ശബരിമല പാക്കേജില്‍ ഉള്‍പ്പെടുത്തി വിവിധ ജില്ലകളിലായി 79 റോഡുകളുടെ നവീകരണത്തിനും പുനരുദ്ധാരണത്തിനുമായി 356.97 കോടി രൂപയുടെ പ്രവൃത്തികള്‍ക്ക് പൊതുമരാമത്ത് വകുപ്പ് ഭരണാനുമതി നല്‍കി. പദ്ധതി വിഹിതം ഉപയോഗിച്ച്‌ 67 റോഡുകള്‍ക്കായി 326.97 കോടി രൂപയുടേയും പദ്ധതിയേതര വിഭാഗത്തില്‍ 12 റോഡുകള്‍ക്കായി 30 കോടി രൂപയുടേയും പ്രവൃത്തിയാണ് നടത്തുക. ആകെ 386 കിലോമീറ്ററോളം റോഡിന്‍റെ കൂടി നവീകരണം നടത്തും.
രണ്ടു വിഭാഗങ്ങളിലുമായി തിരുവനന്തപുരം ജില്ലയില്‍ 15 റോഡുകള്‍ക്കാണ് തുക അനുവദിച്ചിട്ടുള്ളതെന്ന് പൊതുമരാമത്ത് മന്ത്രി മുഹമ്മദ് റിയാസ് പറഞ്ഞു. 76 കോടി രൂപ മുടക്കി 70 കിലോമീറ്ററോളം റോഡ് ജില്ലയില്‍ നവീകരിക്കും. കൊല്ലം ജില്ലയില്‍ ആകെ 75 കിലോമീറ്ററോളം ദൈർഘ്യത്തില്‍ 13 റോഡുകള്‍ക്കായി 58.7 കോടി രൂപയും ആലപ്പുഴ ജില്ലയില്‍ ആകെ 35 കിലോമീറ്റർ ദൈർഘ്യത്തില്‍ എട്ട് റോഡുകള്‍ക്കായി 35.85 കോടി രൂപയും അനുവദിച്ചു.
കോട്ടയം ജില്ലയില്‍ എട്ടു റോഡുകളിലായി 24 കിലോമീറ്ററാണ് നവീകരിക്കുക. ഇതിനായി 30.35 കോടി രൂപയ്ക്കാണ് ഭരണാനുമതി നല്‍കിയിട്ടുള്ളത്. എറണാകുളം ജില്ലയില്‍ ഒൻപത് റോഡുകള്‍ക്കായി 33.8 കോടി രൂപ അനുവദിച്ചു. 44 കിലോമീറ്ററിന്റെ നവീകരണത്തിനാണ് ഈ തുക.
Lorem ipsum dolor sit amet, consectetur adipisicing elit. Velit omnis animi et iure laudantium vitae, praesentium optio, sapiente distinctio illo?