കുവൈറ്റിൽ കൊവിഡ് വാക്സിൻ എത്തിയാലും 45 ശതമാനം പേർ സ്വീകരിക്കാൻ തയ്യാറാകില്ല

  • 01/12/2020

കുവൈറ്റ് സിറ്റി;  കൊവിഡ് പ്രതിരോധ പ്രവർത്തനങ്ങളുടെ ഭാ​ഗമായി കുവൈറ്റിൽ ഫൈസർ അടക്കമുളള വാക്സിൻ എത്തിയാലും 45 ശതമാനത്തോളം പേർ വാക്സിൻ സ്വീകരിക്കാൻ തയ്യാറല്ലെന്ന് റിപ്പോർട്ട്. രാജ്യത്ത് വാക്സിൻ എത്തിച്ചേരുന്നതിന് മുന്നോടിയായി ആരോ​ഗ്യ മന്ത്രാലയം കമ്മ്യൂണിറ്റി അവബോധവുമായി ബന്ധപ്പെട്ട് നടത്തിയ സർവ്വേയിലാണ് ഇക്കാര്യം വ്യക്തമാക്കുന്നത്. 10,000ത്തോളം പേർ പങ്കെടുത്ത സർവ്വേയിൽ 45 ശതമാനം പേരും കൊവിഡ് വാക്സിൻ സ്വീകരിക്കാൻ സന്നദ്ധ പ്രകടിപ്പിച്ചിട്ടില്ലെന്നാണ് റിപ്പോർട്ടിൽ വ്യക്തമാക്കുന്നത്. വാക്സിനുമായി ബന്ധപ്പെട്ട് ആരോ​ഗ്യമന്ത്രാലയം ജനങ്ങൾക്ക് പൊതുഅവബോധം നൽകുന്നതിൽ പരാജയപ്പെട്ടിട്ടുണ്ടെന്നും, ഇതിനെതിരെ പ്രാദേശിക തലങ്ങളിൽ നിന്ന് വിമർശനങ്ങൾ ഉയരുന്നതിനുമിടയാക്കിയിട്ടുണ്ട്. അതേസമയം, വാക്സിൻ എടുക്കുന്നതിന്റെ പ്രാധാന്യം പൊതുജനങ്ങൾക്ക് വിശദീകരിച്ച് നൽകാൻ  പരിചയസമ്പന്നരും യോഗ്യതയുള്ളവരുമായ ഡോക്ടർമാരെ ഉപയോഗിച്ച് മന്ത്രാലയം ഔദ്യോഗിക ചാനലുകളിലൂടെ ഒരു വലിയ ബോധവൽക്കരണ കാമ്പയിൻ ആരംഭിക്കണമെന്നും നിർദ്ദേശമുണ്ട്. അല്ലാത്ത പക്ഷം രാജ്യത്ത് കൊവിഡ് വാക്സിൻ എത്തിയാലും ജനങ്ങൾ സ്വീകരിക്കാൻ തയ്യാറാകില്ല.

 ഫലപ്രാപ്തി തെളിയിച്ച  മൂന്ന് അന്താരാഷ്ട്ര കമ്പനികളിൽ നിന്ന് 5,7 ദശലക്ഷം ഡോസ് കൊവിഡ് വാക്സിൻ ഇറക്കുമതി ചെയ്യുന്നതിനുള്ള പ്രാഥമിക കരാറുകൾ ആരോഗ്യ മന്ത്രാലയം ഒപ്പുവച്ചിട്ടുണ്ട്. ഇത് രാജ്യത്തുളള പ്രവാസികൾക്ക് അടക്കം 2.8 ദശലക്ഷം ആളുകൾക്ക് തികയുമെന്നാണ് റിപ്പോർട്ട്.  ഫൈസറിൽ നിന്ന് ഒരു ദശലക്ഷം ഡോസ്, മോഡേണയിൽ നിന്ന് 1.7 ദശലക്ഷം,  ഓക്സ്ഫോർഡ്-അസസെനക്ക കമ്പനിയിൽ നിന്ന് 3 ദശലക്ഷം ഡോ‍സ് എന്നിങ്ങനെയാണ് ഇറക്കുമതി ചെയ്യാൻ ആരോ​ഗ്യമന്ത്രാലയം ഉദ്ദേശിക്കുന്നത്. അതേസമയം, വാക്സിന്റെ പ്രാധാന്യവും, അത് സ്വീകരിക്കേണ്ടതിന്റെ ആവശ്യകതെയും കുറിച്ച് ജനങ്ങൾ ബോധിപ്പിക്കുക എന്നതാണ് അധികൃതർ അഭിമുഖീകരിക്കേണ്ട പ്രധാന വെല്ലുവിളി. 

Related News

കുടുംബ തർക്കം പൊലീസുകാരെ ആക്രമിക്കുന്നതിലേക്ക് എത്തി; നാല് പ ...
  • 14/01/2025
1970കളിൽ വ്യാജരേഖ ചമച്ച് കുവൈത്തി പൗരത്വം; പ്രവാസികൾക്ക് കുര ...
  • 14/01/2025
കുവൈത്തിലെ അന്തരീക്ഷ മലിനീകരണം അപകടകരമായ നിലയിൽ; പ്രചാരണം തള ...
  • 14/01/2025
സീറ്റ് ബെൽറ്റ്, ഫോൺ ഉപയോഗം നിരീക്ഷിക്കാൻ 252 ക്യാമറകൾ
  • 14/01/2025
പ്രവാസികുടുംബത്തിന് കുവൈത്തിൽനിന്നെത്തിയത് സഹപ്രവർത്തകന്റെ മ ...
  • 14/01/2025
കുവൈത്തിൽ കൊലപാതകത്തിനും ലൈംഗികാതിക്രമത്തിനും ഇന്ത്യക്കാരന് ...
  • 14/01/2025
മുൻ കുവൈത്ത് ആഭ്യന്തര മന്ത്രി ഷെയ്ഖ് തലാൽ അൽ-ഖാലിദിന് 14 വർഷ ...
  • 14/01/2025
കുവൈത്തിൽ ട്രാഫിക് നിയമലംഘനങ്ങളുടെ തോത് 24 ശതമാനം കുറഞ്ഞതായി ...
  • 14/01/2025
ശൈത്യകാലം ചെലവഴിക്കാനായി കറുത്ത കഴുകൻമാർ കുവൈത്തിൽ
  • 13/01/2025
ഐഎസിൽ ചേർന്ന് ആശയങ്ങൾ പ്രചരിപ്പിച്ചു; കുവൈത്തി പൗരനും പ്രവാസ ...
  • 13/01/2025
ഗൾഫ് ലീഡർഷിപ്പ് പേഴ്‌സണാലിറ്റി അം​ഗീകാരം കുവൈത്ത് അമീറിന്
  • 13/01/2025
ഉംറ തീർത്ഥാടകർക്കുള്ള മാർ​ഗനിർദേശങ്ങളുമായി ആരോ​ഗ്യ മന്ത്രാലയ ...
  • 13/01/2025