മാർ ഇവാനിയോസ് കോളജില്‍ എസ്‌എഫ്‌ഐ-കെഎസ്യു സംഘര്‍ഷം. കെഎസ്യു യൂണിറ്റ് ക്യാമ്ബസില്‍ സ്ഥാപിച്ച കൊടിമരവും തോരണങ്ങളും എസ്‌എഫ്‌ഐ തകര്‍ത്തതായി കെഎസ്യു പരാതി നല്‍കി. ഇന്നലെ രാത്രിയോടെയായിരുന്നു സംഭവം. കാലിക്കറ്റ് സര്‍വകലാശാലയിലെ കലോത്സവത്തിനിടെയുണ്ടായ സംഘര്‍ഷവുമായി ബന്ധപ്പെട്ട് എസ്‌എഫ്‌ഐ ക്യാമ്ബസില്‍ പ്രതിഷേധ പരിപാടികള്‍ സംഘടിപ്പിച്ചിരുന്നു. അതിന് തുടര്‍ച്ചയായാണ് ക്യാമ്ബസില്‍ സംഘര്‍ഷമുണ്ടായത്.
സംഭവ സ്ഥലത്തെത്തിയ പൊലീസുകാർ സിസിടിവി ദൃശ്യങ്ങള്‍ പരിശോധിച്ച്‌ എസ്‌എഫ്‌ഐ പ്രവർത്തകരെ തിരിച്ചറിഞ്ഞെങ്കിലും ഇതുവരെ നടപടി സ്വീകരിച്ചിട്ടില്ലെന്ന് കെഎസ്യു ഭാരവാഹികള്‍ കുറ്റപ്പെടുത്തുന്നു. അതേസമയം മാർ ഇവാനിയോസ് ക്യാമ്ബസില്‍ എസ്‌എഫ്‌ഐയുടെ ഭാഗത്ത് നിന്ന് യാതൊരുവിധ അതിക്രമങ്ങളും ഉണ്ടായിട്ടില്ലെന്ന് ഭാരവാഹികളായ വിദ്യാർഥികള്‍ പറയുന്നു.
കാലിക്കറ്റ് സര്‍വകലാശാലയുടെ ഡി സോണ്‍ കലോത്സവത്തിനിടെയുണ്ടായ സംഘര്‍ഷത്തില്‍ കെഎസ്യു തൃശൂർ ജില്ലാ പ്രസി‍ഡൻ്റ് ഗോകുല്‍ ഗുരുവായൂർ അടക്കമുള്ള കണ്ടാലറിയാവുന്ന 14 പ്രതികള്‍ക്കെതിരെ വധശ്രമത്തിന് കേസെടുത്തു. ആക്രമണത്തില്‍ ഗുരുതരമായി പരിക്കേറ്റ എസ്‌എഫ്‌ഐ കേരള വർമ്മ കോളജ് യൂണിറ്റ് സെക്രട്ടറി ആശിഷിൻ്റെ മൊഴിയുടെ അടിസ്ഥാനത്തിലാണ് കേസെടുത്തിരിക്കുന്നത്.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?