ദില്ലിയെ വിറപ്പിച്ച ജിതേന്ദർ ഗോഗി ഗ്യാങ്ങിലെ 5 പേർ കൂടി പൊലീസ് പിടിയില്‍. ഗോഗി ഗ്യാങ്ങിലെ സ്ലീപ്പർ സെല്ലുകള്‍ എന്നറിയപ്പെട്ടിരുന്നവരാണ് പിടിയിലായിട്ടുള്ളത്. ഗുണ്ടാ സംഘത്തിന് നഗരത്തിന്റെ വിവിധ ഭാഗങ്ങളില്‍ വെടിവയ്പുകള്‍ക്ക് ആവശ്യമായ സഹായ സഹകരണങ്ങള്‍ എത്തിച്ച്‌ നല്‍കിയിരുന്ന സ്ലീപ്പർ സെല്ലുകളാണ് അറസ്റ്റിലായിട്ടുള്ളത്. ദേശീയ ഷൂട്ടിംഗ് താരം അടക്കമുള്ളവരാണ് അറസ്റ്റിലായത്.
സ്പോർട്സ് ക്വാട്ടയില്‍ ലഭിച്ചിരുന്ന കാട്രിഡ്ജുകള്‍ ഗോഗി ഗ്യാങ്ങിന് വിലക്കുറവില്‍ നല്‍കുകയാണ് ദേശീയ ഷൂട്ടിംഗ് താരമായ ഹിമന്ത് ദേശ്വാള്‍ എന്ന 27കാരൻ ചെയ്തിരുന്നത്. ബുധനാഴ്ചയാണ് ഹിമന്ത് അടക്കം 5 പേർ പിടിയിലായത്. ദീപക് ശർമ, വീർ സിംഗ്, സാഗർ റാണ, ദീപക് മഡ്ഗല്‍ എന്നിവരാണ് അറസ്റ്റിലായ മറ്റുള്ളവർ. അന്തർ സംസ്ഥാന ക്രിമിനല്‍ സംഘങ്ങളുമായി ബന്ധമുള്ളവരാണ് അറസ്റ്റിലായിട്ടുള്ളതെന്നാണ് സ്പെഷ്യല്‍ പൊലീസ് കമ്മീഷണർ (ക്രൈം) ദേവേശ് ചന്ദ്ര ശ്രീവാസ്തവ വിശദമാക്കുന്നത്.
ദില്ലിയിലും പരിസര പ്രദേശത്തും അക്രമ സംഭവങ്ങള്‍ കുറയ്ക്കാനുള്ള ശ്രമങ്ങളുടെ ഭാഗമായാണ് അറസ്റ്റെന്നാണ് പൊലീസ് വിശദമാക്കുന്നത്. ഗുണ്ടാ സംഘങ്ങള്‍ക്ക് സഹായം നല്‍കുന്ന സ്ലീപ്പർ സെല്ലുകളെ ലക്ഷ്യമിട്ടായിരുന്നു നിലവിലെ ഓപ്പറേഷനെന്നാണ് പൊലീസ് വിശദമാക്കുന്നത്. അന്തർ സംസ്ഥാന തലത്തിലാണ് വെടിക്കോപ്പുകളും മറ്റും സ്ലീപ്പർ സെല്ലുകള്‍ എത്തിച്ചിരുന്നതായാണ് വിവരം.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?