സിബിഎസ്ഇ, ഐസിഎസ്ഇ പ്ലസ് ടു മാര്‍ക്ക് മുന്‍പരീക്ഷകളെ അടിസ്ഥാനമാക്കി

  • 02/06/2021




സി ബി എസ് ഇ, ഐ സി എസ് ഇ പന്ത്രണ്ടാം ക്ലാസ് പരീക്ഷ റദ്ദാക്കിയാലും മുന്‍പരീക്ഷകളെ അടിസ്ഥാനമാക്കി വിദ്യാര്‍ഥികള്‍ക്ക് മാര്‍ക്കും ഗ്രേഡും നല്‍കും. പത്താംക്ലാസ് അടക്കമുള്ള മുന്‍ പരീക്ഷകളുടെ മാര്‍ക്കും ഹയര്‍സെക്കന്‍ഡറി കാലത്തെ പഠനമികവും കണക്കിലെടുക്കുമെന്നാണ് സൂചന. ഇരുബോര്‍ഡുകളിലും പ്രാക്ടിക്കല്‍ പരീക്ഷ കഴിഞ്ഞിട്ടുണ്ട്. ഇതിന്റെ മാര്‍ക്കും കണക്കിലെടുക്കും.

കുട്ടികളുടെ ഭാഗത്തു നിന്നുകൊണ്ടായിരിക്കും തീരുമാനമെന്നും ഉന്നതപഠനത്തിന് അവരെ സഹായിക്കുന്ന തരത്തിലായിരിക്കും മാനദണ്ഡം നിശ്ചയിക്കുന്നതെന്നും നാഷണല്‍ കൗണ്‍സില്‍ ഓഫ് സി ബി എസ് ഇ സ്‌കൂള്‍സ് സെക്രട്ടറി ജനറല്‍ ഡോ. ഇന്ദിരാ രാജന്‍ പറഞ്ഞു.

സി ബി എസ് ഇ, ഐ സി എസ് ഇ പന്ത്രണ്ടാംക്ലാസ് പരീക്ഷ റദ്ദാക്കിയതിനാല്‍ സംസ്ഥാന എന്‍ട്രന്‍സ് പരീക്ഷ സംബന്ധിച്ച തീരുമാനം നിര്‍ണായകമാകും. എന്‍ജിനിയറിങ് കോഴ്‌സുകള്‍ക്കുള്ള സംസ്ഥാന പ്രവേശനപരീക്ഷയില്‍ 50 ശതമാനം വെയ്‌റ്റേജ് യോഗ്യതാ പരീക്ഷയായ പ്ലസ് ടുവിന്റെ മാര്‍ക്കിനാണ്. ഫിസിക്‌സ്, കെമിസ്ട്രി, കണക്ക് വിഷയങ്ങളുടെ മാര്‍ക്കാണ് ഇതിന് ആധാരം.

വിവിധ സംസ്ഥാന ബോര്‍ഡുകള്‍, സി ബി എസ് ഇ, ഐ സി എസ് ഇ അടക്കമുള്ള ദേശീയ ബോര്‍ഡുകള്‍, വിദേശരാജ്യങ്ങളിലെ ബോര്‍ഡുകള്‍ എന്നിവ സമീകരിച്ചാണ് പ്ലസ് ടു മാര്‍ക്കിന്റെ വെയ്‌റ്റേജ് കണക്കാക്കുക. ഇപ്രാവശ്യം പല ബോര്‍ഡുകളിലും പരീക്ഷ ഉപേക്ഷിച്ചു. ചില ബോര്‍ഡുകളില്‍ മുന്‍ പരീക്ഷകളുടെ മാര്‍ക്കിന്റെയും മറ്റും ശരാശരി അടിസ്ഥാനമാക്കി പ്ലസ് ടു മാര്‍ക്ക് നിര്‍ണയിക്കുകയാണ്.

ഈ സാഹചര്യത്തില്‍ പ്ലസ്ടു മാര്‍ക്ക് യഥാര്‍ഥ വിലയിരുത്തലാകുമോയെന്ന സംശയം ഉടലെടുക്കുന്നു. ഇതേസമയം സംസ്ഥാന ഹയര്‍സെക്കന്‍ഡറി പരീക്ഷകള്‍ നടന്നു. എന്‍ട്രന്‍സ് പരീക്ഷയ്ക്ക് കേന്ദ്ര സിലബസിലെ കുട്ടികള്‍ക്ക് മുന്‍തൂക്കം ലഭിക്കുന്നതുകൂടി കണക്കിലെടുത്തായിരുന്നു പ്ലസ് ടു പരീക്ഷയുടെ മാര്‍ക്കിന് പകുതി വെയ്‌റ്റേജ് നല്‍കാന്‍ നേരത്തേ നിശ്ചയിച്ചത്. പ്ലസ്ടു മാര്‍ക്കിന്റെ വെയ്‌റ്റേജ് ഒഴിവാക്കാന്‍ തീരുമാനിച്ചാല്‍ എന്‍ട്രന്‍സ് പരീക്ഷയുടെ മാര്‍ക്കുമാത്രമാകും റാങ്ക് പട്ടിക തയ്യാറാക്കാന്‍ അടിസ്ഥാനമാക്കുക. ഇക്കാര്യത്തില്‍ സര്‍ക്കാര്‍ നയപരമായ തീരുമാനം എടുക്കേണ്ടിവരും.

Related News

'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024
തെരഞ്ഞെടുപ്പ് അടുത്തവര്‍ഷം; ഡല്‍ഹിയില്‍ ആദ്യഘട്ട സ്ഥാനാര്‍ഥി ...
  • 21/11/2024