കുവൈറ്റ്സിറ്റി: രാജ്യത്തെ ജീവനക്കാരുടെയും തൊഴിലാളികളുടെയും അവകാശങ്ങൾ സംരക്ഷിക്കുന്നതിനും തൊഴിൽ നിയമലംഘനങ്ങൾ റിപ്പോർട്ട് ചെയ്യുന്നതിനുമായി പബ്ലിക് അതോറിറ്റി ഫോർ മാൻപവർ ‘സഹേൽ’ (Sahel) ആപ്പിലൂടെ ‘റിപ്പോർട്ട് ടു അസ്’ (Report To Us) എന്ന പുതിയ സേവനത്തിന് തുടക്കം കുറിച്ചു.
എല്ലാ തൊഴിൽ മേഖലകളിലും സുരക്ഷിതവും നീതിയുക്തവുമായ അന്തരീക്ഷം ഉറപ്പാക്കാനും നിയമങ്ങൾ കൃത്യമായി പാലിക്കപ്പെടുന്നുണ്ടെന്ന് പരിശോധിക്കാനും ലക്ഷ്യമിട്ടാണ് ഈ സംവിധാനം ഒരുക്കിയിരിക്കുന്നത്. ‘സഹേൽ’ ആപ്പിലൂടെ തൊഴിലാളികൾക്ക് നേരിട്ട് പബ്ലിക് അതോറിറ്റി ഫോർ മാൻപവറിലേക്ക് പരാതികൾ സമർപ്പിക്കാം.ഈ സേവനത്തിന്റെ പ്രധാന ലക്ഷ്യങ്ങൾ:നിയമലംഘനങ്ങൾ കുറയ്ക്കൽ: തൊഴിലിടങ്ങളിലെ ക്രമക്കേടുകൾ വേഗത്തിൽ ചൂണ്ടിക്കാണിക്കാനും തൊഴിൽ അന്തരീക്ഷം മെച്ചപ്പെടുത്താനും സഹായിക്കുന്നു.
ത്വരിതഗതിയിലുള്ള നടപടികൾ: പരാതികളിൽ അതോറിറ്റിയുടെ വേഗത്തിലുള്ള ഇടപെടൽ ഉറപ്പാക്കി നീതിന്യായ വ്യവസ്ഥയെ ശക്തിപ്പെടുത്തുന്നു.നിയമപാലനം ഉറപ്പാക്കൽ: സ്ഥാപനങ്ങൾ തൊഴിൽ നിയമങ്ങൾ കർശനമായി പാലിക്കുന്നുണ്ടെന്ന് ഉറപ്പുവരുത്തുന്നു.തൊഴിലാളി സംരക്ഷണം: രാജ്യത്തെ എല്ലാ ജീവനക്കാരുടെയും അവകാശങ്ങൾക്ക് പൂർണ്ണ സംരക്ഷണം നൽകുന്നു.
