കുവൈത്ത് സിറ്റി, ജൂലൈ 18: കുവൈത്ത് അന്താരാഷ്ട്ര വിമാനത്താവളത്തിലും രാജ്യത്തിന്റെ വ്യോമപാതയിലും അധികൃതർ ഏർപ്പെടുത്തിയ താൽക്കാലിക നിയന്ത്രണങ്ങളെ തുടർന്ന് ജസീറ എയർവേയ്സിന്റെ സർവീസുകൾക്ക് വൈകലും മാറ്റങ്ങളും നേരിടുന്നുവെന്ന് കമ്പനി അറിയിച്ചു.
യാത്രക്കാർ ബുക്കിംഗ് സമയത്ത് നൽകിയിരിക്കുന്ന മൊബൈൽ നമ്പറും ഇമെയിൽ വിലാസവും ശരിയാണെന്ന് ഉറപ്പാക്കണമെന്ന് ജസീറ എയർവേയ്സ് അഭ്യർഥിച്ചു. വിമാന സർവീസുകളിലെ മാറ്റങ്ങൾ സംബന്ധിച്ച വിവരങ്ങൾ നേരിട്ട് SMS, ഇമെയിൽ എന്നിവ വഴി അറിയിക്കുമെന്ന് കമ്പനി വ്യക്തമാക്കി. സർവീസുകൾ സാധ്യമായ സാധാരണ നിലയിൽ തുടരാനും യാത്രക്കാരുടെ ബുദ്ധിമുട്ട് പരമാവധി കുറയ്ക്കാനുമുള്ള ശ്രമങ്ങൾ തുടരുകയാണെന്നും അധികൃതർ അറിയിച്ചു.
വിമാനത്താവളത്തിലേക്ക് പുറപ്പെടുന്നതിന് മുമ്പ് യാത്രക്കാർ Jazeera Airways വെബ്സൈറ്റ് അല്ലെങ്കിൽ മൊബൈൽ ആപ്പ് വഴി തങ്ങളുടെ വിമാനത്തിന്റെ നിലവിലെ സ്ഥിതി പരിശോധിക്കണമെന്നും കമ്പനി നിർദേശിച്ചു.യാത്രക്കാരുടെയും ജീവനക്കാരുടെയും സുരക്ഷയാണ് ഏറ്റവും വലിയ മുൻഗണനയെന്നും, ബന്ധപ്പെട്ട സർക്കാർ ഏജൻസികളുമായി ഏകോപനം തുടരുകയാണെന്നും കൂടുതൽ വിവരങ്ങൾ ലഭ്യമാകുന്ന മുറയ്ക്ക് അറിയിക്കുമെന്നും ജസീറ എയർവേയ്സ് അറിയിച്ചു.
യാത്ര സംബന്ധമായ സഹായങ്ങൾക്ക്: കുവൈത്തിനുള്ളിൽ: 177
കുവൈത്തിന് പുറത്തുനിന്ന്: +965 2205 4944
