സ്​പുട്​നിക് ; പ്രതിവർഷം 100 മില്യൺ ഡോസ് ; പനസിയ ബയോടെക്കിന്​ ഡി.സി.ജി.ഐ ലൈസൻസ്

  • 05/07/2021

ന്യൂഡെൽഹി: റഷ്യയുടെ കൊറോണ പ്രതിരോധ ​ വാക്​സിനായ സ്​പുട്​നിക്​ വി ഇന്ത്യയിൽ ഉൽപാദിപ്പിക്കുന്നതിന്​ പ്രമുഖ ഫാർമ കമ്പനിയായ പനസിയ ബയോടെക്കിന്​ ദി ഡ്രഗ്​സ്​ കൺട്രോളർ ജനറൽ ഓഫ്​ ഇന്ത്യയുടെ (ഡി.സി.ജി.ഐ) ലൈസൻസ്​. സ്​പുട്​നിക്​ വാക്​സിൻ പ്രാദേശികമായി നിർമ്മിക്കുന്നതിന് ലൈസൻസ്​ ലഭിക്കുന്ന ആദ്യ കമ്പനിയാണ്​ പനസിയ.

വാക്സിൻറെ അന്താരാഷ്​ട്ര ഉത്പാദനത്തിൻറെയും വിതരണത്തിൻറെയും ചുമതലയുള്ള റഷ്യൻ ഡയറക്‌ട് ഇൻവെസ്റ്റ്മെൻറ്​ ഫണ്ടുമായി (ആർ.ഡി.ഐ.എഫ്​) സ്​പുട്​നിക്​ ഉൽപാദനത്തിൽ പങ്കാളിയായ ആറ്​ കമ്പനികളിൽ ഒന്ന്​ പനസിയ ബയോടെക്​ ആണ്​. രണ്ട്​ ഡോസ്​ സ്​പുട്​നിക്​ വാക്​സിൻ എടുക്കുന്നത്​ കൊറോണ ​പ്രതിരോധത്തിൽ 91.6 ശതമാനം വിജയകരമാണെന്നാണ്​ ഗമലേയ സെൻററിന്റെ അവകാശവാദം

പനസിയയുടെ ഹിമാചൽപ്രദേശിലെ ബഡ്​ഡിയിലുള്ള നിർമാണശാലയിലുണ്ടാക്കിയ സ്​പുട്​നിക് വാക്​സിൻറെ ആദ്യബാച്ച്‌​ മേയ്​ അവസാനവാരം റഷ്യയിലെ ഗമലേയ സെൻററിന്​ കൈമാറിയിരുന്നു. ഗമലേയ സെൻററിലെ എല്ലാവിധ ഗുണനിലവാര പരിശോധനകളും വിജയകരമായി പിന്നിട്ട വാക്​സിൻ ഹിമാചൽ പ്രദേശിലെ കസോളിയിലുള്ള സെൻട്രൽ ഡ്രഗ്​ ലബോറട്ടറിയിലെ പരിശോധനകളും വിജയിച്ചിരുന്നു. ഈ പരീക്ഷണ വിജയങ്ങളും ഇപ്പോൾ ലഭിച്ച ഡി.സി.ജി.ഐ ലൈസൻസും കമ്പനിക്ക്​ ലഭിച്ച മികച്ച അംഗീകാരമാണെന്ന് പനസിയ ബയോടെക്​ മാനേജിങ്​ ഡയറക്​ടർ രാജേഷ്​ ​ജെയ്ൻ വ്യക്തമാക്കി .

വർഷം തോറും 100 മില്യൺ ഡോസുകൾ ഉൽപാദിപ്പിക്കാനാണ്​ ആർ.ഡി.ഐ.എഫുമായി ധാരണയായിരിക്കുന്നതെന്ന്​ പനസിയ വൃത്തങ്ങൾ അറിയിച്ചു. ​സ്​പുട്​നിക്​ വാക്​സിൻറെ വിതരണത്തിന്​ ആർ.ഡി.ഐ.എഫുമായി ധാരണയുണ്ടാക്കിയിരിക്കുന്ന ഡോ.​ റെഡ്​ഡീസ്​ ലബോറട്ടറി വഴിയായിരിക്കും പനസിയ ഉൽപാദിപ്പിക്കുന്ന വാക്​സിനും വിതരണം ചെയ്യുക. 250 മില്യൺ ഡോസുകൾ വിതരണം ചെയ്യുന്നതിനാണ്​ ഡോ. റെഡ്​ഡീസ്​ ലബോറട്ടറിയും ആർ.ഡി.ഐ.എഫും തമ്മിൽ ധാരണയായിരിക്കുന്നത്​.

ഏപ്രിൽ 12 നാണ് സ്പുട്നിക് വി ക്ക് ഇന്ത്യ അടിയന്തര ഉപയോഗ അനുമതി നൽകിയത്. മേയ്​ 14 മുതൽ ഈ വാക്സിൻ രാജ്യത്ത് വിതരണം ചെയ്തു വരുന്നുണ്ട് . മുംബൈ, കൊൽക്കത്ത, വിശാഖപട്ടണം, ബംഗളൂരു, ഡെൽഹി, ബഡ്​ഡി, ചെന്നൈ തുടങ്ങിയ സ്​ഥലങ്ങളിൽ സ്​പുട്​നിക്​ വാക്​സിൻ നൽകുന്നുണ്ട്​. 67 രാജ്യങ്ങളാണ്​ സ്​പുട്​നിക്​ വാക്​സിൻ ഉപയോഗത്തിന്​ അനുമതി നൽകിയിരിക്കുന്നത്.

Related News

പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024