യൂട്യൂബ് നോക്കി ലിംഗമാറ്റ ശസ്ത്രക്രിയ; യുവാവിന് ദാരുണാന്ത്യം

  • 28/02/2022

ഹൈദരാബാദ്: ലോഡ്ജില്‍ വെച്ച് യൂട്യൂബ് വീഡിയോ നോക്കി ലിംഗമാറ്റ ശസ്ത്രക്രിയ നടത്തുന്നതിനിടെ  യുവാവ് മരിച്ചു. ആന്ധ്രാപ്രദേശിലെ പ്രകാശം സ്വദേശിയായ ശ്രീനാഥിനെയാണ്(28) ഹൈദരാബാദിലെ നെല്ലൂരില്‍ ലോഡ്ജ് മുറിയില്‍ മരിച്ച നിലയില്‍ കണ്ടെത്തിയത്. അമിത രക്തസ്രാവമാണ് മരണത്തിന് കാരണമായത്. സംഭവവുമായി ബന്ധപ്പെട്ട് രണ്ട് ബി ഫാം  വിദ്യാര്‍ഥികളെ പൊലീസ്  അറസ്റ്റ് ചെയ്തു. ബി.ഫാം വിദ്യാര്‍ഥികളായ മസ്താന്‍, ജീവ എന്നിവരാണ് അറസ്റ്റിലായത്. ഇവരാണ് ശ്രീനാഥിനെ ശസ്ത്രക്രിയക്ക് വിധേയരാക്കിയതെന്ന് പൊലീസ് പറഞ്ഞു.

കഴിഞ്ഞ വ്യാഴാഴ്ചയാണ് ശ്രീനാഥിനെ നെല്ലൂരിലെ ലോഡ്ജ് മുറിയില്‍ മരിച്ച നിലയില്‍ കണ്ടെത്തിയത്. ലോഡ്ജ് ജീവനക്കാരാണ് മൃതദേഹം ആദ്യം കണ്ടത്. വൈകുന്നേരം ആയിട്ടും മുറിയിൽ ആളനക്കം ഇല്ലാതായതോടെ ലോഡ്ജ് ജീവനക്കാർ നടത്തിയ പരിശോധനയിലാണ് ശ്രീനാഥിന്‍റെ മൃതദേഹം കണ്ടെത്തിയത്. തുടർന്ന് അവർ പൊലീസിൽ വിവരം അറിയിച്ചു. പൊലീസ് എത്തുമ്പോൾ രക്തത്തിൽ കുളിച്ച നിലയിലായിരുന്നു മൃതേദഹം. പൊലീസ് നടത്തിയ അന്വേഷണത്തിലാണ് ലിംഗമാറ്റ ശസ്ത്രക്രിയക്കിടെയാണ് യുവാവിന്റെ മരണം സംഭവിച്ചതെന്ന് കണ്ടെത്തിയത്. വാട്ട്സാപ്പിലൂടെ പരിചയപ്പെട്ട ഫാര്‍മസി വിദ്യാര്‍ഥികളാണ് ലോഡ്ജ് മുറിയില്‍വെച്ച് ശസ്ത്രക്രിയ നടത്തിയതെന്നും പൊലീസ് കണ്ടെത്തിയത്. 

രണ്ട് വർഷം മുമ്പ് ശ്രീനാഥ് അമ്മാവന്‍റെ മകളെ വിവാഹം കഴിച്ചിരുന്നു. എന്നാൽ താമസിയാതെ ഈ ബന്ധം വേർപെടുത്തേണ്ടിവന്നു. ഇതിനുശേഷമാണ് സ്ത്രീയായി മാറുന്നതിനുള്ള ലിംഗമാറ്റ ശസ്ത്രക്രിയയ്ക്ക് വിധേയനാകാൻ ശ്രീനാഥ് തീരുമാനിച്ചത്. ഇതിനായി ഹൈദരാബാദിൽ ചെറിയ ജോലിയും സംഘടിപ്പിച്ചു. മുംബൈയിൽ പോയി ലിംഗമാറ്റ ശസ്ത്രക്രിയ ചെയ്യുകയായിരുന്നു ശ്രീനാഥിന്‍റെ ലക്ഷ്യം. ഇതിനായി പണം സമ്പാദിക്കാനാണ് ഹൈദാരാബാദിലെ ജോലിയിൽ ചേർന്നത്.

