കൊവിഷീല്‍ഡ് മൂന്നാമത് ഡോസ് എടുക്കുന്നത് നല്ലതാണെന്ന അഭിപ്രായം പങ്കിട്ട് 'സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ'

  • 14/08/2021




ന്യൂ ഡെൽഹി: കൊറോണ മഹാമാരിയെ പ്രതിരോധിക്കുന്നതിന് ഇന്ത്യയിൽ ഉപയോഗിക്കുന്ന രണ്ട് വാക്‌സിനുകളാണ് കൊവിഷീൽഡ്, കൊവാസ്‌നും. ഇവ രണ്ടും രണ്ട് ഡോസ് വീതമാണ് നിലവില്‍ എടുക്കേണ്ടത്. എന്നാല്‍ കൊറോണ ശക്തമായി തുടരുന്ന സാഹചര്യത്തില്‍ പല രാജ്യങ്ങളും രണ്ട് ഡോസ് വാക്‌സിന് ഷേശം മൂന്നാമതൊരു ഡോസ് വാക്‌സിന്‍ കൂടി 'ബൂസ്റ്റര്‍' ഷോട്ടായി പ്രയോഗിക്കുന്നുണ്ട്. 

ഇത്തരത്തില്‍ കൊവിഷീല്‍ഡ് വാക്‌സിനും മൂന്നാമത് ഡോസ് എടുക്കുന്നത് നല്ലതാണെന്ന അഭിപ്രായം പങ്കിടുകയാണ് കൊവിഷീല്‍ഡിന്റെ നിര്‍മ്മാതാക്കളായ 'സിറം ഇന്‍സ്റ്റിറ്റ്യൂട്ട് ഓഫ് ഇന്ത്യ'. ഇന്‍സ്റ്റിറ്റ്യൂട്ടിലെ എണ്ണായിരത്തോളം വരുന്ന ജീവനക്കാര്‍ക്കും മൂന്നാം ഡോസ് കൊവിഷീല്‍ഡ് നല്‍കിയെന്നും താനും മൂന്നാമത് ഡോസ് സ്വീകരിക്കാന്‍ തന്നെയാണ് തീരുമാനിച്ചതെന്നും ചെയ്തതെന്നും ഇന്‍സ്റ്റിറ്റ്യൂട്ട് ചെയര്‍മാന്‍ സൈറസ് പൂനംവാല പറഞ്ഞു. 

അതേസമയം രണ്ട് തരം വാക്‌സിനുകള്‍ കൂടിക്കലര്‍ത്തി (മിക്‌സ്) പ്രയോഗിക്കുന്നതിനോട് തനിക്ക് യോജിപ്പില്ലെന്നും അദ്ദേഹം അറിയിച്ചു. 

'വാക്‌സിനെടുത്ത് ആറ് മാസം കഴിയുമ്പോള്‍ നമ്മളിലെത്തിയ ആന്റിബോഡികള്‍ കുറഞ്ഞുവരും. അതിനാലാണ് മൂന്നാമത് ഡോസ് എടുക്കുന്നതിനെ കുറിച്ച് ആലോചിക്കണമെന്ന് പറയുന്നത്. എല്ലാവര്‍ക്കും ഇതേ നിര്‍ദേശമാണ് നല്‍കാനുള്ളത്. പക്ഷേ വ്യത്യസ്തമായ രണ്ട് വാക്‌സിനുകള്‍ കൂട്ടിച്ചേര്‍ത്ത് ഉപയോഗിക്കുന്നതിനോട് എനിക്ക് യോജിപ്പില്ല...'- സൈറസ് പൂനംവാല പറഞ്ഞു.

കൊവിഷീല്‍ഡും കൊവാക്‌സിനും കൂട്ടിച്ചേര്‍ത്ത് ഉപയോഗിക്കുന്നത് പ്രതിരോധശക്തി വര്‍ധിപ്പിക്കുമെന്ന് ഐസിഎംആര്‍ പഠനം പുറത്തുവന്നിരുന്നു. ഇതിനോടുള്ള പ്രതികരണമാണ് സൈറസ് പൂനംവാല അറിയിച്ചത്. 

കൊവിഷീല്‍ഡ് വാക്‌സിന്റെ കയറ്റുമതി നിര്‍ത്തലാക്കിയ കേന്ദ്രസര്‍ക്കാരിന്റെ നടപടിയെയും അദ്ദേഹം വിമര്‍ശിച്ചു. ഒപ്പം തന്നെ സെപ്തംബറോടെ 45 കോടി ഡോസ് വാക്‌സിന്‍ ലഭ്യമാകുമെന്ന് കേന്ദ്രസര്‍ക്കാര്‍ അറിയിച്ചതിനുള്ള മറുപടിയും സൈറസ് പൂനംവാല അറിയിച്ചു. 

'മാസത്തില്‍ പത്ത് കോടി ഡോസ് വാക്‌സിനാണ് ഞങ്ങള്‍ നിര്‍മ്മിക്കുന്നത്. ഇതുതന്നെ തയ്യാറാക്കുക അത്ര എളുപ്പമല്ല. ലോകത്തിലെ ഒരു കമ്പനിയും മാസത്തില്‍ പത്ത് മുതല്‍ പന്ത്രണ്ട് കോടി ഡോസിലധികം വാക്‌സിന്‍ നിര്‍മ്മിക്കുന്നില്ല. വര്‍ഷത്തില്‍ 110 മുതല്‍ 120 കോടി ഡോസ് വരെയാണ് ഞങ്ങള്‍ക്ക് പരമാവധി നിര്‍മ്മിക്കാനാവുക. മറ്റ് കമ്പനികളും ഇതിനൊപ്പം വാക്‌സിന്‍ നിര്‍മ്മിക്കുമല്ലോ. എല്ലാം ഒരുമിച്ച് പ്രയോഗത്തില്‍ വരുമ്പോള്‍ വാക്‌സിനേഷന്‍ പ്രക്രിയ മുന്നോട്ടുപോകും...'- സൈറസ് പൂനംവാല പറഞ്ഞു. 

അതേസമയം വാക്‌സിന് എളുപ്പത്തില്‍ അനുമതി നല്‍കാനും, കമ്പനിയുടെ പ്രവര്‍ത്തനങ്ങളുമായി സഹകരിക്കാനും കേന്ദ്രസര്‍ക്കാര്‍ കാണിച്ച സന്മനസിനെ പ്രകീര്‍ത്തിക്കാതിരിക്കാന്‍ സാധിക്കില്ലെന്നും അദ്ദേഹം കൂട്ടിച്ചേര്‍ത്തു.

Related News

പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024
മഹായുതി കൊടുങ്കാറ്റില്‍ അടിതെറ്റി അഘാഡി; മഹാരാഷ്ട്ര നിയമസഭയി ...
  • 23/11/2024
അഞ്ച് ദിവസത്തെ വിദേശ സന്ദര്‍ശനത്തിനിടെ പ്രധാനമന്ത്രി നരേന്ദ് ...
  • 22/11/2024
ദേശീയ ഷൂട്ടിംഗ് താരം അടക്കം ദില്ലിയെ വിറപ്പിച്ച ഗോഗി സംഘത്തി ...
  • 21/11/2024
ഗ്യാസ് കട്ടര്‍ ഉപയോഗിച്ച്‌ ബാങ്കിനുള്ളില്‍ കടന്നു, എസ്ബിഐയില ...
  • 21/11/2024
ഡിജിറ്റല്‍ അറസ്റ്റ് തട്ടിപ്പ്: 17,000 വാട്‌സ്‌ആപ്പ് അക്കൗണ്ട ...
  • 21/11/2024