ഐ.എസ്.ആർ.ഒ ചാരക്കേസ്: ഗൂഢാലോചനയിൽ സി.ബി.ഐ അന്വേഷണത്തിന് സുപ്രീം കോടതി ഉത്തരവ്

  • 15/04/2021



ന്യൂ ഡെൽഹി : ഐ.എസ്.ആർ.ഒ ചാരക്കേസിൽ സി.ബി.ഐ അന്വേഷണത്തിന് ഉത്തരവിട്ട സുപ്രീംകോടതി. കേസിൽ പ്രതിയാക്കിയ നമ്പി നാരായണനെതിരെ ഗൂഢാലോചന നടന്നിട്ടുണ്ടോ എന്നതിലാണ് സി.ബി.ഐ അന്വേഷണത്തിന് സുപ്രീം കോടതി ഉത്തരവിട്ടിരിക്കുന്നത്. റിട്ട.ജസ്റ്റീസ് ഡി.കെ ജയിൻ കമ്മിറ്റി റിപ്പോർട്ടിലെ ശിപാർശ പരിഗണിച്ചാണ് സുപ്രീം കോടതി വിധി. ജസ്റ്റീസ് ഖാൻവിൽക്കറുടെ ബെഞ്ചിന്റെതാണ് ഉത്തരവ്.

നമ്പി നാരായണനെ കുടുക്കാൻ കേരള പോലീസിന്റെ ഭാഗത്തുനിന്ന് നീക്കം നടന്നിരുന്നോ എന്ന് പരിശോധിക്കണം. അന്ന് കേസ് അന്വേഷിച്ച സിബി മാത്യൂസ് അടക്കമുള്ള മൂന്ന് ഉദ്യോഗസ്ഥർക്കെതിരെയാണ് പ്രധാനമായും അന്വേഷണം. മൂന്നു മാസത്തിനുള്ളിൽ അന്വേഷണം പൂർത്തിയാക്കി റിപ്പോർട്ട് സുപ്രീം കോടതിക്ക് സമർപ്പിക്കണമെന്നും ഉത്തരവിൽ പറയുന്നു. തന്റെ കരിയർ നശിപ്പിക്കാൻ ഉദ്യോഗസ്ഥരുടെ ഭാഗത്തുനിന്ന് ഗുഢാലോചന നടന്നുവെന്നും ശാസ്ത്രരംഗത്തെ നേട്ടം തകർക്കാൻ അന്താരാഷ്ട്ര തലത്തിലും ഗൂഢാലോചന നടന്നിരുന്നുവെന്നും നമ്പി നാരായണൻ ആരോപിച്ചിരുന്നു.

അതേസമയം, ജയിൻ കമ്മിറ്റിയുടെ റിപ്പോർട്ട് പുറത്തുവിടരുതെന്ന് സിബി മാത്യൂസിന്റെ ആവശ്യം സുപ്രീം കോടതി അംഗീകരിച്ചു. റിപ്പോർട്ട് സി.ബി.ഐയ്ക്ക് മാത്രമാണ് കൈമാറുക. അന്വേഷണത്തിന്റെ ആവശ്യത്തിനു മാത്രമേ റിപ്പോർട്ട് ഉപയോഗിക്കാവൂ. മാധ്യമങ്ങൾക്ക് അടക്കം നൽകരുതെന്നും സുപ്രീം കോടതി നിർദേശിച്ചിട്ടുണ്ട്. റിപ്പോർട്ടിലെ ഒരു പ്രാഥമിക അന്വേഷണ റിപ്പോർട്ടായി കണ്ടുവേണം അന്വേഷണം നടത്താനെന്നും കോടതി വ്യക്തമാക്കി.

1995-96 കാലഘട്ടത്തിൽ കോളിളക്കം സൃഷ്ടിച്ച ഐ.എസ്.ആർ.ഒ ചാരക്കേസിൽ നമ്പി നാരായണൻ നിരപരാധിയാണെന്ന് കണ്ടെത്തിയ കോടതി, നമ്പി നാരായണന് നഷ്ടപരിഹാരവും നൽകാൻ ഉത്തരവിൽ പറഞ്ഞിരുന്നു.

റിപ്പോർട്ട് ഉടൻ പരിഗണിക്കണമെന്ന് കഴിഞ്ഞയാഴ്ച കേന്ദ്രസർക്കാർ സുപ്രീം കോടതിയിൽ ആവശ്യപ്പെട്ടിരുന്നു. കഴിഞ്ഞയാഴ്ച നമ്പി നാരായണൻ ഡെൽഹിയിലെത്തി പ്രധാനമന്ത്രിയുമായി കൂടിക്കാഴ്ച നടത്തിയിരുന്നു.

Related News

വീട്ടിലെ വോട്ടിൽ വീഴ്ച മനപൂർവമല്ല; ഇതുവരെ രേഖാമൂലം പരാതിലഭിച ...
  • 24/04/2024
8 വര്‍ഷമായി നിര്‍മാണത്തിലിരിക്കുന്ന കൂറ്റൻ പാലം, ശക്തമായ കാറ ...
  • 23/04/2024
കാമുകിയില്ലെന്ന് പറഞ്ഞ് കളിയാക്കിയ സുഹൃത്തിനെ 17കാരന്‍ കുത്ത ...
  • 23/04/2024
വർഗീയ വാദികൾക്ക് പ്രവേശനമില്ലാത്ത സിപിഎം ആസ്ഥാനത്ത് ബിജെപി സ ...
  • 23/04/2024
ഒറ്റയാനായി ഡി.ഗുകേഷ്; കാൻഡിഡേറ്റസ് ചെസ് കിരീടത്തിൽ മുത്തമിട് ...
  • 22/04/2024
ആരോഗ്യ ഇൻഷുറൻസിന് ഇനി പ്രായപരിധിയില്ല; 65 വയസ് കഴിഞ്ഞാലും ഇൻ ...
  • 22/04/2024
ആദ്യഘട്ടം സംഘർഷഭരിതം; മണിപ്പൂരിൽ 11 ബൂത്തുകളിൽ ഇന്ന് റീപോളിങ ...
  • 22/04/2024
പ്രധാനമന്ത്രിയുടെ വിദ്വേഷ പരാമർശം; തെരഞ്ഞെടുപ്പ് കമ്മീഷന് പര ...
  • 22/04/2024
സ്വകാര്യ കോച്ചിംഗ് സെൻ്ററിലെ 50 ലധികം വിദ്യാര്‍ത്ഥികള്‍ക്ക് ...
  • 21/04/2024
തമിഴ്നാട്ടില്‍ രാഷ്ട്രീയമാറ്റത്തിന് സാധ്യത വിദൂരമെന്ന് പോളിങ ...
  • 21/04/2024
'ചതിക്കുമെന്ന് മനസിലാക്കിയാണ് ബംഗാളില്‍ ഇന്ത്യ സഖ്യത്തിൻ്റെ ...
  • 21/04/2024
നിമിഷ പ്രിയയുടെ അമ്മ യെമനിലെത്തി; ബ്ലെഡ് മണി ചര്‍ച്ചകള്‍ ഉടൻ ...
  • 21/04/2024