വ്യാജ മൊബൈല്‍ ആപ്പുകള്‍ വഴി 290 കോടിയിലേറെ രൂപയുടെ നിക്ഷേപ തട്ടിപ്പ്​; മലയാളിയടക്കം ഒമ്പതംഗ സംഘം അറസ്​റ്റില്‍

  • 13/06/2021

ബംഗളൂരു: വ്യാജ മൊബൈല്‍ ആപ്പുകള്‍ മുഖേന 290 കോടിയിലേറെ രൂപയുടെ നിക്ഷേപ തട്ടിപ്പ്​ നടത്തിയ ഒമ്പതംഗ സംഘം അറസ്​റ്റില്‍. മലയാളി ബിസിനസുകാരന്‍ അനസ്​ അഹമ്മദിന്‍റെ നേതൃത്വത്തിലുള്ള സംഘത്തെയാണ്​​ കര്‍ണാടക സി.ഐ.ഡിയുടെ സൈബര്‍ ക്രൈം വിഭാഗം പിടികൂടിയത്​.

കടലാസ് കമ്പനികളുടെ ഡയറക്ടര്‍മാരായി പ്രവര്‍ത്തിച്ച രണ്ടുവീതം ചൈനീസ്​, തിബത്തന്‍ പൗരന്മാരും ഡെൽഹി, സൂറത്ത്​ സ്വദേശികളായ നാലുപേരും അടക്കമാണ് അറസ്റ്റിലായത്. ക്ലിഫോര്‍ഡ് വെഞ്ചേഴ്​സ്​, ബുള്‍ ഫിഞ്ച് ടെക്‌നോളജീസ്, എച്ച്‌ ആന്‍ഡ് എസ് വെഞ്ചേഴ്​സ്​, എന്നീ പേരുകളില്‍ കടലാസ് കമ്പനികള്‍ രൂപവത്​കരിച്ചാണ്​ സംഘം തട്ടിപ്പിന്​ കളമൊരുക്കിയത്​.

അതെ സമയം അനസ് അഹമ്മദിന്റെ നേതൃത്വത്തില്‍ തുടങ്ങിയ ഓണ്‍ലൈന്‍ റമ്മി ആപ്പുകള്‍ പിന്നീട് നിക്ഷേപം സ്വീകരിക്കാന്‍ ‘പവര്‍ ബാങ്ക്’‍, ‘സണ്‍ ഫാക്ടറി’ എന്നീ ആപ്ലിക്കേഷനുകളാക്കി പേര്​ മാറ്റി. ഗൂഗ്​ള്‍ പ്ലേ സ്​റ്റോറിലടക്കം ഈ ആപ്പുകള്‍ ലഭ്യമായിരുന്നു. വന്‍ ലാഭവിഹിതം പലിശയും വാഗ്​ദാനം ചെയ്​ത്​ സമൂഹ മാധ്യമങ്ങളിലൂടെ പ്രചാരണം നടത്തിയ സംഘം തുടക്കത്തില്‍ ലാഭവിഹിതം നല്‍കിയതോടെ കൂടുതല്‍ പേര്‍ വലയില്‍ കുടുങ്ങി. കോടിക്കണക്കിന്​ രൂപ നിക്ഷേപമെത്തിയതോടെ ആപ്​ പിന്നീട്​ പ്രവര്‍ത്തനരഹിതമാക്കി മുങ്ങിയിരുന്നു .

ചൈനയില്‍ വിദ്യാഭ്യാസം പൂര്‍ത്തിയാക്കിയ അനസ് അഹമ്മദ് ചൈനീസ് യുവതിയെയാണ്​ വിവാഹം കഴിച്ചിട്ടുള്ളത്. ബിസിനസുകാരനായ ഇവരുടെ അക്കൗണ്ടിലേക്ക് 290 കോടി രൂപ എത്തിയതായും​ ചൈന കേന്ദ്രീകരിച്ച ഹവാല റാക്കറ്റുമായി അനസിന്​ ബന്ധ​മുണ്ടെന്നും​ അന്വേഷണ സംഘം കണ്ടെത്തി​​. റേസര്‍ പേ സോഫ്​റ്റ്​വെയര്‍ പ്രൈവറ്റ്​ ലിമിറ്റഡ്​ എന്ന ഒാണ്‍ലൈന്‍ സംരംഭത്തിന്റെ ഉടമകള്‍ നല്‍കിയ പരാതിയിലാണ്​ സി.ഐ.ഡി സൈബര്‍ ക്രൈം ഡിവിഷന്‍ എസ്.പി എം.ഡി. ശരത്തിന്‍റെ നേതൃത്വത്തിലുള്ള സംഘം പ്രതികളെ പിടികൂടിയത്.

