മൻഗഫ് തീപിടുത്തം; എൻ.ബി.ടി.സി കമ്പനി ഇൻഷുറൻസ് തുക 17.31 കോടി മരണപ്പെട്ട 49 ജീവനക്കാരുടെ കുടുംബത്തിന് കൈമാറി

  • 25/05/2025


കുവൈറ്റ് സിറ്റി : 2024 ജൂൺ 12-ന് മംഗഫ് അഗ്നിബാധയിൽ മരണപ്പെട്ട 49 എൻബിടിസി ജീവനക്കാരുടെ കുടുംബങ്ങൾക്ക് അവരുടെ 48 മാസത്തെ ശമ്പളത്തിന് സമാനമായ ഗ്രൂപ്പ് ലൈഫ് ഇൻഷുറൻസ് തുകയായ 618,240 കുവൈത്തി ദിനാർ (ഏകദേശം 17.31 കോടി രൂപ) ആണ് എൻബിടിസി ഗ്രൂപ്പ് മരണപ്പെട്ടവരുടെ ആശ്രിതർക്ക് കൈമാറി.
 
എൻ‌ബി‌ടി‌സി കോർപ്പറേറ്റ് ഓഫീസിൽ നടന്ന ചടങ്ങിൽ, മരിച്ചവരുടെ ഗ്രൂപ്പ് ലൈഫ് ഇൻഷുറൻസ് ക്ലെയിമുകൾ കുവൈറ്റിലെ എംബസി പ്രതിനിധികൾ, ലുലു എക്സ്ചേഞ്ച് ഗ്രൂപ്പ്, എൻ‌ബി‌ടി‌സി മാനേജ്‌മെന്റ്, ജീവനക്കാർ എന്നിവരുടെ സാന്നിധ്യത്തിൽ, എൻ.ബി.ടി.സി മാനേജിങ് ഡയറക്ടർ കെ.ജി. എബ്രഹാം, 49 ജീവനക്കാരുടെയും നിയമപരമായ അവകാശികൾക്ക് ഇൻഷുറൻസ് തുക അവരുടെ ബാങ്ക് അക്കൗണ്ടുകളിലേക്ക് ഔദ്യോഗികമായി കൈമാറി.

എൻ.ബി.ടി.സി ജീവനക്കാർക്ക് കമ്പനി പ്രത്യേകമായി നൽകുന്ന ഇൻഷുറൻസ് പരിരക്ഷയാണ് ഗ്രൂപ്പ് ലൈഫ് ഇൻഷുറൻസ്. കുവൈറ്റിൽ നിയപരമായി ഇൻഷുറൻസ് പരിരക്ഷ നിർബന്ധമല്ലെന്നിരിക്കെ, എൻ.ബി.ടി.സിയുടെ കുവൈറ്റ്‌, സൗദി അറേബ്യ, യുഎഇ എന്നിവിടങ്ങളീലെ മുഴുവൻ ജീവനക്കാർക്കും ഇൻഷുറൻസ് പരിരക്ഷ പ്രത്യേകമായി കമ്പനി നൽകിവരുന്നുണ്ടെന്ന് മാനേജ്‍മെന്റ് അറിയിച്ചു. ഇതുപ്രകാരം, സാധാരണ മരണമോ, അപകട മരണമോ സംഭവിച്ചാലും, അപകടങ്ങളിൽ പരിക്ക് പറ്റിയാലും, ഗ്രൂപ്പ് ലൈഫ് ഇൻഷുറൻസ് പദ്ധതി പ്രകാരം ജീവനക്കാർക്ക് ഇൻഷുറൻസ് പരിരക്ഷ എൻ.ബി.ടി.സി ലഭ്യമാക്കുന്നുണ്ട്.
 
ഇൻഷുറൻസ് പ്രഖ്യാപന ചടങ്ങിൽ പങ്കെടുത്തവരെ അഭിസംബോധന ചെയ്ത എൻ‌ബി‌ടി‌സി ഗ്രൂപ്പ് മാനേജിംഗ് ഡയറക്ടർ കെ.ജി. എബ്രഹാം, ദുരന്തത്തിന്റെ നടുക്കത്തിൽ നിന്ന് ഇപ്പോഴും മോചിതനായിട്ടില്ലെന്നും, ദുരിതബാധിത കുടുംബങ്ങളെ പിന്തുണയ്ക്കുന്നതിനുള്ള എൻ‌ബി‌ടി‌സി ഗ്രൂപ്പിന്റെ പ്രതിബദ്ധതയും പിന്തുണയും ആവർത്തിക്കുകയും ചെയ്തു. ജീവൻ നഷ്ടപെട്ട ഓരോ കുടുംബങ്ങളും എൻബിടിസിയുടെ കൂടി ഭാഗമാണെന്നും, ജീവൻ നഷ്ടപ്പെട്ടവരുടെ കുടുംബത്തോടൊപ്പം ഇനിയും കൂടെയുണ്ടാകുമെന്നും ചടങ്ങിൽ അറിയിച്ചു. എൻ‌ബി‌ടി‌സി മാനേജ്‌മെന്റ് അടുത്ത ആഴ്ച, അഗ്നിബാധയിൽ മരിച്ച ഇന്ത്യൻ ജീവനക്കാരുടെ കുടുംബങ്ങളെ നേരിട്ട് സന്ദർശിക്കുന്നതിന്റെ ഭാഗമായി കുടുംബാംഗങ്ങളുമായി നേരിട്ട് കൂടിക്കാഴ്ച നടത്തുമെന്നും അദ്ദേഹം അറിയിച്ചു.
 
