തെലങ്കാനയില്‍ ജാതി സെന്‍സസ് പ്രഖ്യാപിച്ചതിനെ പിന്തുണച്ച്‌ കോണ്‍ഗ്രസ് നേതാവ് രാഹുല്‍ ഗാന്ധി. നീതിയിലേക്കുള്ള ആദ്യ ചുവടുവെപ്പാണ് മുഖ്യമന്ത്രി രേവന്ത് റെഡ്ഡിയും സര്‍ക്കാരും ചെയ്തിരിക്കുന്നതെന്നാണ് രാഹുല്‍ പറഞ്ഞത്. രാജ്യത്തിന് അഭിവൃദ്ധി ഉണ്ടാകണമെങ്കില്‍ സമൂഹത്തിലെ എല്ലാ വിഭാഗങ്ങളുടേയും തുല്യ പങ്കാളിത്തം ലഭിക്കാനുള്ള ഏക മാര്‍ഗം ജാതി സെന്‍സസ് മാത്രമാണെന്ന് രാഹുല്‍ ഗാന്ധി കൂട്ടിച്ചേര്‍ത്തു.
ജാതി സെന്‍സസ് നീതിയിലേക്കുള്ള ആദ്യപടിയാണ്. കാരണം ഒരു സമൂഹത്തിന്റെ സാമൂഹികവും സാമ്ബത്തികവുമായ അവസ്ഥ അറിയാതെ ശരിയായ പദ്ധതികള്‍ ആസൂത്രണം ചെയ്യുന്നത് അസാധ്യമാണ്. രാജ്യത്തിന്റെ അഭിവൃദ്ധിയില്‍ സമൂഹത്തിലെ എല്ലാ വിഭാഗങ്ങളുടെയും തുല്യ പങ്കാളിത്തം ഉറപ്പാക്കാനുള്ള ഏക മാര്‍ഗം ജാതി സെന്‍സസ് മാത്രമാണെന്നും രാഹുല്‍ പറഞ്ഞു.
തെരഞ്ഞെടുപ്പിന് മുമ്ബ് വാഗ്ദാനം ചെയ്തതുപോലെ തെലങ്കാന സര്‍ക്കാര്‍ ഉടന്‍ ജാതി സെന്‍സസ് നടത്തുമെന്ന് റെഡ്ഡി ശനിയാഴ്ച പറഞ്ഞിരുന്നു. ന്യൂനപക്ഷങ്ങള്‍, പിന്നാക്ക വിഭാഗങ്ങള്‍, ഗോത്രക്ഷേമ വകുപ്പുകള്‍ എന്നിവയുമായി ബന്ധപ്പെട്ട വിഷയങ്ങളില്‍ യോഗം ചേര്‍ന്ന റെഡ്ഡി ജാതി സെന്‍സസ് നടത്തുന്നതിനുള്ള നടപടികള്‍ സ്വീകരിക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കുകയും ചെയ്തിരുന്നു. ജാതി സെന്‍സസ് നടത്താനുള്ള തീരുമാനത്തെ രാഹുല്‍ ഗാന്ധി പിന്തുണയ്ക്കുകയായിരുന്നു.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?