എയർ ഇന്ത്യ സെർവർറിൽ ഞെട്ടിപ്പിക്കുന്ന സൈബർ ആക്രമണം; 45 ലക്ഷത്തോളം ഉപഭോക്താക്കളുടെ ക്രെഡിറ്റ് കാർഡ് വിവരങ്ങൾ ചോർന്നു

  • 22/05/2021

ന്യൂഡെൽഹി: ദേശീയ വിമാനക്കമ്പനിയായ എയർ ഇന്ത്യയുടെ സെർവറുകൾക്ക് നേരെ സൈബർ ആക്രമണം നടന്നതായി എയർലൈൻ കമ്പിനി. 45,00,000 ലക്ഷത്തോളം വരുന്ന ഉപഭോക്താക്കളുടെ വിവരങ്ങൾ സൈബർ ആക്രമണത്തെ തുടർന്ന് ചോർന്നതായി കമ്പിനി അധികൃതർ തന്നെ വ്യക്തമാക്കുന്നു.

ഫെബ്രുവരി മാസത്തിലാണ് ഇത്തരത്തിൽ ഗുരുതരമായ ആക്രമണം ഉണ്ടായതെന്നാണ് കമ്പിനി റിപ്പോർട്ട് ചെയ്തിരിക്കുന്നത്. ഉപഭോക്താക്കളുടെ പാസ്‌പോർട്ട്, ക്രെഡിറ്റ് കാർഡ് വിവരങ്ങൾ അടക്കം ചോർന്നു. 2011 ഓഗസ്റ്റ് 26 മുതൽ 2021 ഫെബ്രുവരി മൂന്ന് വരെയുള്ള പത്ത് വർഷത്തെ വിവരങ്ങളാണ് ചോർന്നത് എന്നാണ് റിപ്പോർട്ട്.

എയർ ഇന്ത്യക്ക് വേണ്ടി യാത്രക്കാരുടെ വിവരങ്ങൾ കൈകാര്യം ചെയ്യുന്നത് സീറ്റ എന്ന കമ്പനിയാണ്. ഈ കമ്പനിയാണ് സൈബർ ആക്രമണത്തിന് ഇരയായത്.

‘അത്യാധുനികമായ ഒരു സൈബർ ആക്രമണമാണ് ഉണ്ടാതെന്ന് കരുതുന്നു. ഇതിൽ ഉപഭോക്താക്കളുടെ ക്രെഡിറ്റ് കാർഡ് വിവരങ്ങളും പാസ്‌പോർട്ട് വിശദാംശങ്ങളും അടക്കം ചോർന്നിട്ടുണ്ട്. ഇത് മറ്റ് ആഗോള എയർലൈൻസിനേയും ബാധിച്ചിട്ടുണ്ട് എന്നാണ് സൂചന’ ക്മ്പിനിക്ക് വേണ്ടി ജിതിൻ ജെയിൻ ട്വീറ്റ് ചെയ്തു.

സംഭവത്തിൽ അന്വേഷണം നടക്കുകയാണ് എന്ന് എയർ ഇന്ത്യ വ്യക്തമാക്കി. ഡാറ്റ ചോർച്ച നടന്നതായി ഉപഭോക്താക്കളെ ഇമെയിൽ വഴി അറിയിച്ചതായി എയർ ഇന്ത്യ പറഞ്ഞു. എയർ ഇന്ത്യക്ക് പുറമേ യാത്രക്കാരുടെ വിവരങ്ങൾ കൈകാര്യം ചെയ്യാൻ സീറ്റ കമ്പിനിയെ ആശ്രയിക്കുന്ന മറ്റ് വിമാന സർവീസ് കമ്പനികളും ഡാറ്റാ ചോർച്ചയ്ക്ക് ഇരയായി എന്നാണ് സൂചന.

ജനീവ ആസ്ഥാനമായുള്ള പാസഞ്ചർ സിസ്റ്റം ഓപ്പറേറ്ററായ സിറ്റയെ ലക്ഷ്യമിട്ടുള്ള സൈബർ ആക്രമണത്തിൽ പേര് വിവരങ്ങൾ, ജനനതീയതി, ബന്ധപ്പെടാനുള്ള വിവരങ്ങൾ, ടിക്കറ്റ് വിവരങ്ങൾ തുടങ്ങിയവയും ചോർന്നതിൽ ഉൾപ്പെടുന്നു. വ്യക്തിഗത ഡാറ്റയുടെ സുരക്ഷ ഉറപ്പാക്കുന്നതിന് വേണ്ടി കഴിയുന്ന ഇടങ്ങളിലെല്ലാം പാസ്വേഡുകൾ മാറ്റാൻ യാത്രക്കാരോട് ആവശ്യപ്പെട്ടതായും എയർ ഇന്ത്യ പ്രസ്താവനയിൽ വ്യക്തമാക്കി.

സൈബർ ആക്രമണത്തിൽ എയർ ഇന്ത്യ ആന്വേഷണം പ്രഖ്യാപിച്ചിട്ടുണ്ട്. ഡാറ്റ ദുരുപയോഗം ചെയ്തതായി തെളിവുകളില്ലെന്ന് വിമാനക്കമ്പനികൾ യാത്രക്കാർക്ക് ഉറപ്പ് നൽകി.

Related News

'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024
തെരഞ്ഞെടുപ്പ് അടുത്തവര്‍ഷം; ഡല്‍ഹിയില്‍ ആദ്യഘട്ട സ്ഥാനാര്‍ഥി ...
  • 21/11/2024