ഇന്ത്യ-ചൈന യുദ്ധത്തിൽ വീരമൃത്യുവരിച്ച സൈനികന് 60 വർഷത്തിനു ശേഷം പ്രധാനമന്ത്രിയുടെ ബഹുമതി

  • 01/03/2022

നെടുമങ്ങാട്: യൂണിഫോമണിഞ്ഞ സൈനിക ഉദ്യോഗസ്ഥർ പട്ടാളവണ്ടിയിൽ പെരിങ്ങമ്മലയിൽ വന്നിറങ്ങിയപ്പോൾ എല്ലാവരും അമ്പരന്നു. 60 വർഷം മുൻപു നടന്ന യുദ്ധത്തിൽ വീരമൃത്യു വരിച്ച പോരാളിക്കുള്ള പ്രധാനമന്ത്രിയുടെ ബഹുമതിയുമായിട്ടായിരുന്നു അവരുടെ വരവ്. ഇന്ത്യ-ചൈന യുദ്ധത്തിൽ പങ്കെടുത്ത് ജീവൻത്യജിച്ച പാലോട് പെരിങ്ങമ്മല സ്വദേശി ബാലകൃഷ്ണപിള്ളയുടെ വീട്ടിലാണ് പട്ടാളക്യാമ്പിൽനിന്ന് ആദ്യമായി ഉദ്യോഗസ്ഥരെത്തിയത്. സൈനികർ വന്നുപോയതിനു ശേഷം ബാലകൃഷ്ണപിള്ള എന്ന ധീരസൈനികന്റെ വീരസ്മരണകൾ നാട് വീണ്ടും ഓർത്തു.

പെരിങ്ങമ്മല ചെറിയ തൊളിക്കോട് അയ്യപ്പൻപിള്ള-ദേവകി അമ്മ ദമ്പതിമാരുടെ രണ്ടാമത്തെ മകൻ ബാലകൃഷ്ണൻ 18-ാം വയസ്സിലാണ് പട്ടാളത്തിൽ ചേർന്നത്. പരിശീലനം പൂർത്തിയാക്കിയിട്ട് മൂന്നുവട്ടം നാട്ടിൽ വന്ന് മടങ്ങിയിരുന്നു. പട്ടാളക്കാരനെ കാണാനും രാജ്യത്തിന്റെ കഥകൾ കേൾക്കാനും അന്ന് അയൽക്കാർ വീട്ടുമുറ്റത്ത് ഒത്തുകൂടിയത് സഹോദരൻ ഓർക്കുന്നു. പെട്ടെന്നാണ് ഇന്ത്യ-ചൈന യുദ്ധം ആരംഭിച്ചത്. 1962-ഒക്ടോബറിൽ തുടങ്ങി നവംബറിൽ അവസാനിച്ച പോരാട്ടത്തിൽ ഗാൽവൻ താഴ്വരയിലെ ഏറ്റുമുട്ടലിനിടെ 21-കാരനായ ബാലകൃഷ്ണനും ചൈനീസ് പട്ടാളത്തിന്റെ വെടിയേറ്റ് വീരമൃത്യുവരിച്ചു.

മകനെ കാത്തിരുന്ന അമ്മയ്ക്കു മുന്നിലെത്തിയത് മരണവാർത്തയാണ്. മൂന്നുമാസം കഴിഞ്ഞാണ് മരണവിവരം വീട്ടുകാർപോലുമറിഞ്ഞത്. മഞ്ഞിൽ പുതഞ്ഞുപോയ ധീരസൈനികന്റെ മൃതദേഹം കണ്ടെടുക്കാൻപോലുമായില്ല. പിന്നീട് ബാലകൃഷ്ണൻ നാടിന് ജ്വലിക്കുന്ന ഓർമയായി. 60-വർഷത്തിനിപ്പുറം ലോകം മറ്റൊരു യുദ്ധഭീതിയിൽ നിൽക്കുമ്പോഴാണ് പ്രധാനമന്ത്രി നരേന്ദ്രമോദിയുടെ 'അറിയപ്പെടാത്ത യുദ്ധനായകന്മാരുടെ ചരിത്രം സംരക്ഷിക്കാനുള്ള ബോധപൂർവമായ ശ്രമം' എന്ന പദ്ധതിയുടെ ഭാഗമായി ശനിയാഴ്ച സുവർണപ്പതക്കവുമായി പാങ്ങോട് സൈനിക ക്യാമ്പിൽനിന്ന് ഉദ്യോഗസ്ഥർ ബാലകൃഷ്ണപിള്ളയുടെ വീട്ടിലെത്തിയത്.

Related News

പന്തീരാങ്കാവ് ഗാര്‍ഹിക പീഡനം: തര്‍ക്കം തുടങ്ങിയത് ഫോണിലെ മെസ ...
  • 14/05/2024
താമിര്‍ ജിഫ്രിയെ കസ്റ്റഡിയിലെടുക്കാൻ ഉപയോഗിച്ചത് ഒന്നാം പ്രത ...
  • 14/05/2024
കഴുത്തില്‍ ബെല്‍റ്റ് മുറുക്കിയ നിലയില്‍ മൃതദേഹം; പോക്സോ കേസ് ...
  • 14/05/2024
ഹരിഹരൻ ഖേദം പ്രകടിപ്പിച്ചു, മാപ്പ് പറഞ്ഞതോടെ വിഷയം തീര്‍ന്നു ...
  • 14/05/2024
കേന്ദ്രം നല്‍കിയ ലക്ഷ്യം മറികടന്ന് കേരളം; ഒരു വര്‍ഷത്തിനിടെ ...
  • 14/05/2024
ഇന്നും പരക്കെ മഴ; 'കള്ളക്കടല്‍' പ്രതിഭാസം, ഉയര്‍ന്ന തിരമാലയ് ...
  • 14/05/2024
ആംബുലന്‍സ് വൈദ്യുതി പോസ്റ്റിലിടിച്ച്‌ കത്തി; രോഗി വെന്തുമരിച ...
  • 14/05/2024
റഫര്‍ ചെയ്ത രോഗി തെരുവില്‍ മരിച്ച സംഭവം: സൂപ്രണ്ടിന്റെ റിപ്പ ...
  • 13/05/2024
ആർഎംപി നേതാവ് ഹരിഹരന്റെ വീട് ആക്രമിച്ച സംഭവം; സിപിഎം, ഡിവൈഎഫ ...
  • 13/05/2024
പ്രിയ വര്‍ഗീസിന്റെ നിയമനം നിലനില്‍ക്കില്ലെന്ന് യുജിസി, സുപ്ര ...
  • 13/05/2024
പ്രതിഷേധത്തിനിടെ പൊലീസ് കാവലില്‍ ഡ്രൈവിംഗ് ടെസ്റ്റ്
  • 13/05/2024
ഭിന്ന ശേഷിക്കാരനെ കോടാലി കൊണ്ടു വെട്ടി, കല്ല് കൊണ്ടു തലയ്ക്ക ...
  • 12/05/2024