ഒരുമിച്ച് താമസിച്ച ശേഷം മറ്റൊരു വിവാഹം ചെയ്ത മലയാളി യുവാവിന്റെ മുഖത്ത് യുവതി ആസിഡ് ഒഴിച്ചു

  • 06/12/2021

കോയമ്പത്തൂര്‍: ഒരുമിച്ച് താമസിച്ച ശേഷം മറ്റൊരു യുവതിയെ വിവാഹം ചെയ്ത മലയാളി യുവാവിന് നേര്‍ക്ക് ആസിഡ് ഒഴിച്ച ശേഷം യുവതി ആത്മഹത്യയ്ക്ക്  ശ്രമിച്ചു. തിരുവനന്തപുരം സ്വദേശിയായ 30കാരന് നേര്‍ക്കാണ് 27കാരി ആസിഡ് ആക്രമണം നടത്തിയത്. തമിഴ്നാട്ടിലെ കോയമ്പത്തൂരിലെ പീലമേട്ടില്‍ വച്ചായിരുന്നു ആക്രമണം. കൊടിപുരത്തെ ആർ രാഗേഷിനെ കത്തിയും ആസിഡും ഉപയോഗിച്ച് ആക്രമിച്ച ശേഷം കാഞ്ചീപുരം മീനംപാക്കം തിരുവള്ളുവർ നഗറിലെ പി ജയന്തി ആത്മഹത്യയ്ക്ക് ശ്രമിക്കുകയായിരുന്നു.

ഭര്‍ത്താവില്‍ നിന്ന്  വിവാഹമോചനം നേടി ദുബായിലെ സ്ഥാപനത്തില്‍ ജോലി ചെയ്തിരുന്ന യുവതിയുടെ സഹപ്രവര്‍ത്തകനായിരുന്നു രാഗേഷ്. ഇവര്‍ ഒരുമിച്ചായിരുന്നു ദുബായിയില്‍ താമസിച്ചിരുന്നത്. ജൂലൈയില്‍ രാഗേഷ്, സഹോദരിയുടെ വിവാഹത്തിനായി തിരികെ നാട്ടിലെത്തി. മൂന്നുമാസത്തിന് മുന്‍പ്  ഇയാള്‍ വിവാഹിതനാകുകയും ചെയ്തു. എന്നാല്‍ ഈ കാര്യം രാഗേഷ് ജയന്തിയെ അറിയിച്ചിരുന്നില്ല. ഇതിനിടെ ജയന്തി അവധിക്ക് ചെന്നൈയിലെത്തി. രാഗേഷ് ആവശ്യപ്പെട്ടതനുസരിച്ച് കഴിഞ്ഞ ദിവസം ജയന്തി കോയമ്പത്തൂര്‍ പീലമേട്ടിലെ അപാര്‍ട്ട്മെന്‍റിലെത്തുകയായിരുന്നു. 

അപാര്‍ട്ട്മെന്‍റിലെത്തിയ ജയന്തി തന്നെ വിവാഹം ചെയ്യണമെന്ന് രാഗേഷിനോട് ആവശ്യപ്പെട്ടു. ഇതോടെ രണ്ടുപേരും തമ്മില്‍ തര്‍ക്കമായി. നാട്ടില്‍ വച്ച് വിവാഹം കഴിഞ്ഞ വിവരവും ജയന്തിയെ വിവാഹം ചെയ്യാനാവില്ലെന്നും രാഗേഷ് വിശദമാക്കി. പ്രകോപിതയായ ജയന്തി രാഗേഷിനെ ആക്രമിക്കുകയായിരുന്നു. രാഗേഷിന്റെ മുഖത്തേക്ക് ആസിഡ് ഒഴിച്ചശേഷം കത്തി ഉപയോഗിച്ച് ആക്രമിച്ചതായി പൊലീസ് പറയുന്നു. പിന്നീട് വിഷം കഴിച്ച് ജയന്തി ആത്മഹത്യയ്ക്ക് ശ്രമിച്ചു. വിവാഹവാഗ്ദാനം നല്‍കി രാഗേഷ് യുവതിയില്‍ നിന്ന് 18 ലക്ഷം രൂപ വാങ്ങിയതായി ജയന്തി പൊലീസിന് മൊഴി നല്‍കിയിട്ടുണ്ട്. ആശുപത്രിയിലുള്ള ഇരുവരുടേയും നില ഗുരുതരമല്ലെന്നും പൊലീസ് വ്യക്തമാക്കി. 

Related News

അമേഠിയില്‍ മത്സരിക്കുമോ എന്ന് ചോദ്യം, ബിജെപിയുടെ ചോദ്യമെന്ന് ...
  • 17/04/2024
സൂര്യ തിലകവുമായി രാം ലല്ല, നിമിഷങ്ങള്‍ മാത്രം നീളുന്ന ചടങ്ങി ...
  • 17/04/2024
തെരഞ്ഞെടുപ്പ് ദിനത്തില്‍ തീര്‍ഥാടനം മാറ്റിവെക്കൂ, വോട്ടെടുപ് ...
  • 17/04/2024
വന്ദേഭാരത് ലാഭത്തിലാണോ?; ആ കണക്കില്ലെന്ന് റെയില്‍വേ
  • 16/04/2024
'ബാലറ്റിന്റെ കാലത്ത് നടന്നതൊക്കെ ഞങ്ങള്‍ക്കറിയാം' ; വിവിപാറ് ...
  • 16/04/2024
പരസ്യമായി മാപ്പുപറയാമെന്ന് ബാബ രാംദേവും ബാലകൃഷ്ണയും; ഒരാഴ്ച ...
  • 16/04/2024
പൊതുപ്രകടന പത്രിക പുറത്തിറക്കാൻ 'ഇന്ത്യ'; തൊഴിലവസരങ്ങളടക്കം ...
  • 16/04/2024
'മോദിയെ തെരഞ്ഞെടുപ്പില്‍നിന്ന് അയോഗ്യനാക്കണം'; ഡല്‍ഹി ഹൈക്കോ ...
  • 15/04/2024
200 കോടിയുടെ സ്വത്ത് ദാനം ചെയ്ത് ഗുജറാത്ത് വ്യവസായിയും ഭാര്യ ...
  • 15/04/2024
'സംസ്ഥാനങ്ങളുടെ അവകാശത്തെ ബഹുമാനിക്കുന്ന പുതിയ പിഎം വരും'; മ ...
  • 15/04/2024
'രാഹുലിനെ ഇന്ത്യയ്ക്ക് വിശ്വാസമില്ല, മോദിയുടെ ഗ്യാരണ്ടിയിലാണ ...
  • 15/04/2024
ഒരേയൊരു ലക്ഷ്യം, വലിയ വിട്ടുവീഴ്ചകള്‍ക്ക് തയാറായി കോണ്‍ഗ്രസ്
  • 14/04/2024