കുവൈത്ത് സിറ്റി: ഇറാന്റെ ആക്രമണം ആരംഭിച്ചതിന് ശേഷം ഇതുവരെ 62 ഡ്രോൺ വിമാനങ്ങളും 7 ഡ്രോണുകളും ഉൾപ്പെടെ ആകെ 69 ഡ്രോണുകൾ വെടിവെച്ചു വീഴ്ത്തിയതായി നാഷണൽ ഗാർഡിന്റെ ഔദ്യോഗിക വക്താവ് ബ്രിഗേഡിയർ ജനറൽ ഡോ. ജദാൻ ഫദൽ അറിയിച്ചു.
നിലവിലെ സാഹചര്യങ്ങളെക്കുറിച്ച് നടത്തിയ മാധ്യമ ബ്രീഫിംഗിൽ സംസാരിക്കുകയായിരുന്നു അദ്ദേഹം. പ്രതിരോധ ഇടപെടലുകളുടെ ഭാഗമായി പതിച്ച മിസൈൽ അവശിഷ്ടങ്ങൾ, ഷ്രാപ്നൽ, ഡ്രോൺ അവശിഷ്ടങ്ങൾ എന്നിവയുമായി ബന്ധപ്പെട്ട 51 റിപ്പോർട്ടുകൾ കൈകാര്യം ചെയ്തതായും അദ്ദേഹം പറഞ്ഞു.
അതോടൊപ്പം രാജ്യത്തിന്റെ സുരക്ഷ ഉറപ്പാക്കുന്നതിനായി 82 പ്രധാന (വൈറ്റൽ) കേന്ദ്രങ്ങൾ സുരക്ഷിതമാക്കിയിട്ടുണ്ടെന്നും അദ്ദേഹം വ്യക്തമാക്കി.
വായുമണ്ഡലത്തിലും കുവൈത്തിന്റെ പ്രാദേശിക ജലപരിധികളിലും വികിരണവും രാസാവസ്ഥയും സാധാരണ നിലയിലാണെന്ന് അദ്ദേഹം പൗരന്മാരെയും പ്രവാസികളെയും ആശ്വസിപ്പിച്ചു. നിരീക്ഷണവും പരിശോധനയും തുടർച്ചയായി നടക്കുകയാണെന്നും അദ്ദേഹം കൂട്ടിച്ചേർത്തു.
