ദോഹ: ഖത്തറിൽ ലോകകപ്പ് ആരാധകർ വേദികളിൽ ചിലവഴിക്കുന്നത് റെക്കോർഡ് തുകകൾ. ഇവന്റിന്റെ ഔദ്യോഗിക പേയ്‌മെന്റ് പാർട്ണരായ വിസയാണ് ഇക്കാര്യം അറിയിച്ചത്. ലോകകപ്പ് അവസാനിക്കാൻ ഇനി ഒരാഴ്‌ച മാത്രം ശേഷിക്കെ, 2014-ൽ ബ്രസീൽ ആതിഥേയത്വം വഹിച്ച ലോകകപ്പിനേക്കാൾ കൂടുതൽ പണം ആരാധകർ ഇതിനകം ചെലവഴിച്ചു കഴിഞ്ഞു. 2018-ൽ റഷ്യയിൽ ചെലവഴിച്ചതിന്റെ 89 ശതമാനം തുക ഇതുവരെ ആരാധകർ ഷോപ്പിംങിനും മറ്റുമായി ചിലവഴിച്ചു കഴിഞ്ഞിട്ടുണ്ട്.സ്റ്റേഡിയങ്ങളിൽ ആൽക്കഹോൾ അടങ്ങിയ ബിയർ വിൽപന നിരോധിച്ചിട്ടും ഈ കണക്ക് ഉയർന്നു എന്നത് ശ്രദ്ധേയമാണ്. പകുതിയോളം തുക ചെലവഴിച്ചിട്ടുള്ളത് വിവിധ സാധനസാമഗ്രികൾ വാങ്ങിക്കാനാണ്. അതേസമയം ഭക്ഷണത്തിനും പാനീയങ്ങൾക്കുമാണ് ആളുകൾ 36 ശതമാനം തുക മാറ്റിവെച്ചത്.നവംബർ 30ന് സൗദി മെക്‌സിക്കോ മത്സരം കാണാൻ എത്തിയവരാണ് ഏറ്റവും കൂടുതൽ തുക ചെലവഴിച്ചത്. ഫിഫയും ഖത്തറും ഈ ടൂർണമെന്റിൽ നിന്നുള്ള വരുമാനത്തിൽ തൃപ്തരാണ്.2018-ൽ റഷ്യയിൽ നേടിയ 5.4 ബില്യൺ ഡോളറിനെക്കാൾ കൂടുതലായിരിക്കും ഖത്തറിലെ വരുമാനം എന്ന് പ്രതീക്ഷിക്കുന്നു. പ്രാദേശിക സമ്പദ്‌വ്യവസ്ഥയ്ക്ക് 17 ബില്യൺ ഡോളറിന്റെ ഉത്തേജനം ഈ പരിപാടി നൽകുമെന്ന് ഖത്തരി സംഘാടകർ പറയുന്നു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?