ഇന്ത്യയ്ക്ക്‌ സഹായഹസ്‌തവുമായി ക്രിക്കറ്റ് ഓസ്‌ട്രേലിയ; യുനിസെഫ് 37 ലക്ഷം രൂപ നൽകി

  • 03/05/2021

സിഡ്‌നി: രണ്ടാം കൊറോണ തരംഗത്തിൽ പൊരുതുന്ന ഇന്ത്യയ്ക്ക്‌ സഹായഹസ്‌തവുമായി ക്രിക്കറ്റ് ഓസ്‌ട്രേലിയ. 50,000 അമേരിക്കൻ ഡോളറിൻറെ(ഏകദേശം 37 ലക്ഷത്തോളം രൂപ) പ്രാഥമിക സഹായം യുനിസെഫ് ഇന്ത്യ വഴി നൽകി.  

ഗുരുതരാവസ്ഥയിലുള്ള രോഗികൾക്ക് ഓക്‌സിജൻ എത്തിക്കാനും ടെസ്റ്റ് കിറ്റുകൾ വാങ്ങാനും വാക‌്‌സിൻ വിതരണത്തിനും ഈ തുക ഉപയോഗിക്കും. യുനിസെഫ് ഓസ്‌ട്രേലിയയുമായി ചേർന്ന് ക്രിക്കറ്റ് ഓസ്‌ട്രേലിയയും ഓസ്‌ട്രേലിയൻ ക്രിക്കറ്റേർസ് അസോസിയേഷനും കൂടുതൽ കൊറോണ സഹായം ഇന്ത്യക്കായി കണ്ടെത്തുന്നുണ്ട്. 

ഓസ്‌ട്രേലിയക്കാരും ഇന്ത്യക്കാരും തമ്മിൽ സവിശേഷ ആത്മബന്ധമുണ്ട്. രണ്ടു കൂട്ടരുടേയും ക്രിക്കറ്റിനോടുള്ള അഭിവേശം ഈ സൗഹൃദത്തിൻറെ കേന്ദ്രമാണ്. പാറ്റ് കമ്മിൻസും ബ്രെറ്റ് ലീയും ഇന്ത്യയോട് കാണിച്ച സ്‌നേഹവും സംഭാവനയും ആകർഷിച്ചതായും ക്രിക്കറ്റ് ഓസ്‌ട്രേലിയയുടെ താൽക്കാലിക ചീഫ് എക്‌സിക്യുട്ടീവ് നിക്ക് ഹോക്ക്‌ലി വ്യക്തമാക്കി. 

ഇന്ത്യക്ക് സഹായം പ്രഖ്യാപിച്ച ആദ്യ ക്രിക്കറ്റ് താരം ഓസ്‌ട്രേലിയൻ പേസർ പാറ്റ് കമ്മിൻസാണ്. ഐപിഎല്ലിൽ കൊൽക്കത്ത നൈറ്റ് റൈഡേഴ്‌സിനായി കളിക്കുന്ന കമ്മിൻസ് 50,000 ഡോളർ ഇന്ത്യയുടെ പി എം കെയേർസ് ഫണ്ടിലേക്ക് കൈമാറി. ഓസ്‌ട്രേലിയൻ മുൻ സ്റ്റാർ പേസർ ബ്രെറ്റ് ലീ ഒരു ബിറ്റ്‌കോയിൻ(ഏകദേശം 40 ലക്ഷത്തോളം രൂപ) സഹായവും പ്രഖ്യാപിച്ചിരുന്നു. 

ഇതിഹാസ താരം സച്ചിൻ ടെൻഡുൽക്കർ(1 കോടി രൂപ), ഡെൽഹി കാപിറ്റൽസിൻറെ ശിഖർ ധവാൻ(20 ലക്ഷം രൂപ), സൺറൈസേഴ്‌സ് ഹൈദരാബാദിൻറെ ശ്രീവാത്‌സ് ഗോസ്വാമി(90,000 രൂപ) എന്നിവരും കൊറോണ സഹായം പ്രഖ്യാപിച്ചിരുന്നു. ഐപിഎല്ലിലെ എട്ട് ഫ്രാഞ്ചൈസികളും ഇന്ത്യയുടെ കൊറോണ പോരാട്ടത്തിന് സഹായം കൈമാറിയിട്ടുണ്ട്.

Related News

'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024
തെരഞ്ഞെടുപ്പ് അടുത്തവര്‍ഷം; ഡല്‍ഹിയില്‍ ആദ്യഘട്ട സ്ഥാനാര്‍ഥി ...
  • 21/11/2024