തിരുവനന്തപുരം- കണ്ണൂർ വന്ദേ ഭാരതിന് 8 സ്റ്റോപ്പുകൾ, ഏഴര മണിക്കൂറിൽ 501കി.മീ

  • 15/04/2023

തിരുവനന്തപുരം: ഏറെ നാളത്തെ കാത്തിരിപ്പിനൊടുവിൽ കേരളത്തിലേക്ക് വന്ദേ ഭാരത് ട്രെയിൻ എത്തുന്നെന്ന വാർത്തയാണ് ഇപ്പോൾ പുറത്തുവരുന്നത്. കേരളത്തിന് അനുവദിച്ച ട്രെയിൻ ദക്ഷിണ റെയിൽവേയ്ക്ക് കൈമാറിയതായി വിവിധ മാധ്യമങ്ങൾ റിപ്പോർട്ട് ചെയ്തു. 16 കോച്ചുകളുള്ള ട്രെയിനാണ് കേരളത്തിന് ലഭിക്കുന്നത്. ദക്ഷിണ റെയിൽവേയിലെ മൂന്നാമത്തെയും രാജ്യത്തെ 14ാമത്തെയും വന്ദേഭാരത് ട്രെയിൻ കേരളത്തിൽ തിരുവനന്തപുരം മുതൽ കണ്ണൂർ വരെയാണ് സർവീസ് നടത്തുക. ദക്ഷിണ റെയിൽവേയുടെ തിരുവനന്തപുരുത്ത് നിന്നുള്ള ഉദ്യോഗസ്ഥർ ചെന്നൈ വില്ലിവാക്കത്ത് നിന്നാണ് ട്രെയിൻ എറ്റെടുത്തത്. ട്രാക്ക് ക്ലിയറൻസ് കിട്ടുന്നതിന് അനുസരിച്ച് ഇത് കേരളത്തിലേക്ക് കൊണ്ടുവരും. തുടർന്ന് പരീക്ഷണയോട്ടവും നടത്തും. 

തിരുവനന്തപുരത്ത് നിന്ന് കണ്ണൂരേക്ക് സർവീസ് നടത്തുന്ന വന്ദേഭാരത് ട്രെയിനിന് എട്ട് സ്റ്റോപ്പുകളാണ് ഉണ്ടാവുകയെന്നാണ് റിപ്പോർട്ട്. തിരുവനന്തപുരം, കൊല്ലം, കോട്ടയം, എറണാകുളം ടൗൺ, തൃശൂർ, തിരൂർ, കോഴിക്കോട്, കണ്ണൂർ എന്നിങ്ങനെയാകും സ്റ്റോപ്പുകൾ എന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്. എന്നാൽ സമയക്രമവും സ്റ്റോപ്പുകളും റയിൽവേ മന്ത്രാലയമാണ് അന്തിമമായി നോട്ടിഫൈ ചെയ്യുക.

ഏഴ് മുതൽ ഏഴര മണിക്കൂറിനുള്ളിൽ 501 കിമീ പിന്നിടുന്ന ഒന്നിലധികം ടൈംടേബിളുകൾ ദക്ഷിണ റെയിൽവേ റെയിൽവേ ബോർഡിനു കൈമാറിയിട്ടുണ്ട്. പരീക്ഷണ ഓട്ടങ്ങൾക്കു ശേഷമാകും സർവീസിൻറെ സമയക്രമം അന്തിമമാക്കുക. ഇന്ന് രാത്രിയോടെ തിരുവനന്തപുരത്തേക്ക് വന്ദേ ഭാരത് എത്തുമെന്നാണ് പ്രതീക്ഷിക്കുന്നതെന്ന് തിരുവനന്തപുരം ഡിവിഷൻ അറിയിച്ചു. വൈകാതെ തന്നെ പരീക്ഷണ ഓട്ടത്തിനുള്ള ഒരുക്കങ്ങൾ പൂർത്തിയാക്കും. പൂർണ്ണമായും എസി സൗകര്യവും ഓട്ടോമാറ്റിക് ഡോറുമാകും വന്ദേഭാരതിൻറേത് ജിപിഎസ് പാസഞ്ചർ ഇൻഫർമേഷൻ സംവിധാനം, എൽഇഡി ലൈറ്റിങ്, വിമാന മാതൃകയിൽ ബയോ വാക്വം' ശുചിമുറികൾ, എക്‌സിക്യൂട്ടീവ് ക്ലാസിൽ റിവോൾവിങ് ചെയറുകൾ ഉൾപ്പെടെ മികച്ച സീറ്റുകൾ തുടങ്ങിയവ ട്രെയിനിൻറെ പ്രത്യേകതയാണ്.

മുന്നിലും പിറകിലും ഡ്രൈവർ ക്യാബുള്ള ട്രെയിനാണ് കേരളത്തിലേക്ക് എത്തുക. ഇത്തരം ട്രെയിനുകൾക്ക് ദിശ മാറ്റാൻ സമയനഷ്ടമില്ല. 52 സെക്കൻഡുകൾ കൊണ്ടു 100 കിമീ വേഗം കൈവരിക്കാൻ കഴിയുമെന്നതും വന്ദേ ഭാരതിൻറെ പ്രത്യേകതയാണ്.

Related News

റഹീമിൻ്റെ മോചനത്തിന് സമാഹരിച്ചത് 47.87 കോടി, ചെലവ് 36. 27 കോ ...
  • 15/11/2024
വയനാട് പുനരധിവാസം; പണം കേരളത്തിന്‍റെ ദുരന്ത നിവരണ ഫണ്ടില്‍ ഉ ...
  • 15/11/2024
പള്ളി കമ്മിറ്റിയുടെ മുന്‍ വൈസ് പ്രസിഡന്‍റിനും വഖഫ് നോട്ടീസ്; ...
  • 15/11/2024
ആത്മകഥാ വിവാദത്തിന് പിന്നില്‍ ഗൂഢാലോചനയെന്ന് ആവര്‍ത്തിച്ച്‌ ...
  • 15/11/2024
രണ്ട് ചക്രവാതച്ചുഴികള്‍, കേരളത്തില്‍ ഇടിയോടുകൂടി മഴയെത്തും, ...
  • 14/11/2024
ആത്മകഥ വിവാദം; ഇ പി ജയരാജന്‍ സിപിഎം സംസ്ഥാന സെക്രട്ടേറിയറ്റി ...
  • 14/11/2024
ആത്മകഥാ വിവാദം; 'ഇപി ജയരാജനോട് പാര്‍ട്ടി വിശദീകരണം ചോദിക്കേണ ...
  • 14/11/2024
കൊച്ചിയിലെത്തിയ വിമാനത്തിൻ്റെ സീറ്റില്‍ ഒരു ടിഷ്യു പേപ്പര്‍; ...
  • 14/11/2024
പ്രത്യേക മുന്നറിയിപ്പുമായി പൊലീസ്; 'വൈദ്യുതി കെണിയൊരുക്കുന്ന ...
  • 14/11/2024
ഇ പിയെ പിന്നില്‍ നിന്ന് കുത്തിയത് പാര്‍ട്ടി നേതാക്കള്‍; അന്വ ...
  • 14/11/2024
ആന എഴുന്നള്ളിപ്പ്; സുപ്രധാന മാര്‍ഗ നിര്‍ദേശവുമായി ഹൈക്കോടതി; ...
  • 14/11/2024
ഇടുക്കി വഴിയുള്ള ശബരിമല തീര്‍ത്ഥാടനം; സുരക്ഷ കേരളവും തമിഴ്നാ ...
  • 13/11/2024