കുവൈത്ത് സിറ്റി: കുവൈത്തിലെ ഒൻപത് ജനവാസ മേഖലകളിൽ നാളെ (നവംബർ 14, ശനിയാഴ്ച) താൽക്കാലികമായി വൈദ്യുതി വിതരണം തടസ്സപ്പെടുമെന്ന് വൈദ്യുതി, ജല, പുനരുപയോഗ ഊർജ മന്ത്രാലയം അറിയിച്ചു.
സെക്കൻഡറി സബ്‌സ്റ്റേഷനുകളിൽ നടത്തുന്ന പതിവ് അറ്റകുറ്റപ്പണികളുടെ ഭാഗമായാണ് വൈദ്യുതി വിതരണം നിർത്തിവയ്ക്കുന്നത്. ശനിയാഴ്ച രാവിലെ എട്ട് മണിക്ക് ആരംഭിക്കുന്ന അറ്റകുറ്റപ്പണികൾ ഏകദേശം നാല് മണിക്കൂർ നീണ്ടുനിൽക്കുമെന്നാണ് പ്രതീക്ഷിക്കുന്നത്. എന്നാൽ ഓരോ സബ്‌സ്റ്റേഷനിലെയും സാങ്കേതിക ജോലികളുടെ സ്വഭാവവും പുരോഗതിയും അനുസരിച്ച് വൈദ്യുതി തടസ്സപ്പെടുന്ന സമയത്തിൽ മാറ്റമുണ്ടാകാമെന്നും മന്ത്രാലയം വ്യക്തമാക്കി.
വൈദ്യുതി വിതരണം തടസ്സപ്പെടുന്ന പ്രദേശങ്ങൾ:1. സുലൈബിഖാത്ത് – ബ്ലോക്ക് 22. അൽ ദഹർ – ബ്ലോക്ക് 63. അൽ നഹ്ദ – ബ്ലോക്ക് 34. ഫർവാനിയ – ബ്ലോക്കുകൾ 2, 45. അൽ ഷഅബ് – ബ്ലോക്ക് 16. റുമൈത്തിയ – ബ്ലോക്ക് 97. ഖുർതുബ – ബ്ലോക്ക് 48. അബ്ദുല്ല മുബാറക് അൽ സബാഹ് – ബ്ലോക്ക് 69. അലി സബാഹ് അൽ സാലം – ബ്ലോക്ക് 2രാജ്യത്തെ വൈദ്യുതി വിതരണ ശൃംഖലയുടെ കാര്യക്ഷമതയും സുരക്ഷയും ഉറപ്പാക്കുന്നതിനായി നടപ്പാക്കുന്ന പതിവ് അറ്റകുറ്റപ്പണി പദ്ധതിയുടെ ഭാഗമായാണ് നടപടി.
സബ്‌സ്റ്റേഷനുകളിലെ ഉപകരണങ്ങളുടെ പ്രവർത്തനക്ഷമത പരിശോധിക്കുക, ആവശ്യമായ അറ്റകുറ്റപ്പണികൾ നടത്തുക, ഭാവിയിൽ അപ്രതീക്ഷിതമായി വൈദ്യുതി വിതരണം തടസ്സപ്പെടാനുള്ള സാധ്യത കുറയ്ക്കുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ.അറ്റകുറ്റപ്പണികൾ പൂർത്തിയാകുന്ന മുറയ്ക്ക് വൈദ്യുതി വിതരണം പുനഃസ്ഥാപിക്കും. ബാധിത പ്രദേശങ്ങളിലെ താമസക്കാർ വൈദ്യുതി തടസ്സം മുൻകൂട്ടി കണ്ട് ആവശ്യമായ ക്രമീകരണങ്ങൾ നടത്തുന്നത് ഉചിതമായിരിക്കും.
