തമിഴ്നാട്ടില്‍ വീണ്ടും റോട്ട് വീലർ വളർത്തു നായയുടെ ആക്രമണം. 12 വയസുകാരന് ദേഹമാസകലം പരിക്കേറ്റിട്ടുണ്ട്. തമിഴ്നാട്ടിലെ നുങ്കംപക്കത്ത് അഞ്ച് വയസുകാരിയെ പാർക്കില്‍ വെച്ച്‌ റോട്ട് വീലർ നായ ആക്രമിച്ച വാർത്തകള്‍ ഏതാനും ദിവസങ്ങള്‍ മുമ്ബാണ് പുറത്തുവന്നത്. ഈ സംഭവത്തിന്റെ നടുക്കം മാറുന്നതിന് മുമ്ബാണ് പുതിയ സംഭവം റിപ്പോർട്ട് ചെയ്യപ്പെടുന്നത്.
എട്ടാം ക്ലാസ് വിദ്യാർത്ഥിയായ ജെറാള്‍ഡിനെയാണ് (12) റോട്ട് വീലർ നായ ആക്രമിച്ചത്. ശനിയാഴ്ച വൈകുന്നേരം ചെന്നൈയിലുള്ള മുത്തശ്ശിയുടെ വീട്ടിലേക്ക് പോകാനായി നടക്കുമ്ബോഴായിരുന്നു അടുത്ത വീട്ടിലെ റോട്ട് വീലറും മറ്റൊരു നായയും പിന്തുടർന്നെത്തി ജെറാള്‍ഡിനെ കടിച്ചത്. കുട്ടിയുടെ ശരീരമാസകലം മുറിവേറ്റിട്ടുണ്ട്. റോട്ട് വീലറിനൊപ്പം കുട്ടിയെ ആക്രമിച്ചത് പിറ്റ് ബുള്‍ ഇനത്തില്‍പ്പെട്ട നായയാണെന്നാണ് നാട്ടുകാർ പറയുന്നത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?