കുവൈത്തിന് നേരെ വീണ്ടും ആക്രമണം; ശത്രു വ്യോമ ലക്ഷ്യങ്ങളെ നേരിട്ട് കുവൈത്ത് വ്യോമ പ്രതിരോധ സംവിധാനം.

കുവൈത്ത് സിറ്റി: കുവൈത്തിലെ വ്യോമ പ്രതിരോധ സംവിധാനങ്ങൾ നിലവിൽ ശത്രുതാപരമായ വ്യോമ ലക്ഷ്യങ്ങളെ അംഗീകൃത സൈനിക നടപടിക്രമങ്ങൾ അനുസരിച്ച് നേരിടുകയാണെന്ന് കുവൈത്ത് സായുധ സേനയുടെ ജനറൽ സ്റ്റാഫ് വ്യാഴാഴ്ച അറിയിച്ചു.

ഔദ്യോഗിക പ്രസ്താവനയിൽ, സാഹചര്യം നിരീക്ഷിച്ചുകൊണ്ടിരിക്കുകയാണെന്നും ആവശ്യമായ പ്രതിരോധ നടപടികൾ സ്വീകരിച്ചുവരുകയാണെന്നും സൈന്യം വ്യക്തമാക്കി.

സുരക്ഷാ-സുരക്ഷിതത്വ നിർദേശങ്ങൾ കർശനമായി പാലിക്കണമെന്നും, വിവരങ്ങൾ ഔദ്യോഗികവും വിശ്വസനീയവുമായ ഉറവിടങ്ങളിൽ നിന്നുമാത്രം സ്വീകരിക്കണമെന്നും പൗരന്മാരോടും പ്രവാസികളോടും ജനറൽ സ്റ്റാഫ് അഭ്യർഥിച്ചു.

സംഭവവുമായി ബന്ധപ്പെട്ട കൂടുതൽ വിവരങ്ങൾ ഇതുവരെ പുറത്തുവിട്ടിട്ടില്ല. സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും ആവശ്യമായ അപ്‌ഡേറ്റുകൾ പിന്നീട് അറിയിക്കുമെന്നും അധികൃതർ അറിയിച്ചു.