ചടങ്ങിൽ നാദിർ അൽ-അവാദി, ഹമദ് എൻ.എം. അൽ-ബദ്ദ, ഇബ്രാഹീം എം. അൽ-ബദ്ദ, ഗൾഫ് ഇൻഷുറൻസ് ഗ്രൂപ്പ് (ജി‌.ഐ‌.ജി) ബഹ്‌റൈനിന്റെ ജനറൽ മാനേജർ അബ്ദുല്ല അൽഖുലൈഫി എന്നിവരും സംസാരിച്ചു. ജീവനക്കാരുടെ ക്ഷേമത്തിനായുള്ള എൻ.ബി.ടി.സി ഗ്രൂപ്പിന്റെ അചഞ്ചലമായ പ്രതിബദ്ധതയെ ചടങ്ങിൽ പങ്കെടുത്തവർ അഭിനന്ദിച്ചു. ഈ വെല്ലുവിളി നിറഞ്ഞ സമയത്ത് മരണമടഞ്ഞ ജീവനക്കാരുടെ കുടുംബങ്ങൾക്കൊപ്പം നിൽക്കാനും അവരുടെ സാമ്പത്തിക സുരക്ഷ ഉറപ്പാക്കാനും എൻ.ബി.ടി.സി ഗ്രൂപ്പ് കാണിച്ച പ്രയത്നത്തെയും, ചടങ്ങിൽ സംസാരിച്ചവർ പ്രശംസിച്ചു.

Related News

കുവൈറ്റിൽ യഥാർത്ഥ വേനൽക്കാലം ജൂൺ 7 ഞായറാഴ്ച മുതൽ ആരംഭിക്കും
  • 25/05/2025
പ്രസവത്തിനിടെയുണ്ടായ ചികിത്സാ പിഴവ്; യുവതിക്ക് 45,000 കുവൈത് ...
  • 25/05/2025
ചാരിറ്റി പ്രവർത്തനങ്ങൾ നടത്തുന്നതിനായി പ്രത്യേക സംവിധാനം
  • 25/05/2025
ഹവല്ലിയിൽ പാർക്ക് ചെയ്തിരുന്ന വാഹനത്തിൽ മൃതദേഹം കണ്ടെത്തി
  • 25/05/2025
ഡമാസ്കസ് സ്ട്രീറ്റിനും കിംഗ് ഫൈസൽ റോഡിനും ഇടയിലുള്ള ഫോർത്ത് ...
  • 23/05/2025
നിയമലംഘകരായ 1,084 പേരെ കുവൈത്തിൽ നിന്ന് നാടുകടത്തി
  • 23/05/2025
കുവൈത്തിൽ ഉച്ചസമയത്ത് ബൈക്ക് ഡെലിവറിക്ക് വിലക്ക്
  • 23/05/2025
പാക്കിസ്ഥാന് വിസ തുറന്ന് കുവൈറ്റ്; 1,200 പാകിസ്ഥാൻ നഴ്സുമാർ ...
  • 23/05/2025
താപനില 50 ഡിഗ്രിയിലേക്ക്; മുന്നറിയിപ്പുമായി ആരോഗ്യ മന്ത്രാലയ ...
  • 23/05/2025
കുവൈത്തിലെ മുൻനിര റീറ്റെയ്ൽ സ്ഥാപനമായ ഗ്രാൻഡ് ഹൈപ്പർ സൽവയിൽ ...
  • 23/05/2025
ജലീബ് അൽ ഷുവൈക്കിൽ പരിശോധന; താമസ-തൊഴിൽ നിയമങ്ങൾ ലംഘിച്ച 24 പ ...
  • 22/05/2025
മെസ്സില ബീച്ചിൽ ഒരാൾ മുങ്ങിമരിച്ചു
  • 22/05/2025