കുവൈറ്റ് സിറ്റി: താഴ്ന്ന മർദ്ദവും ചൂടേറിയ വായു പ്രവാഹവും തുടരുന്നതിനാൽ ഈ വാരാന്ത്യത്തിൽ കുവൈറ്റിൽ ചൂടേറിയതും പൊടിക്കാറ്റോടുകൂടിയതുമായ കാലാവസ്ഥ അനുഭവപ്പെടുമെന്ന് കാലാവസ്ഥ വകുപ്പ് അറിയിച്ചു.വ്യാഴാഴ്ച മുതൽ ശനിയാഴ്ച വരെ പല പ്രദേശങ്ങളിലും പൊടിക്കാറ്റ് രൂപപ്പെടാൻ സാധ്യതയുണ്ടെന്നും ദൂരക്കാഴ്ച കുറയാമെന്നും മുന്നറിയിപ്പുണ്ട്. പകൽ സമയത്ത് താപനില 35 മുതൽ 40 ഡിഗ്രി സെൽഷ്യസ് വരെ ഉയരാനാണ് സാധ്യത.
വടക്കുപടിഞ്ഞാറൻ കാറ്റ് മണിക്കൂറിൽ 10 മുതൽ 50 കിലോമീറ്റർ വരെ വേഗത്തിൽ വീശാം. കടലിൽ തിരമാലകൾ 6 അടി വരെ ഉയരാൻ സാധ്യതയുള്ളതിനാൽ കടൽ മിതമായതിൽ നിന്ന് ചില സമയങ്ങളിൽ പ്രക്ഷുബ്ധമാകാനും സാധ്യതയുണ്ട്.രാത്രിയിൽ കാലാവസ്ഥ ചൂട് കുറഞ്ഞ് നേരിയ മിതതാപനിലയിലാകുമെങ്കിലും ചില ഭാഗങ്ങളിൽ പൊടി അന്തരീക്ഷത്തിൽ തങ്ങി നിൽക്കാൻ സാധ്യതയുണ്ടെന്ന് അധികൃതർ അറിയിച്ചു.
