കാറുകളുമായി വരികയായിരുന്ന കണ്ടെയ്‌നർ ട്രക്കിന് തീപിടിച്ചു. എട്ട് കാറുകള്‍ കത്തിനശിച്ചു. ഏറെ നേരം ഗതാഗതം തടസ്സപ്പെട്ടു. ഹൈദരാബാദ് - മുംബൈ ഹൈവേയിലാണ് സംഭവം നടന്നത്.
തീജ്വാലകള്‍ കണ്ടെയ്നറിനെ വിഴുങ്ങുന്ന ദൃശ്യം പുറത്തുവന്നു. കണ്ടെയ്നറില്‍ നിന്ന് കനത്ത പുക ഉയർന്നു. അഗ്നിശമന സേന സ്ഥലത്തെത്തിയെങ്കിലും തീ നിയന്ത്രണ വിധേയമാക്കാൻ പ്രയാസപ്പെട്ടു. തീയണയ്ക്കാൻ ശ്രമിച്ചെങ്കിലും കണ്ടെയ്നറിലുണ്ടായിരുന്ന എട്ട് കാറുകളാണ് കത്തിനശിച്ചത്. കാറുകള്‍ പൂർണമായും തകർന്നു. കണ്ടെയ്‌നർ ഓടിച്ചിരുന്ന ഡ്രൈവർ 20 ശതമാനം പൊള്ളലേറ്റ് ചികിത്സയിലാണ്.
മുംബൈയില്‍ നിന്ന് ഹൈദരാബാദിലേക്കുള്ള യാത്രാമധ്യേ സംഗറെഡ്ഡി ജില്ലയിലെ സഹീറാബാദ് ബൈപാസ് റോഡില്‍ വെച്ചാണ് തീപിടിത്തമുണ്ടായത്. ഷോർട്ട് സർക്യൂട്ടാകാം തീപിടിത്തത്തിലേക്ക് നയിച്ചതെന്ന് പ്രാഥമിക അന്വേഷണത്തിന്‍റെ അടിസ്ഥാനത്തില്‍ പൊലീസ് പറഞ്ഞു. തീപിടിത്തം ഹൈവേയില്‍ ഗതാഗത കുരുക്കിനിടയാക്കി.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?