കുവൈത്ത് സിറ്റി, ജൂലൈ 9: കുവൈത്തിലെ പ്രവാസികൾക്ക് റെസിഡൻസ് പെർമിറ്റിന്റെ (ഇഖാമ) തെളിവ് സർട്ടിഫിക്കറ്റ് ഇനി സഹൽ (Sahel) ആപ്പിലൂടെ നേരിട്ട് ഡൗൺലോഡ് ചെയ്യാം. ആഭ്യന്തര മന്ത്രാലയമാണ് പുതിയ ഇലക്ട്രോണിക് സേവനം ആരംഭിച്ചത്.
സാധുവായ റെസിഡൻസ് പെർമിറ്റിന്റെ തെളിവ് ആവശ്യമായ സാഹചര്യങ്ങളിൽ, ഇനി ഓഫീസുകൾ സന്ദർശിക്കാതെ തന്നെ സർട്ടിഫിക്കറ്റ് ഡിജിറ്റലായി എളുപ്പത്തിൽ ലഭ്യമാക്കാൻ ഈ സേവനം സഹായിക്കും.സർക്കാർ സേവനങ്ങൾ കൂടുതൽ ഡിജിറ്റലൈസ് ചെയ്യുകയും നടപടിക്രമങ്ങൾ ലളിതമാക്കുകയും പൗരന്മാർക്കും പ്രവാസികൾക്കും മികച്ച സേവനങ്ങൾ നൽകുകയും ചെയ്യുന്നതിനുള്ള ആഭ്യന്തര മന്ത്രാലയത്തിന്റെ തുടർ ശ്രമങ്ങളുടെ ഭാഗമായാണ് ഈ പുതിയ സൗകര്യം സഹൽ പ്ലാറ്റ്ഫോമിലൂടെ അവതരിപ്പിച്ചതെന്ന് മന്ത്രാലയം അറിയിച്ചു.