ഗെയിമിങ്​, ഇ-കോമേഴ്​സ്​ ബിസിനസുകള്‍​ നടത്തുന്നെന്ന പേരില്‍ തങ്ങളെ സമീപിക്കുകയും പിന്നീട്​ ഇ-പേയ്​മെന്‍റ്​ സംവിധാനം വഴി സംഘം തട്ടിപ്പ്​ നടത്തുകയും ചെയ്​തെന്നാണ്​ പരാതി. അതെ സമയം തട്ടിപ്പിനെതിരെ കര്‍ണാടകയിലെ വിവിധ പൊലീസ്​ സ്​റ്റേഷനുകളിലും പരാതി ലഭിച്ചിട്ടുണ്ട്​.

‘പവര്‍ ബാങ്ക്​’ ആപ്ലിക്കേഷനിലൂടെ പണം നഷ്​ടമായവര്‍ കര്‍ണാടക സി.ഐ .ഡി സൈബര്‍ ക്രൈം വിഭാഗത്തെ സമീപിക്കണമെന്ന്​ പൊലീസ്​ അറിയിച്ചു. വന്‍ തുക ലാഭവിഹിതം നല്‍കുന്ന ആപ്ലിക്കേഷനുകളുടെ തട്ടിപ്പ് ​പ്രവര്‍ത്തനങ്ങളില്‍ ജാഗ്രത വേണമെന്നും പരിചിതമല്ലാത്ത വെബ്​സൈറ്റുകളില്‍നിന്ന്​ ആപ്ലിക്കേഷനുകള്‍ ഡൗണ്‍ലോഡ്​ ചെയ്യരുതെന്നും പൊലീസ്​ പൊതുജനങ്ങള്‍ക്ക് താക്കീത് നല്‍കി.

Related News

ഇനി സൂരജും തനായയും; വിവാദങ്ങള്‍ക്ക് പിന്നാലെ അക്ബര്‍, സീത സി ...
  • 18/04/2024
ശില്‍പ്പ ഷെട്ടിയുടെയും രാജ് കുന്ദ്രയുടെയും 98 കോടിയുടെ സ്വത് ...
  • 18/04/2024
കാസർകോട്ട് മോക് പോളിൽ ബിജെപിക്ക് അധിക വോട്ട്, സുപ്രീംകോടതിയെ ...
  • 18/04/2024
വിമാനത്താവളത്തില്‍ കയറി വീഡിയോ, വൈറലായപ്പോള്‍ പിടികൂടി സുരക് ...
  • 17/04/2024
തെരെഞ്ഞെടുപ്പ് പ്രചാരണത്തിനായി ഉടൻ കേരളത്തിൽ എത്തും: നിതിൻ ഗ ...
  • 17/04/2024
അമേഠിയില്‍ മത്സരിക്കുമോ എന്ന് ചോദ്യം, ബിജെപിയുടെ ചോദ്യമെന്ന് ...
  • 17/04/2024
സൂര്യ തിലകവുമായി രാം ലല്ല, നിമിഷങ്ങള്‍ മാത്രം നീളുന്ന ചടങ്ങി ...
  • 17/04/2024
തെരഞ്ഞെടുപ്പ് ദിനത്തില്‍ തീര്‍ഥാടനം മാറ്റിവെക്കൂ, വോട്ടെടുപ് ...
  • 17/04/2024
വന്ദേഭാരത് ലാഭത്തിലാണോ?; ആ കണക്കില്ലെന്ന് റെയില്‍വേ
  • 16/04/2024
'ബാലറ്റിന്റെ കാലത്ത് നടന്നതൊക്കെ ഞങ്ങള്‍ക്കറിയാം' ; വിവിപാറ് ...
  • 16/04/2024
പരസ്യമായി മാപ്പുപറയാമെന്ന് ബാബ രാംദേവും ബാലകൃഷ്ണയും; ഒരാഴ്ച ...
  • 16/04/2024
പൊതുപ്രകടന പത്രിക പുറത്തിറക്കാൻ 'ഇന്ത്യ'; തൊഴിലവസരങ്ങളടക്കം ...
  • 16/04/2024