പ്രായംകുറഞ്ഞ കൊമേഴ്സ്യൽ പൈലറ്റ്; കർഷകപുത്രി ആകാശോന്നതിയിലേക്ക്

  • 09/09/2021


സൂറത്ത്: ‘‘സ്വപ്നങ്ങൾ നിങ്ങളുടെ ചിറകുകളാകട്ടെ, ഹൃദയം വഴികാട്ടിയും’’ -ആ വാക്കുകൾ ജീവിതസൂക്തമാക്കുകയാണ് മൈത്രി പട്ടേൽ എന്ന പത്തൊൻപതുകാരി. രാജ്യത്തെ ഏറ്റവുംപ്രായംകുറഞ്ഞ കൊമേഴ്സ്യൽ പൈലറ്റ് എന്ന ഖ്യാതി. സൂറത്തിന്റെ അഭിമാനമായ കർഷകപുത്രി.

“നാടിന്റെ പ്രചോദനവും ആവേശവും, ഇവൾ” -ബുധനാഴ്ച മൈത്രിയെ കണ്ട ഗുജറാത്ത് മുഖ്യമന്ത്രി വിജയ് രൂപാണി വിശേഷിപ്പിച്ചത് ഇങ്ങനെ. മൈത്രിയുടെ കുതിപ്പ് ആകാശോന്നതിയിലേക്ക് ഉയരട്ടെയെന്നും അദ്ദേഹം ആശംസിച്ചു.

അമേരിക്കയിലായിരുന്നു കൊമേഴ്സ്യൽ പൈലറ്റ് പരിശീലനം. 18 മാസം ദൈർഘ്യമുള്ള കോഴ്സ് 12 മാസംകൊണ്ട് പൂർത്തിയാക്കി മൈത്രി മിടുക്കുതെളിയിച്ചു. സൂറത്തിലെ കാന്തി പട്ടേൽ എന്ന കർഷകന്റെ മകൾ, ചെറുപ്പംതൊട്ടേ പൈലറ്റാവുകയെന്ന സ്വപ്നം മനസ്സിൽ താലോലിച്ചിരുന്നു. സൂറത്തിൽനിന്ന് യാത്രക്കാരെ മുംബൈ വിമാനത്താവളത്തിൽ എത്തിക്കുന്ന ജോലിയും നോക്കിയിരുന്ന കാന്തി പട്ടേൽ, എയർപോർട്ടിലെത്തിയാൽ വിമാനങ്ങൾ ഇറങ്ങുന്നതും പറന്നുയരുന്നതും നോക്കിനിൽക്കുമായിരുന്നു. മകളുടെ സ്വപ്നം സാക്ഷാത്കരിച്ചുകൊടുക്കാൻ അവിടെവെച്ചാണ് ഉറച്ചതീരുമാനമെടുത്തതെന്ന് അദ്ദേഹം പറയുന്നു. സൂറത്ത് നഗരസഭയിലെ ആരോഗ്യവിഭാഗത്തിൽ ആയയായ അമ്മ രേഖയും മൈത്രിക്കൊപ്പം നിന്നു. അങ്ങനെയാണ് മകളെ ഇംഗ്ളീഷ് മീഡിയം സ്കൂളിൽ പഠിപ്പിച്ചത്. അവൾ നന്നായി പഠിക്കുകയും ചെയ്തു -കാന്തി പട്ടേൽ പറയുന്നു.

പൈലറ്റ് പരിശീലനത്തിന്റെ ഭാരിച്ച സാമ്പത്തികബാധ്യത തന്നെയായിരുന്നു പ്രധാന വെല്ലുവിളി. പൈതൃകമായി ലഭിച്ച ഭൂസ്വത്ത് വിറ്റാണ് അതിനുള്ള പണം കണ്ടെത്തിയത്. ഇന്ത്യയിൽ ബോയിങ് വിമാനം പറത്തുകയാണ് അടുത്ത ലക്ഷ്യമെന്ന് മൈത്രി പറയുന്നു. അതിനുള്ള പരിശീലനം വൈകാതെ തുടങ്ങും. ലൈസൻസ് കിട്ടിക്കഴിഞ്ഞാൽ നമ്മുടെ ആകാശത്ത് മൈത്രി അമരത്തുള്ള വിമാനങ്ങൾ ചിറകുവിരിക്കും. 

Related News

വൃത്തിഹീനമായ ശുചിമുറി; യാത്രക്കാരന് ഇന്ത്യന്‍ റെയില്‍വേ 30,0 ...
  • 01/11/2024
ലഡാക്കില്‍ ഇന്ത്യ- ചൈന സൈനിക പിൻമാറ്റം പൂര്‍ണം; ദീപാവലി മധുര ...
  • 31/10/2024
അമാനുഷിക ശക്തിയുണ്ടെന്ന് എഞ്ചിനീയറിംഗ് വിദ്യാര്‍ത്ഥി, കോളേജ് ...
  • 29/10/2024
സല്‍മാനെയും സീഷനെയും കൊല്ലുമെന്ന് ഭീഷണി; 20കാരന്‍ അറസ്റ്റില് ...
  • 29/10/2024
'14 വര്‍ഷത്തെ വനവാസമല്ല, അഞ്ഞൂറ് വര്‍ഷത്തിന് ശേഷം രാമന്‍ വീട ...
  • 29/10/2024
മകന്‍ മരിച്ചത് അറിഞ്ഞില്ല; മാതാപിതാക്കള്‍ മൃതദേഹത്തിനൊപ്പം ക ...
  • 29/10/2024
സംവിധായകൻ രഞ്ജിത്തിനെതിരെ ബെംഗളൂരു പൊലീസ് കേസെടുത്തു; 2 ദിവസ ...
  • 28/10/2024
തിരുപ്പതി ക്ഷേത്രത്തിന് സമീപമുള്ള രണ്ട് ഹോട്ടലുകള്‍ക്ക് കൂടി ...
  • 27/10/2024
'എന്റെ സ്ഥാനാര്‍ത്ഥിത്വം പുനഃപരിശോധിക്കണം': ഹൈക്കമാന്റിനോട് ...
  • 27/10/2024
ഞാന്‍ രാഷ്ട്രീയത്തില്‍ കുട്ടിയായിരിക്കും പക്ഷേ പേടിയില്ല; ബി ...
  • 27/10/2024
ഹരിയാനയിലെ ആള്‍ക്കൂട്ടക്കൊല: യുവാവ് കഴിച്ചത് ബീഫല്ലെന്ന് ലാബ ...
  • 26/10/2024
'500ലധികം ബലാത്സംഗം, ലഹരിയുടെ കേന്ദ്രം'; വയനാടിനെ അധിക്ഷേപിച ...
  • 26/10/2024