കുവൈത്ത് സിറ്റി: പബ്ലിക് അതോറിറ്റി ഫോർ സിവിൽ ഇൻഫർമേഷൻ (PACI) സഹൽ ആപ്പിൽ പുതിയ സേവനം ആരംഭിച്ചു. ഇനി സ്പോൺസർഷിപ്പിന് കീഴിലുള്ള ആശ്രിതരുടെ സിവിൽ ഐഡികൾ PACI ഓഫീസുകൾ സന്ദർശിക്കാതെ തന്നെ ഡിജിറ്റലായി ലിങ്ക് ചെയ്യാനും നിയന്ത്രിക്കാനും സാധിക്കും.
2026 മെയ് 14 മുതൽ ലഭ്യമായ ഈ സേവനം വഴി ആശ്രിതരുടെ വിവരങ്ങൾ എളുപ്പത്തിൽ ആക്സസ് ചെയ്യാൻ കഴിയുമെന്ന് PACI അറിയിച്ചു. സർക്കാർ സേവനങ്ങളുടെ ഡിജിറ്റൽ പരിവർത്തനം ശക്തിപ്പെടുത്തുന്നതിനും നടപടികൾ കൂടുതൽ വേഗത്തിലും സൗകര്യപ്രദമായും ലഭ്യമാക്കുന്നതിനുമാണ് പുതിയ സംവിധാനം.‘റെസിഡന്റ് ഡാറ്റ’ പരിശോധനയും ‘റിക്വസ്റ്റ് ടു ആക്സസ് ഇൻഫർമേഷൻ’ സേവനങ്ങളും ഉൾപ്പെടെ സഹൽ ആപ്പിലെ ഡിജിറ്റൽ സേവനങ്ങൾ കൂടുതൽ കാര്യക്ഷമമാക്കുന്ന നടപടികളുടെ ഭാഗമായാണ് പുതിയ അപ്ഡേറ്റ്.
