കുവൈറ്റ് സിറ്റി: ഫർവാനിയ ഗവർണർ ഷെയ്ഖ് അത്ബി നാസർ അൽ-അത്ബി അൽ-സബാഹും പോപ്പുലർ കഫേസ് ഡയറക്ടർ ബോർഡ് പ്രതിനിധികളും തമ്മിൽ ചൊവ്വാഴ്ച നിർണ്ണായക കൂടിക്കാഴ്ച നടത്തി. പോപ്പുലർ കഫേസ് വൈസ് ചെയർമാൻ ഡോ. ജാസിം അൽ-കന്ദരി, ട്രഷറർ അബ്ദുൽ മൊഹ്സിൻ അൽ-മുഖൈൽ, സെക്രട്ടറി അബ്ദുള്ള അൽ-മുതൈരി എന്നിവരാണ് ഗവർണറുമായി കൂടിക്കാഴ്ച നടത്തിയത്.
ഫർവാനിയ ഗവർണറേറ്റും പോപ്പുലർ കഫേസ് ഡയറക്ടർ ബോർഡും തമ്മിൽ വിവിധ മേഖലകളിലുള്ള സഹകരണത്തെക്കുറിച്ചും, പൊതുസമൂഹത്തിന് ഉപകാരപ്രദമാകുന്ന രീതിയിലുള്ള വിവിധ പരിപാടികളും പ്രവർത്തനങ്ങളും നടപ്പിലാക്കുന്നതിനെക്കുറിച്ചും ഇരുവിഭാഗവും ചർച്ച ചെയ്തു. കുവൈറ്റിന്റെ രാഷ്ട്രീയ നേതൃത്വത്തിന്റെ നിർദ്ദേശങ്ങൾക്കനുസരിച്ച് പൗരന്മാർക്കും താമസക്കാർക്കും നൽകുന്ന സേവനങ്ങളുടെ ഗുണനിലവാരം ഉയർത്തുന്നതിനും പൊതുതാൽപ്പര്യം മുൻനിർത്തിയും വിവിധ സ്ഥാപനങ്ങളുമായി നിരന്തരമായ ഏകോപനം നിലനിർത്തേണ്ടതിന്റെ പ്രാധാന്യം ഗവർണർ യോഗത്തിൽ വ്യക്തമാക്കി.
സാമൂഹിക സ്ഥാപനങ്ങളോട് ഗവർണർ കാണിക്കുന്ന താൽപ്പര്യത്തിനും സഹകരണത്തിനും ഡോ. ജാസിം അൽ-കന്ദരി നന്ദിയും അഭിനന്ദനവും അറിയിച്ചു. സാമൂഹിക സദ്യസ്സുകളും പരിപാടികളും വൻ വിജയമാക്കുന്നതിനായി വിവിധ സർക്കാർ-സ്വകാര്യ സ്ഥാപനങ്ങളുമായി ചേർന്നുള്ള പ്രവർത്തനങ്ങൾ പോപ്പുലർ കഫേസ് ഡയറക്ടർ ബോർഡ് തുടരുമെന്നും അദ്ദേഹം കൂട്ടിച്ചേർത്തു.
