യുഎന്‍ വേദികള്‍ പാകിസ്താന്‍ ദുരുപയോഗിക്കുന്നു, അധിനിവേശ കശ്മീരില്‍‌നിന്ന് പിന്മാറണം: ഇന്ത്യ

  • 17/11/2021

ന്യൂയോർക്ക്: ഐക്യരാഷ്ട്ര സംഘടനാ രക്ഷാസമിതിയിൽ പാകിസ്താനെ അതിരൂക്ഷമായി വിമർശിച്ച് ഇന്ത്യ. ഇന്ത്യയ്ക്കെതിരെ അധഃപതിച്ചതും വിദ്വേഷം നിറഞ്ഞതുമായ പ്രചാരവേലയ്ക്കായി ഐക്യരാഷ്ട്ര സഭയുടെ വേദികൾ പാകിസ്താൻ ഉപയോഗപ്പെടുത്തുകയാണെന്ന് ഇന്ത്യൻ പ്രതിനിധി ഡോ. കാജൽ ഭട്ട് പറഞ്ഞു.

ഐക്യരാഷ്ട്ര സഭയിലേക്കുള്ള ഇന്ത്യയുടെ സ്ഥിരം മിഷനിലെ കൗൺസിലറാണ് ഡോ. കാജൽ. കശ്മീർ വിഷയം ഉന്നയിക്കുന്നതിൽ പാകിസ്താനെ വിമർശിച്ച കാജൽ, പാക് അധിനിവേശ കശ്മീരിൽനിന്ന് പാകിസ്താൻ പിന്മാറണമെന്നും ആവശ്യപ്പെട്ടു.

മുൻപും ഇപ്പോഴും ഇന്ത്യയുടെ അവിഭാജ്യവും അന്യാധീനപ്പെടുത്താൻ സാധ്യമല്ലാത്തതുമായ ഭാഗങ്ങളാണ് കേന്ദ്ര ഭരണ പ്രദേശമായ ജമ്മു കശ്മീരും ലഡാക്കും. പാകിസ്താൻ അനധികൃതമായി കൈവശം വെച്ചിരിക്കുന്ന പ്രദേശങ്ങൾ കൂടി ഉൾപ്പെട്ടതാണിത്. അനധികൃതമായി കൈവശം വെച്ചിരിക്കുന്ന പ്രദേശങ്ങളിൽനിന്ന് അടിയന്തരമായി ഒഴിയണമെന്ന് പാകിസ്താനോട് ഇന്ത്യ ആവശ്യപ്പെടുകയാണ്, ഡോ. കാജൽ പറഞ്ഞു.

ഇന്ത്യക്കെതിരെ തെറ്റായ പ്രചരണം നടത്താൻ ഇതാദ്യമായല്ല പാകിസ്താൻ പ്രതിനിധി ഐക്യരാഷ്ട്ര സഭയുടെ വേദികൾ ഉപയോഗിക്കുന്നതെന്നും ഡോ. കാജൽ ചൂണ്ടിക്കാട്ടി. പാകിസ്താന്റെ ദുരവസ്ഥയിൽനിന്ന് ലോകശ്രദ്ധ തിരിക്കാനുള്ള നിഷ്ഫല ശ്രമമാണ് ഇസ്ലാമാബാദ് പ്രതിനിധി നടത്തുന്നതെന്നും അവർ പറഞ്ഞു. ഭീകരർക്ക് അഭയവും പിന്തുണയും സഹായവും നൽകുന്നതിലുള്ള പാകിസ്താന്റെ ചരിത്രം യു.എൻ. അംഗരാജ്യങ്ങൾക്ക് അറിവുള്ളതാണെന്നും ഡോ. കാജൽ കൂട്ടിച്ചേർത്തു.

Related News

പശുവിനെ ട്രാക്ടറില്‍ കെട്ടിവലിച്ചു; വീഡിയോ വൈറല്‍; നാലുപേര്‍ ...
  • 02/11/2024
അനന്തനാഗില്‍ മണിക്കൂറുകള്‍ നീണ്ട ഏറ്റുമുട്ടല്‍; സുരക്ഷാസേന ര ...
  • 02/11/2024
അസംബന്ധവും അടിസ്ഥാനരഹിതവും; അമിത് ഷായ്‌ക്കെതിരായ ആരോപണത്തില് ...
  • 02/11/2024
ഏഴ് ദിവസം മാത്രം പ്രായമുള്ള കുഞ്ഞിനെ പാലത്തില്‍ നിന്ന് വലിച് ...
  • 01/11/2024
വൃത്തിഹീനമായ ശുചിമുറി; യാത്രക്കാരന് ഇന്ത്യന്‍ റെയില്‍വേ 30,0 ...
  • 01/11/2024
ലഡാക്കില്‍ ഇന്ത്യ- ചൈന സൈനിക പിൻമാറ്റം പൂര്‍ണം; ദീപാവലി മധുര ...
  • 31/10/2024
അമാനുഷിക ശക്തിയുണ്ടെന്ന് എഞ്ചിനീയറിംഗ് വിദ്യാര്‍ത്ഥി, കോളേജ് ...
  • 29/10/2024
സല്‍മാനെയും സീഷനെയും കൊല്ലുമെന്ന് ഭീഷണി; 20കാരന്‍ അറസ്റ്റില് ...
  • 29/10/2024
'14 വര്‍ഷത്തെ വനവാസമല്ല, അഞ്ഞൂറ് വര്‍ഷത്തിന് ശേഷം രാമന്‍ വീട ...
  • 29/10/2024
മകന്‍ മരിച്ചത് അറിഞ്ഞില്ല; മാതാപിതാക്കള്‍ മൃതദേഹത്തിനൊപ്പം ക ...
  • 29/10/2024
സംവിധായകൻ രഞ്ജിത്തിനെതിരെ ബെംഗളൂരു പൊലീസ് കേസെടുത്തു; 2 ദിവസ ...
  • 28/10/2024
തിരുപ്പതി ക്ഷേത്രത്തിന് സമീപമുള്ള രണ്ട് ഹോട്ടലുകള്‍ക്ക് കൂടി ...
  • 27/10/2024