ബന്ധുവിന്റെ ചതിയിൽപ്പെട്ട് ഖത്തറിലെ ജയിലിൽ കഴിഞ്ഞിരുന്ന ഇന്ത്യൻ ദമ്പതിമാർ ജയിൽമോചിതരായി നാട്ടിലെത്തി

  • 15/04/2021

മുംബൈ: മയക്കുമരുന്ന് കേസിൽ ശിക്ഷിക്കപ്പെട്ട് ഖത്തറിലെ ജയിലിൽ കഴിഞ്ഞിരുന്ന ഇന്ത്യൻ ദമ്പതിമാർ ജയിൽമോചിതരായി നാട്ടിലെത്തി. മുംബൈ സ്വദേശി ഷെരീഖ് ഖുറേഷി, ഭാര്യ ഒനീബ എന്നിവരും ഒരു വയസ്സുള്ള മകൾ ആയാത്തുമാണ് വ്യാഴാഴ്ച പുലർച്ചെ 2.30 ഓടെ മുംബൈ വിമാനത്താവളത്തിൽ എത്തിയതെന്ന് നാർകോട്ടിക്‌സ് കൺട്രോൾ ബ്യൂറോ ഉദ്യോഗസ്ഥൻ പറഞ്ഞു.

2019 ജൂലായിലാണ് ഷെരീഖ് ഖുറേഷി, ഭാര്യ ഒനീബ ഖുറേഷി എന്നിവർ മയക്കുമരുന്ന് കേസിൽ ഖത്തറിൽ പിടിയിലായത്. ഹണിമൂണിനായി ഖത്തറിലെത്തിയ ദമ്പതിമാരുടെ ബാഗിൽനിന്നും 4.1 കിലോഗ്രാം ഹാഷിഷ് പിടികൂടിയിരുന്നു. ഇതോടെയാണ് ഖത്തറിലേക്ക് ഹണിമൂണിന് പോകാൻ നിർബന്ധിച്ച ബന്ധുവിന്റെ ചതി ദമ്പതിമാർക്ക് മനസിലായത്.

ബന്ധുവായ തബ്‌സും ഖുറേഷിയുടെ നിർബന്ധപ്രകാരമാണ് ഷെരീഖും ഗർഭിണിയായിരുന്ന ഒനീബയും ഖത്തറിലേക്ക് യാത്രതിരിച്ചത്. ഖത്തറിലുള്ള സുഹൃത്തിന് നൽകാൻ ഒരു പാക്കറ്റും ബന്ധു ഇവരെ ഏൽപ്പിച്ചിരുന്നു. വിമാനത്താവളത്തിലെ പരിശോധനയ്ക്കിടെ ഈ പാക്കറ്റിൽ ഹാഷിഷ് ആണെന്ന് കണ്ടെത്തുകയും ദമ്പതിമാരെ പിടികൂടുകയുമായിരുന്നു. മയക്കുമരുന്ന് കേസിൽ ഖത്തറിലെ കോടതി ഇരുവരെയും 10 വർഷത്തെ തടവിന് ശിക്ഷിച്ചു.

ഇതിനിടെ, ഗർഭിണിയായിരുന്ന ഒനീബ കഴിഞ്ഞവർഷം ഫെബ്രുവരിയിൽ ജയിലിൽവെച്ച് പെൺകുഞ്ഞിന് ജന്മം നൽകുകയും ചെയ്തു. ചതിയിൽപ്പെട്ട് ഖത്തറിലെ ജയിലിലായതോടെ ഒനീബയുടെ മാതാവ് ഉൾപ്പെടെയുള്ളവർ ദമ്പതിമാരുടെ മോചനത്തിനായി പരിശ്രമിക്കുകയായിരുന്നു. പ്രധാനമന്ത്രി, കേന്ദ്ര വിദേശകാര്യ മന്ത്രി എന്നിവരുടെ ഇടപെടലും നിയമപോരാട്ടത്തിന് സഹായകമായി. തുടർന്നാണ് ദമ്പതിമാരുടെ കേസ് പുനഃപരിശോധിക്കാൻ ഖത്തറിലെ സുപ്രീംകോടതി തീരുമാനിച്ചത്. ദമ്പതിമാർ ചതിക്കപ്പെട്ടതാണെന്ന് ബോധ്യമായതോടെ ഇരുവരെയും വിട്ടയക്കാൻ കോടതി ഉത്തരവിടുകയായിരുന്നു.

Related News

'വോട്ടുകൾ രേഖപ്പെടുത്തി കഴിഞ്ഞ 10 വർഷമായി രാജ്യത്തിന്റെ ആത്മ ...
  • 18/04/2024
ഇനി സൂരജും തനായയും; വിവാദങ്ങള്‍ക്ക് പിന്നാലെ അക്ബര്‍, സീത സി ...
  • 18/04/2024
ശില്‍പ്പ ഷെട്ടിയുടെയും രാജ് കുന്ദ്രയുടെയും 98 കോടിയുടെ സ്വത് ...
  • 18/04/2024
കാസർകോട്ട് മോക് പോളിൽ ബിജെപിക്ക് അധിക വോട്ട്, സുപ്രീംകോടതിയെ ...
  • 18/04/2024
വിമാനത്താവളത്തില്‍ കയറി വീഡിയോ, വൈറലായപ്പോള്‍ പിടികൂടി സുരക് ...
  • 17/04/2024
തെരെഞ്ഞെടുപ്പ് പ്രചാരണത്തിനായി ഉടൻ കേരളത്തിൽ എത്തും: നിതിൻ ഗ ...
  • 17/04/2024
അമേഠിയില്‍ മത്സരിക്കുമോ എന്ന് ചോദ്യം, ബിജെപിയുടെ ചോദ്യമെന്ന് ...
  • 17/04/2024
സൂര്യ തിലകവുമായി രാം ലല്ല, നിമിഷങ്ങള്‍ മാത്രം നീളുന്ന ചടങ്ങി ...
  • 17/04/2024
തെരഞ്ഞെടുപ്പ് ദിനത്തില്‍ തീര്‍ഥാടനം മാറ്റിവെക്കൂ, വോട്ടെടുപ് ...
  • 17/04/2024
വന്ദേഭാരത് ലാഭത്തിലാണോ?; ആ കണക്കില്ലെന്ന് റെയില്‍വേ
  • 16/04/2024
'ബാലറ്റിന്റെ കാലത്ത് നടന്നതൊക്കെ ഞങ്ങള്‍ക്കറിയാം' ; വിവിപാറ് ...
  • 16/04/2024
പരസ്യമായി മാപ്പുപറയാമെന്ന് ബാബ രാംദേവും ബാലകൃഷ്ണയും; ഒരാഴ്ച ...
  • 16/04/2024