കൊറോണ രണ്ടാം തരംഗം നിയന്ത്രണ വിധേയമാക്കാനാവാതെ കേരളവും മഹാരാഷ്ട്രയും

  • 06/07/2021

ന്യൂഡെൽഹി: കൊറോണ ​രണ്ടാം തരംഗം അതിജീവിക്കുന്ന വിഷയത്തിൽ രാജ്യത്ത്​ കേരളം ഏറ്റവും മന്ദഗതിയിലെന്ന്​​ റി​പ്പോർട്ട്​. എസ്‌.ബി.‌ഐ റിസർച്ച്‌ പ്രസിദ്ധീകരിച്ച ‘കോവിഡ് -19: റേസ് ടു ഫിനിഷിംഗ് ലൈൻ’ എന്ന റിപ്പോർട്ടിലാണ്​ ഇക്കാര്യങ്ങൾ വിശദമാക്കുന്നത്​. കേരളത്തെ പോലെ മഹാരാഷ്​ട്രയും രണ്ടാം തരംഗത്തെ മറി കടക്കുന്നതിൽ ഇഴഞ്ഞു നീങ്ങുകയാണ്.

കഴിഞ്ഞ ആഴ്ചയിൽ പുതുതായി സ്ഥിരീകരിക്കപ്പെട്ട കൊറോണ​ കേസുകളുടെ എണ്ണത്തിൽ രാജ്യത്ത്​ 11 ശതമാനത്തിൻറെ കുറവ്​ രേഖപ്പെടുത്തിയപ്പോൾ കേരളത്തിൽ അത്​ ഏഴ്​ ശതമാനം വർധിച്ചെന്നും പ്രമുഖ ദേശീയ മാധ്യമം റിപ്പോർട്ട് ചെയ്യുന്നു. മഹാരാഷ്​ട്രയിൽ നാല്​ ശതമാനമാണ്​ കുറവ്​ രേഖപ്പെടുത്തിയത്​. മാത്രമല്ല, പുതിയ കേസുകളിൽ 48 ശതമാനവും കേരളത്തിലും മഹാരാഷ്ട്രയിലുമായാണ്​ റിപ്പോർട്ട്​ ചെയ്യപ്പെട്ടത്​. ഇരു സംസ്ഥാനങ്ങളിലുമായി പുതുതായി ഒന്നര ലക്ഷം പേർക്കാണ്​ രോഗം ബാധിച്ചത്​.

അതേസമയം, കൊറോണ രണ്ടാം തരംഗം ഇനിയും അവസാനിച്ചിട്ടില്ലെങ്കിലും രാജ്യം ഏറെ ഭയപ്പെടുന്ന കൊറോണ മൂന്നാം തരംഗം ആഗസ്റ്റ് പകുതിയോടെ ഇന്ത്യയെ ബാധിക്കുമെന്നും സെപ്റ്റംബറിൽ കേസുകൾ ഉയർന്നേക്കാമെന്നും റിപ്പോർട്ടിൽ ചൂണ്ടിക്കാട്ടുന്നു .

മൂന്നാം തരംഗത്തിലെ ഉയർന്ന കേസുകളുടെ ശരാശരി രണ്ടാം തരംഗത്തിലേതിനേക്കാൾ 1.7 ഇരട്ടിയാകുമെന്നും റിപ്പോർട്ട്​ ചൂണ്ടിക്കാട്ടുന്നു. വാക്​സിനേഷൻ മാത്രമാണ് ഏക രക്ഷയെന്നാണ് എസ്​.ബി.ഐ ഗ്രൂപ്പ്​ മുഖ്യ സാമ്പത്തിക ഉപദേഷ്​ടാവ്​ സൗമ്യ കാന്തി ഘോഷ്​​​ ​റിപ്പോർട്ടിൽ​ പറയുന്നു. മെയ്​ രണ്ടാം വാരത്തിൽ രാജ്യത്തെ കൊറോണ​ രണ്ടാം തരംഗത്തിൻറെ കേസുകൾ ഉയർന്നേക്കാമെന്ന്​ എസ്​.ബി.ഐ റിസർച്ച്‌ കൃത്യമായി​ പ്രവചിച്ചിരുന്നു. ഇന്ത്യയിൽ ജനസംഖ്യയുടെ 4.6 ശതമാനം പേർക്ക് മാത്രമേ വാക്സിനേറ്റ് ചെയ്തിട്ടുള്ളു .

20.8 ശതമാനം പേർക്ക് ആദ്യ ഡോസ് ലഭിച്ചു. യു.കെ (48.7 ശതമാനം), യു.എസ് (47.1 ശതമാനം), ഇസ്രായേൽ (59.8 ശതമാനം), സ്‌പെയിൻ (38.5 ശതമാനം), ഫ്രാൻസ് (31.2 ശതമാനം) എന്നിങ്ങനെയാണ്​ മറ്റ്​ രാജ്യങ്ങളിലെ വാക്​സിനേഷൻ സംബന്ധിച്ച കണക്ക്​. രാജ്യത്തെ12 സംസ്ഥാനങ്ങളിൽ നിന്നായി ഡെൽറ്റ പ്ലസ് വകഭേദത്തിൻറെ 51 കേസുകളും റിപ്പോർട്ട് ചെയ്തിട്ടുണ്ട്.

Related News

പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024