കര അതിർത്തി മേഖലയിലൂടെ കുവൈറ്റിലേക്ക് ആളുകളെ പ്രവേശിക്കരുതെന്ന് സൗദിക്ക് നിർദ്ദേശം

  • 23/12/2020


കുവൈറ്റ് സിറ്റി;  സാൽമിയ, നുവൈസിബ് എന്നീ അതിർത്തികളിലൂടെ കുവൈറ്റിലേക്ക് ആളുകളെ കടത്തിവിടുന്നതിനെതിരെ സൗദി അറേബ്യക്ക്  പ്രത്യേക നിർദ്ദേശം നൽകി കുവൈറ്റ് ഭരണകൂട അധികൃതർ. കഴിഞ്ഞ ദിവസങ്ങളിൽ 550 ഓളം കുവൈറ്റ് സ്വദേശികൾ ഈ അതിർത്തികളിലൂടെ രാജ്യത്തേക്ക് കടന്നുവെന്ന റിപ്പോർട്ടിന്റെ പശ്ചാത്തലത്തിലാണ് കുവൈറ്റ് ആഭ്യന്തര മന്ത്രാലയം സൗദി അറേബ്യൻ ഭരണകൂടത്തിന് പ്രത്യേക നിർദ്ദേശം നൽകിയത്. ബ്രിട്ടനിൽ ജനിതകമാറ്റം സംഭവിച്ച കൊവിഡ് വൈറസ് വ്യാപിക്കുന്ന പശ്ചാത്തലത്തിലാണ് കുവൈറ്റിൽ നിയന്ത്രണങ്ങൾ കർശനമാക്കിയത്. കര, വ്യോമായന അതിർത്തികൾ  കുവൈറ്റ് പൂർണ്ണമായും അടച്ചിരുന്നു. എന്നാൽ ഇന്നലെ ദുബായ്, അബുദാബി, ദോഹ, ബെയ്റൂത്ത് തുടങ്ങി ഇടനില രാജ്യങ്ങളിൽ കുടുങ്ങിക്കിടന്നവരെ രണ്ട് വിമാനങ്ങളിലായി രാജ്യത്തേക്ക് തിരിച്ചെത്തിയിരുന്നു. മൂന്ന് എമർജൻസി വിമാനങ്ങൾ ആദ്യം അനുവദിച്ചെങ്കിലും ഒരു വിമാനം പിന്നീട് റദ്ദാക്കിയതായി അധികൃതർ വ്യക്തമാക്കി. അതേസമയം ജനുവരി 1 വരെ അന്താരാഷ്ട്രവിമാനത്താവളം പ്രവർത്തിക്കില്ലെന്നും മന്ത്രിസഭയുടെ പുതിയ തീരുമാനം നടപ്പിൽ വരുന്നതുവരെ ഈ നടപടി പ്രാബല്യത്തിൽ ഉണ്ടെന്നും അധികൃതർ വ്യക്തമാക്കി. അതേസമയം 300ൽ അധികം യാത്രക്കാർ ദുബായിൽ  കുടുങ്ങിക്കിടക്കുന്നുവെന്നാണ് റിപ്പോർട്ട്. ഇവരിൽ 130 പേർ സ്വദേശികളാണ്. യുഎഇ യിൽ പഠിക്കുന്ന കുവൈറ്റി വിദ്യാർഥികളാണ് ഇതിൽ ഭൂരിഭാഗവും. കുവൈത്ത് അന്താരാഷ്ട്ര വിമാനങ്ങൾ റദ്ദാക്കിയതിനുപിന്നാലെ രണ്ടുദിവസമായി ദുബായ് അന്താരാഷ്ട്ര വിമാനത്താവളത്തിന്റെ പരിസരത്ത് നിരവധി കുവൈറ്റി വിദ്യാർത്ഥികളും കുടുംബങ്ങളുമാണ് വിമാന സർവീസ് പുനരാരംഭിക്കുന്നതിനുമായി കാത്തിരിക്കുന്നതും അധികൃതർ അറിയിച്ചു.

Related News

കുവൈത്തിലെ ഫൈവ് സ്റ്റാർ ഹോട്ടലിൽനിന്ന് 1000 ദിനാറിന്റെ ആഭരണം ...
  • 15/01/2025
കുവൈത്തിൽ പുതിയ അഡിക്ഷൻ സെൻറെർ പ്രവർത്തനം തുടങ്ങി
  • 15/01/2025
2024ൽ കുവൈത്തിലെ നിരത്തുകളിൽ പൊലിഞ്ഞത് 284 ജീവനുകൾ
  • 15/01/2025
വാട്‌സ്ആപ്പിൽ സ്ത്രീകൾക്ക് അശ്ലീല സന്ദേശങ്ങൾ അയച്ചതിന് യുവാവ ...
  • 15/01/2025
ബയോമെട്രിക് പൂർത്തിയാക്കാനുള്ളത് 150,000 പ്രവാസികൾ
  • 15/01/2025
കുടുംബ തർക്കം പൊലീസുകാരെ ആക്രമിക്കുന്നതിലേക്ക് എത്തി; നാല് പ ...
  • 14/01/2025
1970കളിൽ വ്യാജരേഖ ചമച്ച് കുവൈത്തി പൗരത്വം; പ്രവാസികൾക്ക് കുര ...
  • 14/01/2025
കുവൈത്തിലെ അന്തരീക്ഷ മലിനീകരണം അപകടകരമായ നിലയിൽ; പ്രചാരണം തള ...
  • 14/01/2025
സീറ്റ് ബെൽറ്റ്, ഫോൺ ഉപയോഗം നിരീക്ഷിക്കാൻ 252 ക്യാമറകൾ
  • 14/01/2025
പ്രവാസികുടുംബത്തിന് കുവൈത്തിൽനിന്നെത്തിയത് സഹപ്രവർത്തകന്റെ മ ...
  • 14/01/2025
കുവൈത്തിൽ കൊലപാതകത്തിനും ലൈംഗികാതിക്രമത്തിനും ഇന്ത്യക്കാരന് ...
  • 14/01/2025
മുൻ കുവൈത്ത് ആഭ്യന്തര മന്ത്രി ഷെയ്ഖ് തലാൽ അൽ-ഖാലിദിന് 14 വർഷ ...
  • 14/01/2025