അവസാനം സംസാരിച്ചത് 10 ദിവസം മുൻപ്, മൃതദേഹം 145 കിമീ ...
  • 20/11/2024
'മരണമല്ലാതെ മറ്റൊന്നും ഒഴിവുകഴിവല്ല'; കാറപകടത്തില്‍പ്പെട്ട ജ ...
  • 23/10/2024
അച്ഛനോടൊപ്പം മക്കള്‍ കഴിയട്ടെയെന്ന് കോടതി ഉത്തരവിട്ടു; പിന്ന ...
  • 06/09/2024
അമിത വേഗതയിലെത്തിയ ട്രക്ക് കാറിന് പിന്നിലിടിച്ചു, അമേരിക്കയി ...
  • 04/09/2024
വിവാഹവേദി കൊലക്കളമാക്കി പിഞ്ചുകുഞ്ഞുമായെത്തിയ വനിതാ ചാവേര്‍ ...
  • 30/06/2024
മരിച്ചുപോയ സഹോദരിയായി വേഷം മാറി 14 കൊല്ലം ജോലി ചെയ്ത് യുവതി
  • 03/06/2024
25 സ്ത്രീകളെ കൊന്ന് മൃതദേഹം പന്നികൾക്ക് നൽകി കാനഡയെ ഞെട്ടിച് ...
  • 01/06/2024
മുൻ ചക്രമില്ലാതെ വിമാനം ലാൻഡ് ചെയ്തു, ഒഴിവായത് വൻ ദുരന്തം
  • 09/05/2024
11കാരനുമായുള്ള ചാറ്റ് അമ്മ പിടികൂടി, വിവാഹമുറപ്പിച്ച 24കാരിയ ...
  • 04/05/2024
തിരക്കു കാരണം ഭര്‍ത്താവിനെ ശ്രദ്ധിക്കാൻ പറ്റുന്നില്ല : ഭര്‍ത ...
  • 07/04/2024
16മാസം പ്രായമുള്ള മകളെ തനിച്ചാക്കി അമ്മയുടെ വിനോദയാത്ര, പട്ട ...
  • 20/03/2024
ശല്യം ചെയ്യുന്നതിനെതിരെ നിയമസഹായം തേടി, രണ്ടര മിനിറ്റിൽ യുവത ...
  • 01/03/2024