അതിനിടെയാണ് ബിഫാം വിദ്യാർഥികളായ ജീവയെയും മസ്താനെയും പരിചയപ്പെട്ടത്. അങ്ങനെയാണ് മുംബൈയിൽ പോയി ലിംഗമാറ്റ ശസ്ത്രക്രിയ ചെയ്യാനിരിക്കുന്ന വിവരം ശ്രീനാഥ് പങ്കുവെച്ചത്. ഇതുകേട്ടപ്പോൾ ചുരുങ്ങിയ ചെലവഴിൽ ശസ്ത്രക്രിയ തങ്ങൾ ചെയ്തു തരാമെന്ന് അറിയിക്കുകയായിരുന്നു. തുടര്‍ന്ന് മൂന്നുപേരും ചേർന്ന് ലോഡ്ജിൽ മുറിയെടുത്തു. യൂട്യൂബ് വീഡിയോ നോക്കിയാണ് ശസ്ത്രക്രിയ തുടങ്ങിയത്. ഇതിനുള്ള ഉപകരണങ്ങൾ ഹൈദരാബാദിലെ ഒരു കടയിൽ നിന്ന് വാങ്ങുകയും ചെയ്തു. എന്നാൽ ശസ്ത്രക്രിയ തുടങ്ങിയതോടെ, അമിതരക്തസ്രാവം ഉണ്ടാകുകയും ശ്രീനാഥ് മരണപ്പെടുകയുമായിരുന്നു. സംഭവത്തിന് ശേഷം ജീവയും മസ്താനും അവിടെ നിന്ന് കടന്നുകളയുകയും ചെയ്തു.

ശ്രീനാഥിന്‍റെ ഫോൺ പരിശോധിച്ചതിൽനിന്നാണ് സംഭവത്തെക്കുറിച്ച് പൊലീസിന് വ്യക്തത ലഭിച്ചത്. തുടർന്നാണ് ജീവയെയും മസ്താനെയും പൊലീസ് പിടികൂടിയത്. ഇവരെ ചോദ്യം ചെയ്തതിൽനിന്നാണ് യൂട്യൂബ് നോക്കി ലിംഗമാറ്റ ശസ്ത്രക്രിയ നടത്തുന്നതിനിടെയാണ് മരണം സംഭവിച്ചതെന്ന് വ്യക്തമായത്.

Related News

'പതിറ്റാണ്ടായ ഹര്‍ജി വീണ്ടും മാറ്റുന്നതില്‍ അതൃപ്തി'; പാമോലി ...
  • 27/11/2024
ചുഴലിക്കാറ്റ്: തമിഴ്‌നാട്ടില്‍ കനത്തമഴയ്ക്ക് സാധ്യത, ഒന്‍പത് ...
  • 26/11/2024
പോള്‍ ചെയ്തതിനേക്കാള്‍ അഞ്ചുലക്ഷം വോട്ട് കൂടുതല്‍; റിപ്പോര്‍ ...
  • 26/11/2024
വിവസ്ത്രയാക്കി, കൈക്കൂലി ചോദിച്ചു; യുവതിയുടെ ആത്മഹത്യയില്‍ പ ...
  • 25/11/2024
മത്സ്യബന്ധന ബോട്ടിനെ സംശയം, കുതിച്ചെത്തി ഇന്ത്യൻ കോസ്റ്റ് ഗാ ...
  • 25/11/2024
പാര്‍ലമെന്റ് ശീതകാല സമ്മേളനത്തിന് ഇന്ന് തുടക്കം; ഡിസംബര്‍ 20 ...
  • 24/11/2024
'ഈ പോക്ക് ഒരു രാജ്യം ഒരു പാര്‍ട്ടിയിലേയ്ക്ക്'; മഹായുതിയുടെ വ ...
  • 24/11/2024
'പ്രിയങ്ക ഗാന്ധിയുടെ ജയം ജനാധിപത്യത്തിന് നല്ലത്, പാര്‍ലമെന്റ ...
  • 24/11/2024
പാര്‍ലമെന്റിന്റെ ശീതകാല സമ്മേളനത്തിന് നാളെ തുടക്കമാകും; വയനാ ...
  • 23/11/2024
എഫ്‍സിഐ ഗോഡൗണിന്‍റെ തകര്‍ന്ന ജനലിലൂടെ കടന്ന നൂറിലേറെ കുരങ്ങു ...
  • 23/11/2024
'ദിവസം മുഴുവൻ വോട്ടെടുപ്പ് നടന്നിട്ടും ഇവിഎമ്മില്‍ 99% ബാറ്റ ...
  • 23/11/2024
'വഖഫ് സാമൂഹിക നീതിക്കെതിരാണ്, ഭരണഘടനയില്‍ സ്ഥാനമില്ല'; വഖഫിന ...
  • 23/11/2024