രാജ്യം പൂര്‍ണ്ണ വാക്സിനേഷനിലേക്ക്; കോവിഡ് പ്രതിരോധ കുത്തിവെപ്പ് നിര്‍ണ്ണായക ഘട്ടത്തിലെന്ന് ആരോഗ്യ മന്ത്രി ഡോ. ബേസിൽ അൽ സബാഹ്

  • 10/09/2021

കുവൈത്ത് സിറ്റി: രാജ്യത്തെ പ്രതിരോധ കുത്തിവെപ്പ് നിര്‍ണ്ണായക ഘട്ടത്തിലാണെന്നും ഉടൻ തന്നെ 100 ശതമാനത്തിലെത്തുമെന്നും ആരോഗ്യ മന്ത്രി ഡോ. ബേസിൽ അൽ സബാഹ് പറഞ്ഞു. കഴിഞ്ഞ ദിവസം ആഭ്യന്തര മന്ത്രി ശൈഖ് തമർ അൽ അലിയോടൊപ്പം  ഖൈറാനില്‍ ആരംഭിച്ച വാക്സിനേഷന്‍ സെന്‍റര്‍ സന്ദര്‍ശിക്കുകയായിരുന്നു അദ്ദേഹം. നിലവിലെ കണക്കുകള്‍ പ്രകാരം ജനസംഖ്യയുടെ 70 ശതമാനത്തില്‍ കൂടുതല്‍  ആളുകൾ കോവിഡ് വാക്സീൻ സ്വീകരിച്ചിട്ടുണ്ട്. 

രാജ്യത്തെ നിലവിലെ രോഗ പ്രതിരോധ സംവിധാനം മികച്ചതാണെന്നും സാമൂഹിക പ്രതിരോധശേഷി കൈവരിക്കുന്നതിൽ രാജ്യം ശരിയായ ദിശയിലാണെന്നും മന്ത്രി പറഞ്ഞു. അഞ്ച് വയസ്സിന് മുകളിലുള്ള കുട്ടികൾക്ക് വാക്സിനേഷൻ നൽകുന്ന വിഷയത്തിൽ തീരുമാനം എടുത്തിട്ടില്ലെന്നും ഇത് സംബന്ധമായ കാര്യങ്ങള്‍ പഠിച്ചു വരികയാണെന്നും  ബേസിൽ അൽ സബാഹ് വ്യക്തമാക്കി. രാജ്യത്തെ ജനങ്ങള്‍ വാക്സിനേഷന്‍ ക്യാമ്പയിനുമായി പൂര്‍ണ്ണമായി സഹകരിച്ചതായും ആരോഗ്യ പ്രവര്‍ത്തകരുടെ കൃത്യമായ ആസൂത്രണത്തിലൂടെയാണ് ചുരുങ്ങിയ സമയത്തിനുള്ളില്‍ തന്നെ നമുക്ക് ഈ നേട്ടം കൈവരിക്കുവാന്‍ സാധിച്ചതെന്നും  മന്ത്രി പറഞ്ഞു. 

മേഖലയില്‍ ഏറ്റവും മികച്ച രോഗമുക്തി നിരക്ക് കുവൈത്ത് രേഖപ്പെടുത്തുന്നത്. പ്രതിദിന രോഗബാധയും ഏറ്റവും കുറഞ്ഞ നിലയിലാണുള്ളത്. ടെസ്റ്റ്‌ പോസിറ്റി വിറ്റി നിരക്കിലും ഗണ്യമായ കുറവ് അനുഭവപ്പെട്ടത് ആരോഗ്യ പ്രവര്‍ത്തകര്‍ക്ക് ആത്മവിശ്വാസം വര്‍ദ്ധിപ്പിച്ചിട്ടുണ്ട്. വാക്സിനേഷൻ നടപടികൾ ത്വരിതപെടുത്തിയതിനെ തുടർന്നാണ് രാജ്യത്തെ ആരോഗ്യ സ്ഥിതിയിൽ അതീവമുന്നേറ്റം നടത്താൻ സാധിച്ചത്. രണ്ട് മാസത്തിനുള്ളിൽ കുട്ടികളെ സ്കൂളുകളിലേക്ക് തിരികെ കൊണ്ടുവരികയും ക്രമേണ സാധാരണ ജീവിതത്തിലേക്ക് മടങ്ങുകയും ചെയ്യുകയെന്ന നിര്‍ണ്ണായക ഘട്ടത്തിലാണ് രാജ്യമെന്നും ആരോഗ്യ സുരക്ഷാ മാര്‍ഗ്ഗ നിര്‍ദ്ദേശങ്ങളില്‍ അലസത കാണിക്കരുതെന്നും ആരോഗ്യം മന്ത്രി വ്യക്തമാക്കി. 

Related News

Medx zain മെഡിക്കൽ കെയറിൽ പുതിയ ലാബ് പ്രവർത്തനം ആരംഭിച്ച് Me ...
  • 31/01/2025
അഞ്ച് ദിവസത്തിനിടെ കുവൈത്ത് നാടുകടത്തിയത് 505 പേരെ
  • 31/01/2025
60 വയസ്സിനു മുകളിലുള്ള പ്രവാസികൾക്ക് ആശ്രിത വിസയിൽ നിന്ന് സ് ...
  • 31/01/2025
ജലീബ് ശുവൈഖിലെ മലിനീകരണ പ്രശ്നങ്ങളടക്കം പരിഹരിക്കാൻ സുപ്രധാന ...
  • 31/01/2025
അമീറിനെയും മറ്റ് ഗൾഫ് നേതാക്കളെയും അപമാനിച്ച കേസ്; പ്രതികളുട ...
  • 30/01/2025
ആഡംബര വാഹനങ്ങൾ മോഷ്ട്ടിച്ച് രൂപ മാറ്റം വരുത്തി വിൽക്കുന്ന ഏഷ ...
  • 30/01/2025
വ്യജ ഫിംഗർപ്രിൻ്റ് ഉപയോഗിച്ച് ഹാജർ; നാല് സർക്കാർ ജീവനക്കാർ അ ...
  • 30/01/2025
സിവിൽ ഐഡി അറിയിപ്പുകൾ ഇനി സഹേൽ വഴി
  • 30/01/2025
ബിറ്റ്കോയിൻ തട്ടിപ്പ്; കുവൈത്തിലെ വ്യാപാരികൾക്ക് 40 മില്യൺ ദ ...
  • 30/01/2025
കുഞ്ഞിനെ വാഷിംഗ് മെഷീനിലിട്ട് ക്രൂരമായി കൊന്ന ​ഗാർഹിക തൊഴിലാ ...
  • 30/01/2025
കുവൈത്തിൽ ബാങ്ക് അക്കൗണ്ട് തുറക്കുന്നതിന് മിനിമം ശമ്പളം; വ്യ ...
  • 30/01/2025
കുവൈറ്റ് ദേശീയ അവധി ആഘോഷങ്ങളിൽ അന്താരാഷ്ട്ര താരങ്ങൾ ഉൾപ്പെടെ ...
  • 29/01/2025