കുവൈത്തില്‍ നിന്നും റോഡ്‌ മാര്‍ഗ്ഗം ഉംറ തീർത്ഥാടനത്തിന് അനുമതി നല്‍കി അധികൃതര്‍

  • 17/01/2022

കുവൈത്ത് സിറ്റി : രാജ്യത്ത് നിന്നും സ്വദേശികളും  വിദേശികളുമായ തീർത്ഥാടകർക്ക് കര മാര്‍ഗ്ഗം ഉംറക്ക് അനുമതി നല്‍കിയതായി ആഭ്യന്തര മന്ത്രാലയം അറിയിച്ചു. ഇതോടെ തീർത്ഥാടകർക്ക് സാൽമി അതിർത്തി വഴി ഉംറ യാത്ര ചെയ്യുവാനും തിരികെ വരാനും  സാധിക്കും. കൊവിഡ് വ്യാപനത്തെ തുടര്‍ന്ന് കഴിഞ്ഞ ഒരു വര്‍ഷത്തിലേറെയായി റോഡ്‌ മാര്‍ഗ്ഗം ഉംറ തീർത്ഥാടനത്തിന് വിലക്ക് ഏര്‍പ്പെടുത്തിയിരിക്കുകയായിരുന്നു. ഉംറ യാത്രക്ക് ആവശ്യമായ ക്രമീകരണങ്ങൾ ഔഖാഫ് മന്ത്രാലയം ചെയ്യും. കടുത്ത നിയന്ത്രണങ്ങള്‍ക്ക് വിധേയമായാണ് ഉംറ യാത്രകര്‍ക്ക് അനുമതി നല്‍കുക. 

ഇത് സംബന്ധമായ സര്‍ക്കുലര്‍ ഉംറ ട്രിപ്പ് ഓഫീസുകള്‍ക്കും ട്രാവൽ ആൻഡ് ടൂറിസം ഓഫീസുകൾക്കും ലഭിച്ചു. ആരോഗ്യ വകുപ്പിന്‍റെ കോവിഡ് ആരോഗ്യ സുരക്ഷാ  നിര്‍ദ്ദേശങ്ങള്‍ പാലിച്ചായിരിക്കും യാത്രകള്‍ സംഘടിപ്പിക്കേണ്ടതെന്നും സീറ്റുകൾ തമ്മിലുള്ള അകലം പാലിക്കണമെന്നും ഉംറ യാത്രക്കാരുടെ എണ്ണം ശേഷിയുടെ 50 ശതമാനത്തിൽ കവിയരുതെന്നും സര്‍ക്കുലറില്‍ വ്യക്തമാക്കി.

ഉംറ യാത്രികര്‍ വാക്സിനുകള്‍ സ്വീകരിച്ചവരായിരിക്കണം.  അതോടപ്പം തീർത്ഥാടകർ ഉംറ വാഹനത്തില്‍ കയറുന്നതിന് മുമ്പായി സീറ്റുകൾ അണുവിമുക്തമാക്കണമെന്നും യാത്രയില്‍ മാസ്കുകള്‍ ധരിക്കണമെന്നും മന്ത്രാലയം നിര്‍ദ്ദേശിച്ചു.യാത്രാനുമതിക്കായി  തീർഥാടകരുടെ വിസയുടെയും മറ്റ് യാത്ര രേഖകളുടെയും പകര്‍പ്പുകള്‍ വാട്ട്സ്ആപ്പ് വഴി ഷെയര്‍ ചെയ്യണമെന്നും സര്‍ക്കുലറില്‍ വ്യക്തമാക്കി. 

Related News

അമിത ശബ്‌ദം പുറപ്പെടുവിക്കുന്ന വാഹന എക്‌സ്‌ഹോസ്റ്ററുകള്‍ പിട ...
  • 26/04/2024
ദുറ എണ്ണപ്പാടത്തിന്‍റെ അവകാശം; കുവൈത്ത് - ജോര്‍ദാൻ സംയുക്ത പ ...
  • 26/04/2024
കുവൈറ്റ് തീരത്ത് മത്സ്യങ്ങൾ ചത്തടിഞ്ഞ സംഭവം; ആശങ്ക വേണ്ട
  • 26/04/2024
കൂടുതല്‍ ഡോക്ടര്‍മാരെ കുവൈത്തിനാവശ്യം; മുന്നറിയിപ്പ് നൽകി വി ...
  • 26/04/2024
മത്സ്യങ്ങൾ ചത്തനിലയിൽ അടിഞ്ഞു; ഷുവൈഖ് തീരത്ത് ആശങ്ക
  • 25/04/2024
കുവൈത്തിൽ മയക്കുമരുന്ന് കേസുകളിൽ 37 പേർ അറസ്റ്റിൽ
  • 25/04/2024
2030 ആകുമ്പോൾ കാൻസർ രോഗബാധ ഇരട്ടിയാകും; കുവൈത്ത് കാൻസർ കൺട്ര ...
  • 25/04/2024
വ്യാജ ഉത്പന്നങ്ങളുടെ വിൽപ്പന; ജഹ്‌റയിലെ ആറ് കടകൾ പൂട്ടിച്ചു
  • 25/04/2024
ക്ഷയരോഗത്തിൻ്റെ വ്യാപനം കണ്ടെത്തിയിട്ടില്ലെന്ന് ആരോ​ഗ്യ വിഭാ ...
  • 25/04/2024
ആരോഗ്യ കേന്ദ്രങ്ങളിൽ ആൻറിബയോട്ടിക്കുകളുടെ ലഭ്യതക്കുറവില്ലെന് ...
  • 25/04/2024
ഹവല്ലിയിലും സാൽമിയയിലും പരിശോധന; നാല് ഭക്ഷ്യ സ്ഥാപനങ്ങൾ പൂട് ...
  • 25/04/2024
ഈജിപ്ഷ്യൻ തൊഴിലാളികൾക്ക് വർക്ക് പെർമിറ്റ് നൽകുന്നത് നിർത്തിവ ...
  • 24/04/2024