രാജ്യത്തെ കൊറോണ പ്രതിരോധ പ്രവർത്തനങ്ങൾക്ക് പിന്തുണ നൽകാൻ വൻതുക നീക്കിവച്ച്‌ എസ് ബി ഐ

  • 03/05/2021

കൊച്ചി : രാജ്യത്തെ കൊറോണ പ്രതിരോധ പ്രവർത്തനങ്ങൾക്ക് പിന്തുണ നൽകാൻ 71 കോടി രൂപ നീക്കിവച്ചതായി സ്റ്റേറ്റ് ബാങ്ക് ഓഫ് ഇന്ത്യ അറിയിച്ചു. കൊറോണ യുടെ രണ്ടാം തരംഗത്തെ നേരിടാൻ രാജ്യത്തെ സഹായിക്കുന്നതിന് ഈ തുക വിനിയോഗിക്കും.

കൊറോണ ഏറ്റവും രൂക്ഷമായി ബാധിച്ച സംസ്ഥാനങ്ങളിൽ 1000 ബെഡുള്ള താൽക്കാലിക ആശുപത്രികൾ, 250 ഐസിയു ബെഡ് സൗകര്യങ്ങൾ, 1000 ഐസൊലേഷൻ ബെഡ് സൗകര്യങ്ങൾ എന്നിവ സജ്ജമാക്കാൻ 30 കോടി രൂപ നീക്കിവയ്ക്കും.

അതത് നഗരങ്ങളിലെ സർക്കാർ ആശുപത്രികളും മുനിസിപ്പൽ കോർപ്പറേഷനുകളുമായി സഹകരിച്ചായിരിക്കും ഈ സൗകര്യങ്ങൾ ഒരുക്കുക. താൽക്കാലിക ആസ്പത്രികൾ സ്ഥാപിക്കുന്നതിനുള്ള പങ്കാളിത്തത്തിനായി വിവിധ കേന്ദ്രങ്ങളുമായി എസ്ബിഐ ചർച്ച നടത്തുന്നുണ്ട്. ജീനോം സീക്വൻസിങ് ഉപകരണങ്ങൾ, ലാബ്, വാക്സിൻ ഗവേഷണ ഉപകരണങ്ങൾ എന്നിവയ്ക്കായി സർക്കാരുകൾക്ക് 10 കോടി രൂപയും എസ്ബിഐ നൽകും.

ഇതിന് പുറമെ, പൗരന്മാരുടെ അടിയന്തിര വൈദ്യ ആവശ്യങ്ങൾ പരിഹരിക്കുന്നതിനായി ജീവൻ രക്ഷോപകരണങ്ങൾ വാങ്ങാനും, ആശുപത്രികളിലേക്കുള്ള ഓക്സിജൻ വിതരണം വർധിപ്പിക്കാനും, 17 പ്രാദേശിക ഹെഡ് ഓഫീസുകൾക്ക് 21 കോടി രൂപ എസ്ബിഐ അനുവദിച്ചിട്ടുണ്ട്.

പരിശോധനകളും വാക്സിനേഷൻ യജ്ഞം ശക്തിപ്പെടുത്തൽ, കൊറോണ ഹെൽപ്പ്ലൈൻ സജ്ജമാക്കൽ, ഓക്സിജൻ വിതരണവും മറ്റ് നിർണായക പ്രവർത്തനങ്ങളും സംഘടിപ്പിക്കൽ എന്നിവയ്ക്കായി എൻജിഒകളുമായി സഹകരിച്ച്‌ 10 കോടി രൂപയും എസ്ബിഐ നൽകും. പിപിഇ കിറ്റുകൾ, മാസ്‌കുകൾ, റേഷൻ, പാചകം ചെയ്ത ഭക്ഷണം എന്നിവയുടെ വിതരണവും ബാങ്ക് തുടരും.

കഴിഞ്ഞ വർഷം കൊറോണ പ്രതിരോധ പ്രവർത്തനങ്ങൾക്കായി വാർഷിക ലാഭത്തിന്റെ 0.25 ശതമാനം നീക്കിവച്ച എസ്ബിഐ, പി.എം കെയർസ് ഫണ്ടിലേക്ക് 108 കോടി രൂപ സംഭാവന നൽകിയിരുന്നു. ഇതിന് പുറമെ, സർക്കാരിന്റെ വാക്സിനേഷൻ യജ്ഞത്തെ പിന്തുണയ്ക്കുന്നതിനായി 11 കോടി രൂപയും നൽകി.

Related News

'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024
തെരഞ്ഞെടുപ്പ് അടുത്തവര്‍ഷം; ഡല്‍ഹിയില്‍ ആദ്യഘട്ട സ്ഥാനാര്‍ഥി ...
  • 21/11/2024