കുവൈത്ത് സിറ്റി: ഇന്ത്യയും കുവൈത്തും തമ്മിലുള്ള നയതന്ത്ര ബന്ധത്തിന്റെ 65-ാം വാർഷികത്തോടനുബന്ധിച്ച് കുവൈത്തിൽ പ്രത്യേക വൃക്ഷത്തൈ നടീൽ പരിപാടി സംഘടിപ്പിച്ചു.ഇരുരാജ്യങ്ങളും തമ്മിലുള്ള ദീർഘകാല സൗഹൃദത്തിന്റെയും സഹകരണത്തിന്റെയും പ്രതീകമായാണ് പരിപാടി സംഘടിപ്പിച്ചത്.
ഇന്ത്യയും കുവൈത്തും തമ്മിലുള്ള നയതന്ത്ര ബന്ധം 1961-ലാണ് ആരംഭിച്ചത്. വ്യാപാരം, നിക്ഷേപം, ഊർജം, വിദ്യാഭ്യാസം, സാംസ്കാരികം തുടങ്ങി വിവിധ മേഖലകളിൽ ഇരുരാജ്യങ്ങളും അടുത്ത സഹകരണം തുടരുകയാണ്.
കുവൈത്തിലെ ഇന്ത്യൻ സമൂഹവും ഇരുരാജ്യങ്ങൾക്കുമിടയിലെ ബന്ധം ശക്തിപ്പെടുത്തുന്നതിൽ പ്രധാന പങ്കുവഹിക്കുന്നു.പരിസ്ഥിതി സംരക്ഷണത്തിന്റെയും സുസ്ഥിര വികസനത്തിന്റെയും പ്രാധാന്യം ഉയർത്തിക്കാട്ടുന്നതിനൊപ്പം ഇന്ത്യ–കുവൈത്ത് സൗഹൃദത്തിന്റെ തുടർച്ചയും അടയാളപ്പെടുത്തുന്നതാണ് വൃക്ഷത്തൈ നടീൽ പരിപാടി.
