ഡോക്ടറെ മൊബൈൽ ഫോൺ വഴി പരിചയപ്പെട്ടു, ചാറ്റിങ്... ഹണിട്രാപ്പിൽ കുടുക്കി 5 ലക്ഷം തട്ടി

  • 15/04/2023

കൊച്ചി: കൊച്ചിയിൽ ഡോക്ടറെ ഹണിട്രാപ്പിൽ കുടുക്കി അഞ്ചരലക്ഷം രൂപ തട്ടിയെടുത്ത കേസിൽ രണ്ട് പേർ പോലീസ് പിടിയിൽ. തമിഴ്‌നാട് സ്വദേശി നസ്രിയ, ഇടുക്കി സ്വദേശി മുഹമദ് അമീൻ എന്നിവരാണ് പോലീസ് പിടിയിലായത്. ഇക്കഴിഞ്ഞ ഏപ്രിൽ 5 നാണ് കേസിനാസ്പദമായ സംഭവം നടക്കുന്നത്. കൊച്ചിയിലെ ഡോക്ടറുമായ തമിഴ്‌നാട് സ്വദേശി നസ്രിയ മൊബൈൽ ഫോൺ വഴിയാണ് പരിചയം സ്ഥാപിക്കുന്നത്. പിന്നീട് ഇരുവരും ചാറ്റ് തുടരുകയായിരുന്നു. തുടർന്ന് ചികിത്സയ്ക്ക് എന്ന വ്യാജേന ഡോക്ടറെ പ്രതിയായ നസ്രിയ വീട്ടിൽ വിളിച്ചു വരുത്തി.

അതേ സമയം കേസിലെ രണ്ടാം പ്രതി മുഹമദ് അമീനും വീട്ടിൽ എത്തി. അവിടെ വച്ച് ഡോക്ടറും നസ്രിയയും ഒന്നിച്ചുള്ള സ്വകാര്യ ചിത്രം മുഹമദ് ഫോണിൽ പകർത്തുകയും ചിത്രങ്ങൾ പ്രചരിപ്പിക്കുമെന്ന് ഡോക്ടറെ ഭീഷണിപ്പെടുത്തി 45,000 രൂപ അപ്പോൾ തന്നെ ഗൂഗിൾപേ വഴി കൈക്കലാക്കുകയുമായിരുന്നു. ഡോക്ടർ എത്തിയ കാറും പ്രതികൾ തട്ടിയെടുത്തിരുന്നു.

തുടർന്ന് രണ്ടാം ദിവസം പ്രതികൾ പണം ആവശ്യപ്പെട്ട് വീണ്ടും ഡോക്ടറെ സമീപിക്കുകയും തട്ടിയെടുത്ത കാർ തിരികെ നൽകി അഞ്ചുലക്ഷം രൂപ ഡോക്ടറിൽ നിന്ന് വാങ്ങുകയുമായിരുന്നു. പിന്നീടും പ്രതികൾ ഡോക്ടറോട് അഞ്ച് ലക്ഷം ആവശ്യപ്പെട്ടതോടെയാണ് ഡോക്ടർ പോലീസിനെ സമീപിച്ചത്. തുടർന്ന് ഏപ്രിൽ 13 ന് പോലീസിൽ പരാതിയും നൽകി. എന്നാൽ അന്വേഷണത്തിന്റെ ആരംഭഘട്ടത്തിൽ പ്രതികളുടെ മൊബൈൽ ഫോൺ സ്വിച്ച് ഓഫ് ആയത് അന്വേഷണത്തിന് വെല്ലുവിളിയായി മാറിയിരുന്നു.

പിന്നീട് രണ്ടാം പ്രതിയായ മുഹമദ് അമീന്റെ ഫോൺ സ്വിച്ച് ഓൺ ആയത് അന്വേഷണത്തിന് വഴിതിരിവായി. ഇയാളുടെ ഫോൺ ലൊക്കേഷൻ വിവരം വച്ച് ഇയാൾ ഇടുക്കിയിലാണെന്നും തൃപ്പൂണിത്തുറയിലേക്ക് സഞ്ചരിക്കുകയാണെന്നും പോലീസിന് വ്യക്തമായി. തുടർന്ന് തൃപ്പൂണിത്തുറയിലെത്തിയ പ്രതികളെ പോലീസ് കസ്റ്റഡിയിലെടുക്കുകയായിരുന്നു. സമാനമായ രീതിയിൽ ഇവർ വേറെയും തട്ടിപ്പുകൾ നടത്തിയതായും പോലീസിന് സംശയമുണ്ട്. മധ്യവയസ്‌കരെ കേന്ദ്രീകരിച്ച് ആയിരുന്നു ഇവർ കെണി ഒരുക്കിയിരുന്നത്. ഇരുവരുടെയും സോഷ്യൽ മീഡിയ അക്കൗണ്ടുകളും പോലീസ് പരിശോധിച്ച് വരികയാണ്.

Related News

റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024